Saturday, March 29, 2008

هــــو انـــت صــــــــــــــــح؟


السلام عليكم ورحمه الله وبركاته


فكرت كثيرا في هذا الموضوع

ولكن في كل مره كانت مده التفكير لاتتعدي الثانيتين حيث اني ارددت ان اكتب لكم ماافكر فيه من غير ترتيب فقط فلنفكر سويا


كثيرا ماوجدت تدوينات متشائمه من احوال البلد والاوضاع بها

نعم كلنا نري مافي البلد ومايحدث هذه الايام .. ولكن...و


هل نحن جميعا نقوم بما نفخر اننا قمنا به ...اعتقد ان كثيرا منا سيقول لا بالطبع

دعوني اتحدث عن شئ يستفزني


كليتي كانت نظريه اكثر منها عمليه

دخلتها برغبتي لاني احببت ان ادرس التجاره وادرس احوال الدول المتقدمه وكيف تدير اقتصادهاا فدخلت تجاره انجليزي

كنا ندرس كتب لكبار الاقتصاديون في العالم وتحديدا امريكا

كنت اري طريقه تفكيرهم وانبهر ولكني ارجع بعد ذلك واقول لا لقد كان رسولنا الكريم افضل منهم وكان قائد وكان قدوه ومثل لنا في اداره الامور

في سنه رابعه اردت ان اتخصص في اداره الاعمال حيث اني ارددت ان اتعمق اكثر في دراسه كيفيه الاعلان عن المنتج والتسويق وخصوصا التسويق الالكتروني وان ادرس التفاوض وكيفيه ان تتفاوض مع اشخاص وان تحصل علي

avery perfect deal

كما يقولون

فكرت كثيرا في كيف كان سيصبح حالنا اذا كنا نحذو حذو رسولنا الكريم في كيفيه ادراه الامور وكيفيه التفاوض مع الاخرين

كيف برع رسولنا الكريم في التفاوض في كثير من المواقف اذكر منها علي سبيل المثال لا الحصر:و

كيف تفاوض مع الشخص الذي اراد ان ياخد من الاموال الكثير وكيف اعطاه رسولنا الكريم وكيف كان رده فعل الشخص هذا

كيف تفاوض في صلح الحديبيه وحنكه رسولنا الكريم فيه

وكثير وكثير وكثير من المواقف

وايضا كنت اري كيف ان طلبه الهندسه في جامعات مصر يقومون بعمل مشاريع التخرج ويبدعون ويخرجون لنا مشاريع صغيره الحجم والتكلفه ولكنها كبيره بمزاياها ... ولكني صدمت بعد ذلك اذ اني اراها تلقي في القمامه او توضع في البيوت كتذكار

انظر الي الادوات او المنتجات جميعها فاجد

made in china

اشعر بالخجل

حتي الاستيكه او الممحاه كما يطلقون عليها اجدها صينيه الصنع

اذن ماذا نستطيع ان نفعل

هيا اخبروني

اعتقد ان الاجابه لا شئ

اتعلمون شيئا


اتحدث مع فتاه امريكيه وتقول لي ها ماذا فعلتم انتم العرب المسلمون

تبكون علي الاطلال


كم حرقتني هذه الجمله

فعلا نبكي علي الاطلال

نقول نحن احفاد محمد صلي الله عليه وسلم واحفاد الصحابه نمشي علي طريقهم

كذبنا والله كذبنا

لم نسر علي طريقهم

كيف سرنا واين



اريد ان اسال سؤالا واحدا

ويجب ان نساله جميعا الي انفسنا

احضر اولا ورقه وقلم واكتب الوقت الذي تقوم به بعملك

ان كنت تعمل اكتب مواعيد العمل (كم ساعه تستغل فيها بالظبط ) وكم ساعه تضيعها هباءا ولاتقوم بفعل شئ


هيا انتي ايضا احضري ورقه وقلم واكتبي

ماذا فعلتي اليوم

استفدتي من اليوم وقمتي بعمل شئ مفيد


لا تقولي اني لا اعمل

فانا ايضا لا اعمل ولكن تعلمنا ودرسنا وحصلنا علي شهاده عاليه وآن الاوان ان نقوم بعمل شئ


مثل ماذا؟؟


ساعطي مثالا

كانت لي صديقه خريجه كليه الهندسه وكانت تنتظر اي من الحلين الاتيين

اما ان تتزوج او تعمل

اتصلت بها يوما وسالتها عن حالها قالت لي مخنوقه اوي

قلت لها انتي مهندسه وتدخلين الانترنت ولا تفعلين شيئا مفيدا غيرانك تحدثين اصدقائك

طيب ليه ماتدوريش في النت علي اي موقع تعليمي وترين كيفيه عمل اي جهاز او اله صغيره الحجم وتكون مفيده

