Monday, December 31, 2007

تـــدويـــنـــه بــلا عــنـــــــــــــــوان





لا اجد عنوانا يناسب ماسأكتبه او بمعنى ادق لا اعلم ماسأكتب


الله المستعان


لن اتحدث عن موضوع واحد بعينه ولكنها افكار واشياء تجعلنى اشعر بالاكتئاب


وآخرها عماره الاسكندريه التى وقعت بسبب الاهمال


ماهذا اهذا مايحثنا عليه ديننا ... ليس ديننا فقط .. اهذا مانفعله باناس مثلنا لا والله انها بشاعه


ماذا سيحدث لو بطلنا اهمال .. ماذا سيحدث لو اتقينا الله وخفنا عقابه ... ماذا سيحدث اذا اخلصنا فى اعمالنا ؟؟!!!!!ة




ماذا لو قبل ان تذاكر تنوى بانك تذاكر حتى يرضى الله عنك وامتثالا لامر ربنا ولامر رسولنا الكريم


ماذا لو قبل ان تعمل تستحضر النيه وتقوم بالعمل على اكمل وجه


ماذا لو الزوجه استحضرت النيه وعاملت زوجها مثلما امرت من قبل الله والرسول


ماذا لو عامل الزوج زوجته كما عامل الرسول زوجاته


ماذا لو عامل الناس بعضهم البعض كما كان يعامل الصحابه بعضهم البعض






...........................................................................




الاباء والابناء


ماهذا الذى يحدث هذه الايام بالله عليكم


اهذه علاقه اب بابناؤه او ابناء بآبائهم




لم الان تجد الاباء لايحبون التزام ابنائهم


او لما يجبرونهم على الكذب ما يقال بابا بيقولك هو مش موجود


هذه هى العباره الشهيره




او لما الابناء لاتحترم آبائهم ولا امهاتهم


لم يتكبرون ويتعالون عليهم




اهو عدم اختيار موفق فى الزواج


اهو عدم تربيه سليمه اساسها الدين والاخلاق




ام عده اسباب






........................................................








الفلسطينيون فى العريش والحجاج الذين سينضمون اليهم


ماهذا بالله عليكم


ولم كل هذا اين غيرتنا العربيه


اين عروقنا التى تجرى بها دماء الاخوه فى الاسلام والعروبه




ياربى انت عليم بهم اعلم بحالهم غنى عن سؤال امثالنا اسالك ياوهاب يارحمن ياارحم الراحمين ان تنجدهم وتشد ازرهم وترجعهم بلادهم سالمين


هم اناس يريدون الاستشهاد فى بلادهم لا الموت فى العريش بلا فائده تذكر اهذا كثير عليهم




لم نعمل الف حساب لاحفاد القرده والخنازير




اللهم عليك بهم اللهم عليك بهم اللهم عليك بهم








...........................................................................








خطر خطر خطر


ياجماعه اين هويتنا فلننتبه


يحاولون ان يجعلونا نثبت على كلامهم


يحاولون ان يحتالون علينا




بالغلط فى الكلمات


نعم اتكلم على اليهوود والاعلام السئ




تجد من يقول حائط المبكى






لالالالالالالالالالالالالالالالالالالالالالالالا


لا والف لا


انه حائط البراق وسيظل حائط البراق






انتبهوا اخوتى واخواتى فى الله


علموا اولادكم الحقيقه


حفظوهم خريطه فلسطين


حتى لا ياتى اليوم الذى نجد فيه اولادنا لا يعلمون مافلسطين


علموهم قصه القدس حفظوهم قصه الاسراء والمعراج
ياجماعه كثيرا مانجد وبسبب الاعلام الردئ ايضا ان الغالب والمفهوم عند البعض ان مقدساتنا والمسجد الاقصى هو ذا المئذنه الذهبيه وهذا خطا كبير وهذا مايريدونه اليهود لياخذو ويستولو على مقدساتنا ولكن لا انظروا الى الصورة المدرجه نا فى الموضوع واعلموا ان مانريد الدفاع عنه هو كل مايحيط المنطقه الظاهرة عندكم