بعد الاقناع دخلت النت وبحثت عن اشياء تقوم بصناعتها

ولكنها -اتكعبلت - في دوره تعليميه في كيفيه صنع اجهزة صغيره ومحركات واشياء من هذه

اتحدث عن فتاه ولكن ستكون افضل للذكور

لو فكرنا مليا

ماذا فعلنا وماذا كنا نستطيع ان نفعل لولا الكسل والامبالاه

لكنا فعلنا الكثير


الانستطيع ان نقم بعمل اي جهاز او اي منتج من الذين نقوم باستيراده من الصين - دعونا لانتحدث عن الحكومات - فلنتركها مليا ونستعن بالله ومن يتوكل علي الله وفهو حسبه ان الله بالغ امره

دي حاجه مفروغ منها

يعني احنا علينا ان احنا نعمل ونجتهد ونتوكل علي الله والله حسيبنا حتما


تجربه شخصيه

دخلت احدي المواقع التي لا يشترك بها الا النساء (خاصه بالاخوات) ووجدت ورش عمل ماشاء الله عليها في كثير من المجالات

نساء تعمل بنشاط وبجد وتعلم النساء كيفيه الخياطه والتفصيل وفنون الديكور وكيفيه صناعه الديكورات والتحف واشياء صغيره وسهله الصنع ولكنها جميله وبالفعل قامت العديد من الفتيات باقامه مشروعات صغيره بمساعده هذا الموقع وادرت بالاموال والربح عليهم


حتي انا

قمت بعمل شنطه جينز كالتي تباع الان في المحلات والتي تباع بدءا من 60 جنيها الي 100 او 120 جنيه


ولن تتخيلو كم كلفتني

2,70 قرشا


:))))

لا تضحكو صدقوني كلفتني هذ اتنين جنيه وسبعين قرشاا

قمت بعملها من بنطلون جينز قديم و قمت بصبغها ووضع ديكورات بسيطه

وعندما وجدتها هكذا قمت بعمل اخري لامي


اصبحت محترفه الان :))))))



العمليه ليست صعبه

كل واحد مننا يفكر ماذا يستطيع ان يفعل

والنت موجود وبه الكثير من الافكار وخبرات الاخرين

فلنستفد منه

ولنقم ونفعل

فلنقم لاننا اصبحنا في موقف لانحسد عليه




ولنعلم ان المشاريع الصغيره هي التي تقوم عليها الصناعات واقتصاد الدول الان

فلنبدا بعمل شيئ مفيد وبالتدريج ستصبح محترفا فيه وتستطيع ان تحقق ربحا ايضا يعني تفيد وتستفيد



قال رسول الله صلي الله عليه وسلم (ان الله يحب اذا عمل احدكم عملا ان يتقنه )صدقت ياحبيبي يارسول الله

57 comments:

الطائر الحزين said...

فتح الله عليك

اعتقد اننا عندنا كمية هادر كبيرة جدا مع اننا لا نملك



بارك الله فيك

http://kasperb4.blogspot.com/ said...

الكسل ده مودينا ف داهية

ربنا يهدينا جميعا لما يحب ويرضى

تدوينة مميزة ودعوة رائعة نحو الإيجابية

جزك الله خيراا

http://kasperb4.blogspot.com/ said...

معلش نسيت اجوابك على سؤالك

انا فعلا مش صح

ربنا يصلح لي حالي

خالد said...

داستوور ياهل الداار
آآني صوح
أومال اييه
هوانا عندي وقت اهرش
والله يا ست الشابة انا عملت حاجات كتيير
حدانا في البلد
ما عندناش حاجة عاد اسمها ايد بطالة
ومن يوم ما خدت البكالوتوز وانا من منصب لمنصب لحدت ما بقيت مدير مالي قد الدنيي
ومشاريعي بقه هي عيال تفرح القلب
بس خلاص عشان انا خارج اسعى لطلب الرزق
دعواتي لك بالقبول
هو ان شاء الله القبول موجود
بس انا قصدي القبوووول على طووووول

عاشــــــ النقاب ـقــــة"نونو" said...

ههههههههههه
معلش بضحك على كلام استاذ خالد
الحقيقة خالد رجل اللي بيقولوا عليه سبع صنايع بس باذن الله البخت مش ضايع ربنا يكرمه ويخليه
بصي موضوعك دة مرتبط بحدث حاصل عندي هنا في احدى المدن الجديدة
المكان هنا ممتليء بطريقة خرافية بالصينيين
وكل ما ابص من البلكونة الاقيهم ولما سالت عرفت اننا بقى ما بقناش نستورد بضايع من الصين
لا اتطورنا وبقينا نجيب الصينيين بذات نفسهم هنا ونعملهم مصانع يشتغلوا فيها ونكتب على البضايع صنع ي الصين
المشكللة بقى اصبحت جلية اوي وبقى الصينيين يلفوا على البيوت ببضايعهم واللي ساعات بتبقى رخييصة جدا والفصال معاهم كبير ومغري فالواحد يشتري
ويوميين وتبوز
المهم عرفت اننا بشرانا للبضايع دي
بنساهم في ضرب اقتصادنا
والمفروض نعمل دعوة لعدم شراء اي بضايع منهم خصوصا اللي بيجوا لحد البيت دول المشكلة ان مفيش بدايل مصرية وان كان فيه برضه بتبقى سيئة
اكتشفت برضه في نفسي مواهب في اعمال البيت برضه بس المشكلة في الوقت وحقيقي نفسي اعمل وابيع حتى ولو مش فيه ربح
وقريب هعمل حاجة اشركم معايا في التعلم
والمفروض كلنا نتشجع ونبدا بنفس كل واحد فينا دة المؤمن القوي خير
واحب الى الله من المؤمن الضعيف
وربنا يفتح عليكي يارب
ويبارك فيكي

قطــــوفها دانيــــــة said...

السلام عليكم
والله كلامك جميل ومعقول جدا ودا بيفكرنى بمشروع صناع الحياة بتاع عمرو خالد بس فى مشكلة كبيرة واجهتنى انا شخصيا والكتير من الشباب احنا كلنا كنا متحمسين جدا وكان نفسنا نشتغل بجد ونعمل حاجة لخدمة دينا لكن اول ما جينا ننفذ اصطدمنا بالواقع ومش كل اللى بنحلم بيه نقدر ننفذه جايز اكون زى ما قلتى فى بداية البوست بتاعك يائسة بس انا بجد حاولت وان شاء الله بعد كلامك ده هحاول تانى لانى بجد نفسى اعمل حاجة والكلام لوحده مش كفاية واحنا بقينا فى زمن لازم نسيب الكلام والبكاء على الاطلال ونبدا فى العمل الله المستعان
جزاك الله خيرا موضوع اكثر من رائع جعله الله فى ميزان حسناتك

رفقة عمر said...

عارفه ان كمان ادراة اعمال وانا اخترت انى لا اعمل بارادتى بس الحمد عرفت اشغل وقتى كويس بفضل الله
لدرجه ان فيه ناس بتشتغرب ازاى انا مش باشتغل ومش زهقانه
بجد موضوعك جميل قوى واحنا فعلا بنهدر وقتنا وطاقتنا كتير قوى
والمشكله انا سنسال عن عمرنا وشبابنا وصحتنا وعن اموالنا عملنا فيهم ايه
جزيت خيرا على موضوعك الجميل

دكتور حر said...

ربنا يكرمك يا عاشقه عالموضوع الجميل

ايوه كده
احنا عاوزين ديننا والناس المتدينه
والمدونات الطاهره
تكلمنا بقى عن بكره
تكلمنا عن المستقبل
تكلمنا عن كيف سنكون
لا عن كيف كنا


هو فعلا النجاح في مصر صعب ومحبط وغير مقدر الى حد كبير
لكن كله مع الصبر والبذل بييجي

ربنا يوفقك ويكرمك

وتقبلي تحياتي

mohand said...

يا ريت كلنا نعمل كده

انا والله بشتغل ومعنديش وقت فراغ

حتي متابعتي للمدونات بيكون في وقت الفراغ اللي في الشغل


تحياتي

ويا ريت تبقي تنشري المواقع اللي بتعلم دي

تفيد الناس باذن الله

محمد said...

هو في مصر النجاح أصبح صعب ولكن يمكن تحقيقه

تعرفي .. السبحة وسجادة الصلاة والثوب الأبيض والبشكير صناعة صيني

يعني حتى أدوات عبادتنا صيني

كنت لسه بفكر النهاردة .. كيف نعود للسابق .. متهيألي نحتاج نبطل نأكل شيبسي ونأكل بدلا منه بطاطس محمرة .. ونبطل الفينو الفرنساوي ونأكل عيش مخبوز في البيت

نحتاج أن نعتمد على أنفسنا كمسلمين ونصنع ما يلزمنا .. فتشجيع الصناعة الوطنية ليس بعيدا عن مقاطعة الوجبات السريعة وأكل طعام منزلي

Unknown said...

رااااائعه التدوينه دى جدااااا

ميكفيش فعلا زى ما قلاتى مجرد الشجب والاستنكار....لازم يصحب ذلك عمل((ما وقر في القلب وصدقه العمل))

وحلو اوى فكرة استغلال الطاقات المهدره وتوظيفها....بدل من البكاء على الاطلال والجمود الفكرى والحركى...الشلل العام بمعنى اشمل

بارك الله فيكى يااختى الفاضله

وهنيئا لكى ال100جنيه
:)

خالص تحياتى ،،،

Anonymous said...