هيا لتعليمهم من الان


ومن لم يتزوج فليضع نيته


بان يربى صلاح الدين
او يربى خديجه او عائشه


ولتكونوا كآل ياسر
وصبرا آل ياسر ومن على شاكله آل ياسر
فان موعدكم الجنه




جوزيتم وبوركتم


عارفه انى غلست

بس فى راس السنه بقى هيبقى فيه بوست تانى خالص
راس السنه بتاعتنا
نسيتوها
هفكركم احنا هنبقى 1429هجريه

وكل عام وانتم بخير بالسنه الهجريه الجديده ادامها عليكم بكل الخير

Thursday, December 27, 2007

تـــــــــــــــــــــااااااااج2


السلام عليكم ورحمه الله وبركاته



واخيييرا التاج اللى مرروهولى الفاتحان الجعفرى واليعقوبى



بسم الله ابدا


ماهى سورتك فى القران(اى احب سوره اليك تقرأها فى فرحك وفى حزنك)؟


مش سورة واحده

سورة البقره

سورة يوسف

سورة مريم

سورة المجادله



ماهى احب ايه اليك الايه التى دائما تتمناها؟


ولنبلونكم بشئ من الخوف والجوع ونقص من الاموال والانفس والثمرات وبشر الصابرين الذين إذا أصابتهم مصيبة قالوا إنا لله وإنا إليه راجعون . أولئك عليهم صلوات


من ربهم ورحمة وأولئك هم المهتدون} [البقرة: 155

157


ما هى اكثر ايه تخاف منها وتدعوا الله الا تكون من اصحابها؟

لا هى ايات


كل من عليها فان
27. *
ويبقى وجه ربك ذو الجلال والاكرام
28. *
فباي الاء ربكما تكذبان
29. *
يسأله من في السماوات والارض كل يوم هوفي شان
30. *
فباي الاء ربكما تكذبان
31. *
سنفرغ لكم ايه الثقلان
32. *
فباي الاء ربكما تكذبان
33. *
يامعشر الجن والانس ان استطعتم ان تنفذوا من اقطار السماوات والارض فانفذوا لاتنفذون الا بسلطان
34. *
فباي الاء ربكما تكذبان
35. *
يرسل عليكما شواظ من نار ونحاس فلا تنتصران
فباي الاء ربكما تكذبان
37. *
فاذا انشقت السماء فكانت وردة كالدهان
38. *
فباي الاء ربكما تكذبان
39. *
فيومئذ لايسأل عن ذنبه انس ولاجان
40. *
فباي الاء ربكما تكذبان
41. *
يعرف المجرمون بسيماهم فيؤخذ بالنواصي والاقدام
42. *
فباي الاء ربكما تكذبان
43. *
هذه جهنم التي يكذب بها المجرمون
44. *
يطوفون بينها وبين حميم ان
45. *
فباي الاء ربكما تكذبان
46. *




ما هى الايه التى تشعر بانها تتحدث عنك؟


قال تعالى"إنك لا تهدي من أحببت و لكن الله يهدي من يشاء و هو أعلم بالمهتدين(56)" سورة القصص

الايه دى كانت سبب فى التزامى وتوبتى ورجوعى الى الله ... اسال الله ان يتقبل توبتنا جميعا



من هو احب صحابي واحب صحابيه اليك؟


احب صحابى


اتنين

عمر بن الخطاب ومصعب بن عمير


احب صحابيه

انا بعشق السيده عائشه بنت ابى بكر



اذا كنت على العهد النبى صلى الله عليه وسلم فمن كنت تحب ان تكون ولماذا؟


طبعا طبعا ماينفعش احط نفسى مكان الناس دول

الله المستعان ونقدر نمشى على خطى نبينا محمد وهم من ورائه

اللهم امين


من احب نبى اليك بعد الحبيب صلى الله عليه وسلم؟


سيدنا ابراهيم عليه السلام



ما هو منتداك وموقعك المفضل؟

حاره زعتر ... منتدى غرباء ...