مشكلتنا الكسل ان كل يوم نقول بكره وبكره بتاعنا مش بييجى ليه فعلا الشباب اللى بيقول مش لاقى شغل ولوا القهاوى ميفكروش يصنعوا المنتجات الخفيفة اللى بنستوردها من الصين جوه بلادنا بس مين يقول ومين يسمع

صاحب المضيفة said...

كلامك مظبوط ملوين في المية

لو عاوزين نعمل حاجه كنا عملنا بدل البكاء على الاطلال زي ما الأمريكية قالت

كلمة توجع فعلا


ربنا يكرمك ويبارك فيك


لك كل التحية

محب الدين said...

بتعجب جدا لما حد يقولي خالي شغل
والله اللي عاوز يشتغل هيشتغل
فيه أفكار كتير وشغل كتير
بس للمجتهدين بس
مش للكسلانين
موضوع جميل ما شاء الله
ربنا يبارك في حضرتك
ـــــــــــــــــ
استاذ خالد والله وحشني كلامك
نفسي تفضى بئا

Hosam Yahia حسام يحيى said...

ماشاء الله بجد

بوست جميل جدا جدا

يارب نقدر نرجع مجد الاطلال اللى احنا بنبكى عليها الان

تحياتى

مشروع انسان said...

ما شاء الله
فعلا حان وقت العمل
وقلة الشكوى

احنا فى زمن اللى مش هيتحرك ويعمل وينتج
ويفضل يبكى على الاطلال
مش هيبقى ليه اثر

سواء دنيا او دين
جميل ان الواحد ينصح الناس ويعمل هو بنفسه ويتحرك
وتكون دراسته دافع ليه وهدف

بورك فيكى
ورزقنا الله همة عالية جميعا

Unknown said...

مش الشنطه دي اللي هيه كانت هديه والده حضرتك
:)
العصفوره قالتلي
...............
فعلا الواحد ممكن يعمل حاجه
لو كان ايجابي
واهو النجاح بيجيب نجاح
!!!!!!
واحنا اللي بادينا ان احنا نغير
"حتى يغيروا ما بأنفسهم"
يعني ربنا بيقولنا ان احنا التغيير في ايدينا
واهو تغير الحياة
يبدأ بشنطة جينز
:)

Anonymous said...

لا اله إلا انت سبحانك انى كنت من الظالمين
اللهم اهدنا وردنا إليك مردا جميلا غير مخزى ولا فاضح
جزاكى الله خيرا على حسن طرحك

Fahd said...

اعرف انك تتحدثين عن ثقافة مجتمع عن فكر
عن اراده شعب
عن رغبة امة في ان تعلو

عن احساس عالي بالمسؤلية

طبعا الموضوع ليس بسيطا حيث ان به متغيرات كثيرة بعضها تحت ايدينا والكثير منها خارج حدودنا

ولكننا كما قلتي نمتلك الكثير

قد رايت عندما ذهبت الي بلدتي التي اعتبرها نائية نوعا ما
تخيلي ماذا رايت

رايت فتاه صينية تحمل فوق ظهرها حقيبة ضخمة وتسير بها في شوارع القرية المليئة بالحفر والمطبات

كان الناس يسخرون منها

ولكني اكبرتها
واحترمتها
واحترمت انها تسوق لمنتجات بلدها


نحن نحتاج قبل الافكار نحتاج شخصية ثقافة
فكر

نحتاج ان نتربي علي هدف

وجزاكم الله خيرا

الربان said...

تحياتي

اولا شكرا علي موضوعك الجميل ،و بارك الله فيك...

ثانيا ، اؤيد حضرتك باننا لم نستغل
وقتنا الاستغلال الامثل...و معظم شبابنا
امام التليفزيون او علي الشات...

حتي امام التليفزيون...لا يبحثون الا عن الافلام و المسلسلات و كليبات...بالرغم من وجود قنوات هادفة
وجميلة و مفيدة...لقد تابعت بعض قنوات
النيل التعليميةو وجدت برامجها مفيدة
جدا.... و يوجد ايضا قنوات اخري مثل كوكب الحيوان...و ديسكفري و خلافه.
اما الانترنت...فهناك الاف المواقع التي
تساعد الشباب علي تأهيل أنفسهم مهنيا

و بما ان حضرتك خريجة تجارة...بالتأكيد
سمعتي عن اصطلاح محاسب قانوني معتمد..
الان كل العالم يبحث عن التأهيل المهني
و جمعية المحاسبين المصرية و معهد المحاسبين
التابع لنقابة التجاريين...
و بالطبع فيه هناك جمعيات مهنية امريكية تقتضي عضويتها مذاكرة و تعب
لكن بعد العضوية يكون المؤهل مهنيا مطلوب براتب كبير...

تحياتي و تقديري و ياريت الشباب ياخذ
من تجربتك مثلا....

محمد مارو said...

موضوعك رائع و الظاهر عليكى مثقفه جدا

اما بخصوص

الرسول صلى الله عليه و سلم و قدوته لنا

و ادارته للامور
احب افكرك بكتاب اعظم البشر 100 و اعظمهم محمد صلى الله عليه و سلم

محمد عبد القوى said...

أفكار هايلة وعزيمة تستحق الأعجاب
ربنا يفتح عليك وعلينا ويعوضنا الوقت اللى ضيعناه لحد دلوقت
ومبروك على الشنطة

khobayb said...

صح

كثيرا ما نتحدث فقط لأننا أكسل من أن نعمل !

جنـه said...

اولا مدونتك هايله
ثانيا عن موضوعك انا زعلانه من نفسي قوي حاسه اني مقصره ناحية نفسي وروحي وناحية كل شئ تعبانه رغم اني بشتغل بس حاسه بفراغ كبير جوايا وحواليا ليه يا عاشقه ماذكرتيش الموقع اللي اتعلمتي منه ممكن تفيدي بيه ناس كتير وانا اول واحده هفتحه واتعلم وبارك الله فيكي علي مدونتك كلها وموضوعاتك الجميله ومتشكره قوي انك حاطه مدونتي عندك في امفضله وتدوينتي الاخيره

فى القلب said...

عاشقه الفردوس كل حرف من حرفك فعلاً طالع من القلب ويصل للقلب
وكأنه أنعكاس للمرأه لنرى صورتنا على حقيقتنا ونحاول تحسينها
شرفت جدا بمعرفتك عاشقه الفردوس
وأرجوكتابه أسم الموقع الخاص بالأخوات
حتى تكون الفايده أشمل و أعم

بحبك يامصر said...

السلام عليكم
البوست رائع وفعلا مفيد وانا هحاول واجرب يمكن نعرف نعمل حاجه

Anonymous said...

يبدو أنني دائما أأتي متأخرا
أخشى أن تصبح عاده

جزاكم الله خيرا على ما كتبتي كان له الأثر البالغ عندي


اعتذر عن عدم اجابتي على التاج حتى الان
لكن سأجيب عليه قريبا ان شاء الله
ولو امكن تبعتيلي رابط التاج


أمتن كثيرا لوجودكم عندي


تحياتي
و
محبتي

منوفيـــايــة said...

هو انت صـــــح؟؟؟.....أكيد لاء
"ربنا يصلح حالنا جميعا

الجنوبى said...

كلامك زى الفل احنا مش كويسين ومش ماشيين خلف السلف الصالح

لكن انا تغظت من البنت الامريكية التى قالت ما ذا فعلتم انتم لعرب
وغاظنى اكثر ردك عليها او بالاحرى
عدم ردك لذلك لما تسالك تانى قوليلها

انى احنا عندنا خير البشرية جمعاء بشهادتهم
المسلمين الاوائل هما اللى عملوا المجتمع المدنى الحديث يعنى عندك ابن خلدون يعتبر مؤسس علم الاجتماع وهو المؤسس الحقيقى للنظرية الاقتصادية المنسوبة لادم سميث

وعندك برده انى المسلمين فى الوقت الحالى على لمستوى الاقتصادى والعسكرى والاستراتيجى اقوى من الغرب ودا بالارقام وعلى فكرة دا مش كلامى دا كلا الدكتور محمد ابراهيم مبروك
اذا جينا للعلم هتلاقى انى ارفع المناصب العلمية ماسكينها مسلمين عندك احمد زويل صاحب اهم اختراع فى تاريخ علىم الكيميا ودكتور الياس زرهونى رئيس معاهد الصحة الامريكية ودا ارفع منصب طبى امريكى

لما تسالك تانى قوليلها انى احنا اللى بنينا العالم بس معلش اللى احنا فيه دا ابتلاء من ربنا حتى يميز الخبيث من الطيب

تحياتى عمرو

على فكرة انا برده ف كلية تجارة
لو تحبى نتناقش ونفيد بعض اكتر ممكن نتراسل
ايميلى ع البروفايل

سلام

د/اجدع بنوته said...

اه والله

لو كل حد استغل بس ساعه واحده ف اليوم يعمل فيها حاجه يساعد بيها غيره

او يتقن حاجه هو بيحبها

او يتعلم حاجه جديده

لكن الكل عايز يهيييييص

يعييييييش

ينشغل باى هموم ماشى

لكن يدور ع حلول لهمومه دى لا

الكل بيبص تحت رجله

أم أحمد المصرية said...