موقعى المفضل

طريق الاسلام .. اسلام ويب...وكتير بس مش متذكره دلوقتى



ماهي احب الاسماء التي تحب ان تنادي بها ؟


للاسف مش هقدر اقولها ... احتياطات امنيه طبعا:)

بس اصحابى المقربين عارفينها كلها



من هو كاتبك المفضل؟

مش حد معين

بقرا المواضيع اللى بتعجبنى وباراء مختلفه


الصلابى فى صفوه التفاسير رائع



مدون له فضل عليك او استفدت منه؟


كل المدونيين اللى انا حاطاهم عندى فى شمال المدونه

وغيرهم من الزوار الافاضل



من هو قاريء القرآن المفضل لديك؟


مشارى راشد العفاسى وعبد الباسط عبد الصمد وابو دكتور حر بجد ماشاء الله صوته رائع



من هو منشدك المفضل؟


مشارى العفاسى واحمد بو خاطر



ماهو نشيدك المفضل؟


كتير


شباب الاسلام

سنخوض معاركنا معهم

مع الله

فرشى التراب

فتنت روحى ياشهيد

اغيب وذو اللطائف لايغيب

قف بالخشوع


اذا كان لك دعوه واحده تدعوهاوستتحقق فبماذا ستدعوا؟


اللهم ارزق امى الفردوس الاعلى ومرافقه نبيك



من هو الداعيه المفضل لديك او شيخك المفضل؟

الاستاذ عمرو خالد كان البدايه

وبعد كده بقى كتير ماشاء الله وكلهم شيوخ اجلاء واحسبهم على خير

محمد حسان

محمد حسين يعقوب

سالم ابو الفتوح

محمد العريفى

احمد عبده عوص


ماهي اكثر عباده تشعرك انك قريب جدا من الله ؟


قيام الليل تليها الصيام


ماهو املك في الحياه؟

اكون امه فقيره الى الله واشوف اخويه بهاء ومحمود من اصلح الرجال هما وشباب المسلمين جميعا


من احب افراد عائلتك اليك؟


ابى وامى واخى بهاء ومحمود

بس لو عايزين واحد بس هتبقى امى



هتمرر التاج لمين؟


لاختى عاشقه النقاب

تمر حنه

عاشقه الوطن

انا مسلمه

المهاجر الى الله

امه الله نسيم الجنه

جوبا (نضال فلسطين)ة

ام البنات .. امى

ودكتور حر

ومهندس مصرى

وكل المدونين اللى انا مسجلاهم

كلهم ياجماعه

انا بس خايفه انسى حد

الكل ياخد التاج ده

اتفقنا


اللهم ارزقكم جميعا الاخلاص فى القول والعمل

اللهم ارزقنا حبك وحب من احبك وحب كل عمل يقربنا الى حبك


Monday, December 17, 2007

اشحن وارسل رسائل مجانا..


السلام عليكم ورحمه الله وبركاته

كل عام جميعا وانتم الى الله اقرب وعلى الطاعه ادوم

اولا انا بعتذر للفاتحان اليعقوبى والجعفرى على التاج الممرر لى ولم احله حتى الان  وكل من ارسل لى التااج

اليوم وقبل العيد نجد اعلانات موبينيل تنهال علينا من كل حدب وصوب وتسمع العبارات الرنانه كا (اشحن موبايلك وعلى كل كارت شحن هتاخد رصيد خمسه جنيه ... ابعت رسالتين ببلاش بمناسبه العيد)واشياء من هذا القبيل



اخوتى واخواتى فى الله الحمله شرسه وكلنا نعلم مايقوله ويريده الاستاذ سويرس ولكن نقول له هيهات هيهات مش بفلوسنا ياسويرس


ياجماعه مش عايزين شعارات بالله عليكم
عمل بقى ووهمه ورونا ازاى هتستغنا عن موبينيل ارموا خطوطكم اعلنوها قويه  مش بفلوسنا

 ازاى مش بمجرد كلمه مش بفلوسنا ياسويرس لا
بانك ترمى الخط بتاعك

اه ارميه ماتبيعهوش
ارميه

رد لدكتور مصطفى بكرى على نجيب سويرس من مجله الاسبوع
http://hewar.khayma.com/showthread.php?p=525940


كل عام وانتم بخير جميعا ... اللهم وحد شملنا وانقذ اقصانا وهئ لنا من امرنا رشدا


Thursday, December 13, 2007

لــحـــظــه ايــهــا الــــمـــــدون


السلام عليكم ورحمه الله وبركاته


ايها المدونون كلنا يعلم ماهو تاثير الانترنت فى تغيير تفكير الاشخاص

ومنا من اصبح التدوين جزء منه وجزء من طريقه التنفيس عما بداخله من هموم ومشكلات او لابداء آراؤه .


كل منا يقضى بالساعات امام مدونته ومدونات المدونيين الاخرين ...جميل جدا ولكن....د

هل تعلمون انكم بكتاباتكم تأثرون على طريقه تفكير شخص او اشخاص بالسلب او الايجاب

هل تعلمون بانكم تتبادلون الافكار والخبرات والثقافات


كل هذه جيد ولكن

هل وضعتم امامكم هذه آلايه :

مايلفظ من قول الا لديه رقيب عتيد

آلايه 18 من سوره ق



هل ماتكتبه هذا سيصبح حجه لك ام سيصبح حجه عليك ؟


كلنا رأينا مدونين كانو معنا فى الساحه يكتبون ومليئون بالحماسه وفى لحظه سمعنا انهم قد توفاهم الله ....انا لله وانا اليه راجعون


لم يكونوا يعلمون انهم ذاهبون

ولكن

كل نفس ذائقه الموت


فاخى المدون اختى المدونه

قبل ان تكتب أسأل نفسك :

هل تكتب مالايخالف الشريعه او تكتب مايفيد امتنا العربيه والاسلاميه

هل انت معول بناء ام معول هدم

او حتى تكتب ماتشعر به او تريد ان تقوله ولكن بشرط الا يكون ملئ بالمخالفات او السلبيات




كل المدونون المحترمون جزاكم الله خيرا

ووالله بالرغم من الفتره القليله التى دخلت فيها عالم التدوين ولكنى وجدت اناسا كل همهم هو ان يكونوا معول بناء


اجد منهم من ينتهج الجديه فى مدونته

واجد اخر ينتهج الاسلوب الساخر

وآخر يحمل على عاتقه هم امتنا العربيه والاسلاميه وبخاصه الاسلاميه

ومن يتحدث عن مشاكله ولكن باسلوب محترم يجعلنا جميعا نشعر بآلامه وهى بالفعل جزء من مشكلات امتنا



كل اخوتى واخواتى المدونون جزاكم الله خيرا اتمنى لكم التوفيق والسداد وان تكون هذه المدونات فى ميزان حسناتكم جميعا

Sunday, December 9, 2007

تــــــــــــــــــــــــــــــــــــاج


التاج ده مررتهولى اختى وحبيبتى فى الله ...امه الله

بشكرها جدا وجزاها الله خيرا


نبدا الاسئله.......تاج لـــــــــــو


بسم الله والصلاه والسلام على رسول الله سيدنا محمد اشرف الانبياء والمرسلين




لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟


هتبقى نظره اسى على حال دوله وبلد مهم زى مصر خصوصا ان العرب بيعلقوا على مصر امل كبييير

وساعتها هقول حسبى الله ونعم الوكيل .... لنا الله جميعا



أو لوكنت أوروبي أو غير مسلم بردو إيه نظرتك للعرب والمسلمين ؟


هو الاصل فى غير المسلمين هو حسد المسلمين لانهم ببساطه بيبقوا متاكدين ان هو ده الدين الصح ....بس بالنسبه للناس اللى اصلا ماقرأوش عن الاسلام وفكرتهم بياخدوها من معامله المسلمين وتصرفاتهم الان هتبقى نظره سوده جدا