الله ينور يا صديقتي هي دي الروح الايجابية و القدوة اللي كنت بتكلم عنهم في تدوينتي السابقة هيا نبدأ بس انت تفوقت علي و حددت افكار و موضوعات جعلها الله في ميزان حسناتك و بالمناسبة مافيش شنطة جينز هدية لصاحبتك ام احمد

Unknown said...

ماشاء الله تدوينه رائعه جدا
فعلا وياريت والله الافكار دي تنتشر بين الناس وتصبح ثقافة الابتكار موجوده بدل ثقافة الفهلوة والاتكال علي الوظيفه وبس
واذا عملنا كل شيء كما يحب الله ويرضي سيتغير الحال كثيرا
ان مايحدث اكيد لكل منا يد فيها
ولايصيب الله قوما الا بمايستحقوا
ولايغير الله مابقوم حتي يغيروا مابأنفسهم
وجزاكم الله خير

دكتور بيطرى said...

جزاك الله خيرا على طرحك هذا الموضوع لأن كثيرا من الشعب ترك قضيته الأساسية وانشغل بالكلام فى مشاكله وعلق كل مشاكله فى شماعة الحكومة الظالمة ووضع يديه على خده وبالتالى الحكومة تركت الناس تتكلم كالببغاوات مادام هذا الكلام لا يحرك ساكنا !!
وأنا أذكر قصة فى هذا الموضوع تفسر علاقة الحاكم بالشعب . يروى أنه كان أحد الخواجات يتحدث مع باشا إحدى الإقطاعيات وترك حصانه يمرع فى حقل كان يملكه فلاح بسيط وفوجىء الخواجة بأن الفلاح غاضبا جدا من الحصان فسأل الباشا مستعجبا من ردة فعل الفلاح وسأل عما يقول هذا الفلاح ؟؟ فرد عليه الباشا بأن الفلاح من شدة غضبه كان يشتم ويسب فى الحصان فضحك الخواجة وقال للباشا وهل هذه الشتيمة ستؤذى الحصان فرد عليه الباشا مستنكرا : لا !! فقال الخواجة حينئذ دع هذا الفلاح يشتم كما يريد مادام الحصان لايصيبه سوء!!وهكذا اصبحنا جميعا مثل هذا الفلاح المقهور وأصبنا بالشلل وانشغل مثقفينا بطرح المشاكل والفساد ليل نهار فأصبنا بالإحباط بسبب أننا لاحول لنا ولا قوة وهذه فكرة إستعمارية كان يستخدمها الإستعمار قديما للحرب النفسية على المسلمين حتى نسوا كلام رسولهم الكريم فى الحديث القدسى ( نصرت بالرعب مسيرة شهر وجعلت ليل الأرض مسجدا وطهورا)...ا

عبثي said...
This comment has been removed by the author.
احساس لسه حى said...

عزيزتى

الدنيا مش سهلة قوى

واى مشروع بينجح بتلاقى الف واحد عمله ودخله يقل

والضرايب بقه وده عاوز خدمه وده عاوز رشوع وده عاوز يخرب بيتك ويضيقك

معاكى ان الانسان يحاول بس فى بلادنا

المحاولات بقيت ضيقه قوى

وقليلة وصعبة

وربنا يعين الجميع تفتكرى حد يلاقى مصلحه ويرفضها

المصريين بيدورا على الشغل بجد

ربنا يوفقك

تحياتى

سلام

"النجم القادم" said...

السلام عليكم

اختنا الفاضلة ربنا يباركلك يارب

بجد تدوينة رائعة لاتخرج الا من الناس بتاعت تجارة

زى كده يعنى

ههههههههههههههه

ربنا يكرمك ونتمنى ان يتحرك شبابنا وان لحمد لله انافى تانية كلية والحمد لله شغال عال العال كمان
تعرفى والله انا قاعد اليومين دول من الشغل علشان المذاكرة والامتحانات حاسس انى مخنوق وعندى حاجه ناقصة

ربنا يكرمك ويكرم شبابنا

الراقـــص مع الذئـــــاب said...

السلام عليكم

اولا جزاك الله خيرا علي البوست دا يا عاشقة الفردوس

بجد جميل جدا
انا بحب البوستات اللي فيها تجربة شخصية ناجحة وبتحكي واقع ملموس
مش مجرد حشو وكلام ملوش لزمة
نفضل نعيط ونقول الحياة صعبة والدنيا سودا ومخنوقين
والناس في كل دول العالم ماشية لأدام...مفيش غيرنا احنا بس اللي بنرجع لورا

فكرة الشنطة الجينز روعة...وكان ليا واحد صاحبي عملها...بس كان بيعمل محافظ بقي

عارفة انا الفترة ديه باخد حاجة اسمها فرقة قادة فصايل (دورة تدريبية يعني) مش بنعمل فيها اي حاجة
نروح الساعة 7,30 الصبح
مجرد نروح نثبت حضور في الوحدة ونستني الساعة 3 نغير هدومنا ونمشي
اليوم ممل جدا ومفهوش حاجة
واحد صاحبنا اقترح انه يشرحلنا كورس ccna
احنا معظمنا مهندسين اتصالات...والكروس دا مهم جدا وغالي ...بيوصل ل 1500 جنيه
الحمد لله وصلنا لجزء كبير فيه وبدأنا نستفيد بدل الفراغ اللي كنا فيه
وكان استغلال جميل للوقت...وطبعا ربنا يجازي صاحبنا دا خير لتطوعه للشرح

معلش رغيت كتير
بس موضوعك جميل ولازم ارغي فيه

جزاك الله خيرا مرة تانية

الباحث عن الحقيقة said...

اولا : والله انا فخور بيكى وبطريقة تفكيرك وانجازك خاصة فى عمل الشنطة
ثانيا: فكرتينى اكتب موضوع عن براعة رسول الله كمفاوض سياسي محنك
ثالثا : الدرس الجديد نزل بقاله ..دقيقة
شاطره بقى ابقى تأخري
ملحوظة
بجد سعيد بموضوعك
وبطريقة تفكيرك انك تدخلى تجارة انجلش علشان تفيدى الامة وتشوفى غيرنا اتقدم ازاى وازاى احنا كمان نطور نفسنا ونستفيد منهم
الموضوع كبير عايز افكرله فى بوست
سلام

Ophelia - cfd said...

ماشاء الله
تجربتك حلوه وى .. هو فعلا واقع ملموس ان كل حاجه بقت صينى حتى الحجات اللى بنستخدمها فى عبادتنا زى ما الأستاذ وضاح قال لكن احنااللى بنكسل نعمل اى حاجه عاوزين كل حاجه جاهزه هناك عددهم أكتر مننابكتير ومع ذلك كله بيشتغل حتىفى بيتهم بيشتغلوا مش قاعدي علىالقهاوى زى عندنا ويقولوا فى بطاله

ماهو لوكل واحد عمل كده وحاول يبتكر أى حاجهاو يبحثويتعلم الحاجه دى بتتعمل إزاى

مكنش دا بقى حالنا

:) تحياتى ليكى

مجداوية said...

السلام عليكم
ماشاء الله تبارك الله
افكار جميلة وان كنت فى مدونتى قد نوهت على فكرة سأطرحها بعد اضراب يوم الأحد ولكن سأقول لك عن مضمونها وهى محو الأمية وهو الزام على كل من تلقى العلم وخيركم من تعلم القرآن وعلمه وخيركم أنفعكم للناس وهذه هى فكرتى أن يقوم كل من لديه وقت ولو ساعتين فى الأسبوع ليعلم شخص او شخصين وسوف أطرح الفكرة بالتفصيل بعد يوم الاضراب ,وجزاك الله خيرا أختى الكريمة وجعل الفردوس دارك ومقامك

أنسانة-شوية وشوية said...

عندك حق فعلا تدوينة جميلة جدا ربنا يكرمك
انت عارفة انا النهاردة اتجننت لقيت زوجى العزيز راجعمن السوق وجايب لي جمبري صينى وسبيط صينى تخيلي وصلت للاسماك كمان
لا حول ولا قوة الا بالله
احنا طلعنا بالديات

المستنصر بالله said...

والله برافو عليكى افكارك رائعه
بارك الله فيكى

Anonymous said...

اذا فعل كل منا ما تفعلينة
و اتقن كما اخبرنا رسولنا الحبيب صلى الله عليه وسلم

لعدنا الى سابق مجدنا

و لجفت دموعنا من البكاء على اطلالنا

Anonymous said...

كلامك مش مترتب بس فيه حاجات كتير عايزة تقوليها
مش عارف ليه حسيت اني عايز ارد عليكي رغم ان الموضوع حكاية او قصة وانا مش من هواة القصص والحكايات
بصي يا دارسة الادارة المهتمة بالدين خلاصة القول ان الله لا يغير ما بقوم حتي يغيروا ما بأنفسهم

max.adams said...

هو أنت صح؟
لأ مش بالضبط
بس الكلام اللي قريته حالا ده صح

فرنسا هانم said...

عارفه لو كل واحد وواحده فكروا زيك كده
هتلاقى افكار كتير تظهر
ونتقدم خطوات للامام
ومستناش الامريكيه اللى بتتريق علينا وعندها حق
ولا نستورد الاستيكه من الصين

الفجر قادم said...