لان دلوقتى المسلمين تفسخوا من دينهم وهويتهم (الا من رحم ربى )وبقوا بيقلدوا الغرب وغير المسلمين فى كل حاجه يبقى هنظرلهم نظره المترممين والمتطفلين والمتخلفين .. وحسبنا الله ونعم الوكيل وعندى امل كبيير اننا نستعيد كرامتنا وعزنا وباذن الله هترجع العزه للاسلام


لوقالولك إنت بقيت رئيس جمهورية هتعمل إيه؟



ياسلالالالالالالالالالالام ياريت

هقعد كل الستات فى البيت (اه متخلفه بقى ) علشان الشباب يلاقوا فرصه عمل وساعتها الشباب والبنات مشكله العنوسه بتاعتهم هتتحل

لان الشباب هيقدر ساعتها يفتح بيت

ممممممممممممممممممم


وهرد المظالم لاصحابها (على قد مااقدر) وهعطى كل المسؤليات والمناصب للخبراء حتى ولو كانوا فقراء-مش شرط يكونوا رجال اعمال ا-المهم يكونوا اصحاب خبره ومن المشهود لهم بالصلاح


المرتبات والاجور تكون بنسب متقاربه , علشان مانلاقيش واحد بيقبض 400 جنيه وواحد تانى بيقبض 2000 جنيه

هنعمل اجتماع عربى نشوف فيه احوال البلاد بتاعتنا واحوالنا ايه ونتحد باذن الله على كلمه التوحيد والجهاد فى سبيل الله مهما كان العدو


المناطق الساحليه زى مثلا الغردقه والحتت دى ممنوع فيها العرى (اه اللى ييجى بلادنا يجى بادب واحترام ويبقى يبلبس زى مااهل البلد لابسين لاما الباب يفوت جمل.....علشان اهل البلد يعرفوا يروحوا هناك ويقعدوا ويستمتعوا براحتهم


طبعا فى كتير بس هو ده اللى فى دماغى دلوقتى

ايه يابنتى الخيال ده


اه والله بس نفسى فى يوم الاقى شاب مسلم صالح رئيس البلد دى ياسلالالالالالالالالالالالالالالالالالالالالالالام




لو كان ينفع ترجع طفل تاني وتخليك طفل علطول هترجع؟ وليه؟


الطفوله دى مرحله رائعه كلها براءه وحب وعدم غش ومفيش فيها نفاق

بس مش عايزة ارجع تانى لانى عايزة بقى اقدم حاجه لدينى ومش معقوله هفضل طول عمرى عيله :)



لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟



اولا الحمد لله انى مش دكتوره :p

بس بجد لانهم فعلا بيتعرضوا لمواقف صعبه ربنا يؤجرهم عليها


بس انا هقوله ان مافيش حاجه مستحيله على ربنا وكل شئ بامر الله

وكفايه بقى كده على السؤال ده لانى مش بحبه



لو سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟

فداك ابى وامى وروحى يارسول الله


لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟


بما انى وافقت عليه يبقى ارتضيه لى زوجا وارتضيت دينه واخلاقه وهذا يكفينى ولا يهمنى غير ذلك لان الاولاد رزق ان كتب الله لى هذا الرزق ففضل من الله وساحمد ربى ماحييت وان كتب لى الله ان لا ارزق فله الحمد وهو مالك الملك وكل مايفعله لنا الله خيرا وساحمد ربى ماحييت ايضا


لو طلعت القمر هتكتب إيه عليه؟

اشهد ان لا اله الا الله وان محمدا رسول الله... يامن ستاتى هنا اعلم انى امه لله رزقنى واكرمنى بالاسلام .. فاسلم تسلم