بوركتى اختى عاشقة الفردوس الموضع رائع ...........أنا اعترف انى واحدة من الناس اللى مش صح
هدانا الله عز وجل ونفع بنا الأمة
فعلا ..نعيب زماننا والعيب فينا وما لزماننا عيب سوانا
.........
ارجو متابعة حملة مقطاة المنتجات الهولندية على مدونتى الفجر قادم
جزاكم الله خيرا

dr. Ahmed Sakr said...

بصراحة أختى وضعتينا على نقطة خطيرة وهى الأهم أن يبدأ كل منا بنفسه وأن يحاول أن يصلح

بوركتى أختى الكريمة على كلماتك

أسأل الله ان يجعلها بميزان حسناتك

أحمد سعيد بسيوني said...

ساقرأ واعود

محمد عبد القوى said...

بوست جديد على قلم الحرية يارب يعجبكم

موناليزا said...

ربنا يكرمك ويجعل كلامك هذا فى ميزان حسناتك
ياريت تقوليلى على الموقع الذى يعلم الفتيات فقط الحرف الفنية ولكى منى جزيل الشكر

رينـــــــــــا said...

السلام عليكم
ماشاء الله عليكى
والله ان البنات بميه رجل الان :))))

طيب يعنى انتى معايا على النت ومتشركنيش ماشى ماشى لما اشوفك بس
انا زعلانه :(

Ehab said...

يا اختي انتي بتقولي كام ساعه بنشتغلها طيب تعالي شوفي بقى مش بس الوقت اللي بيضيع من غير شغل
كمان الوقت اللي بنشتغله وبنشتغل فيه غلط
يعني مفيش تركيز مفيش اهتمام
كل واحد بينفذ العمل زي ما بيقولوه مع انه مقتنع انه غلط
ساعات كنت بحاول اوقف الموضوع واراجع مع الناس الشغل ده غلط يا ناس
لقيت اني بقيت اخر واحد بيخلص شغله وبالتالي انا بقيت بطيء وشغلي مش قد كده
خلاص الحل اني امشي مع القطيع عايزين سرعه خلاص مفيش جوده
ولو اني برده كنت اتمنى اقف على موقفي وبس تقولي ايه

عموما احييكي على الموضوع الجميل ده
قال وبتعلقي عندي تقولي خايفه
لو كلنا هنتحرك زيك كده ومنستسهلش يبقى مش محتاجه تخافي خالص
تحياتي
سلااااااااااااااااااااام

NIDAAL .R said...

اختى / عاشقة الفردوس
سلام الله على الجميع
اتمنى لكى دوام الصحة و العافية
ولو جيتى للحق فعلاً احنا مش قادرين نستغل موارد كتيرة اوى و فى نفس الوقت مش بنستغل معظم الوقت و مش عارف بقى هل دى سلبية او ثقافة ينبغى علينا معرفتها و تعلمها و تعليمها ولا كسل ولا ايه ؟
ربنا يبارك فيكى يارب
و ينفع بكى
وطب ما تعملى مشروع شنط و بما انك دارسة تسويق هتعرفى تسوقى المنتج بامر الله .. وخليها تجارة
انا بتكلم عن جد و الله جربى ولو خسرتى هتخسرى كام يعنى مش كتير على ما اعتقد
تحياتى

Ahmed Al-Sabbagh said...

ربنا يكرمك

دى تانى مرة اقراه

بس هو انتى مش بتكتبى بقالك فترة

ولا انا بيتهيألى

ولا بتكتبى فى مدونات تانية

:)

تحياتى لكى

احمد الصباغ

أم أحمد المصرية said...

صديقتي بعد السلام عليكم
اتيت لزيارتك بعد غياب فلم اجد جديدا لعل المانع خيرا تحياتي

ايمان said...

الكلام اللي من القلب لازم يدخل القلب ... و انتي كلامك فعلا داخل قلبى و مشعشع جواه

تصدقي انا عاملة مدونة بحالها لحكاية الصناعات الصينية دي اللي هتودي البلد في داهية.. دا ان ماكانتش فعلا.. ناس في بيوتها قاعدين... بعد ما ضربت صناعاتنا ...
و احنا زي ال........ بنشتري و فرحانين .. مع ان كلامة صيني ارتبطت بعقلنا الواعي و اللاواعي انها رديئة و عمرها الافتراضي ساعات معدودة و خلاص...
انما العقل البخيل فينا و سعرهم اللي بيرموهولنا طعم يصطادونا بيه بنلقفه بلا مقاومة.. فبنشتري حاجات ممكن ما نكونش محتاجينها .. و جذورنا من القدم اللي رسخت فينا مفهوم الخزين اللي مش هينفع النهاردة اكيد له وقت و ينفع..
و في الاخر و لا بينفع و لا بيهبب..

تدونتك دي جامدة جدا و شكرا ليكي