لوكنا في عصر إزدهار الأندلس كنت تتخيل نفسك إزاي؟


كما انا فقيره الى الله


لو مررت التاج ده لحد وما جاوبش عليه أعمل فيه إيه؟


ولا اى حاجه ... هو حر مش فرض عليه


لو هتسافر في أي مكان في الدنيا تعيش فيه هتروح فين ؟

السعوديه بلد الحبيب


لو مررت التاج تمرره لمين ؟؟


لاختى نونيوم عاشقه النقاب

طآآن بس جنان عاشقه الوطن

جوبا (مدونه نضال )ز

تمر حنا

اختى صاحبه مدونه الدنيا

Tuesday, December 4, 2007

العمل التطوعى .... نظره متعمقه




السلام عليكم ورحمه الله وبركاته
العمل التطوعى ... نسمع هذا المصطلح كثيرا هذه الايام ولكن...ز
ماهو العمل التطوعى ؟
العمل التطوعى هو خدمة فئه معينه او عده فئات بتقديم خدمات عينيه او ماديه بالمجان -اى لايحصل المتطوع على مقابل الخدمه التى يؤديها- واذا كان المتطوع هذا يتبع جمعيه تطوعيه خيريه او يقوم بالعمل التطوعى هو ومجموعه افراد هذه هى الفكره باختصار

قال رسول الله صلى الله عليه وسلم
( الساعي على الأرملة والمسكين كالمجاهد في سبيل الله أو كالقائم الليل الصائم النهار )
يقول صلى الله عليه وسلم في حديث أبن عمر رضي الله عنهما ( المسلم أخو المسلم لا يظلمه ولا يسلمه ،من كان في حاجة أخيه كان الله في حاجته ، ومن فرج عن مسلم كربه من كرب الدنيا فرج الله عنه كر به من كرب يوم القيامة ومن ستر مسلما سترة الله يوم القيامة ) متفق عليه
ويقول صلى الله عليه وسلم ( من مشى في حاجة أخيه كان خيراً له من اعتكاف عشر سنوات ) متفق عليه .
ويقول صلى الله عليه وسلم ( مثل المومنين في توادهم وتراحمهم وتعاطفهم كمثل الجسد الواحد اذا إشتكى منه عضو تداعى له سائر الجسد بالسهر والحمى ) رواه احمد ومسلم

انظر الى هذه الاعمال التطوعيه وانظر الى هذه الاحاديث وطبعا غيرها الكثير فى القران.. وأجد الاتى:
اجد ان هذه الاعمال التطوعيه هى فى الاصل اعمال مأمورين او حثنا عليها ربنا جل وعلا ورسولنا الكريم صلى الله عليه وسلم
ويأمرنا الله بالإحسان في الآية التي سميت آية الحقوق العشرة: (واعبدوا الله ولا تشركوا به شيئًا، وبالوالدين إحسانًا وبذي القربى واليتامى والمساكين والجار ذي القربى والجار الجنب والصاحب بالجنب وابن السبيل وما ملكت أيمانكم) (النساء: 36).
سبحان الله حتى الغريب ,ابن السبيل امرنا الله بان نحسن اليه ... ماهذا الدين !!! للهم لك الحمد على نعمه الاسلام
اذن ربنا جل وعلا ورسولنا الكريم حثنا على هذه الاعمال
اذن هى اعمال تؤدى الى رضى الله جل وعلا

انا اتكلم حتى اوضح فقط اننا امرنا بهذه الاعمال من مئات السنين فقد امرنا الله بها فى القران وامرنا بها رسولنا الكريم واعتقد ايضا ان هذا المصطلح الشائع هذه الايام وقام الغرب بترويجه لها حديثا فقط ماهو الا نتاج من الانانيه التى تفشت عندهم وعقوق للوالدين وعدم مساعده الاخرين
اتحدث حتى نعى ونفهم ونخلص نوايانا لله عز وجل
هيا ارفعوا رؤسكم فقد امرنا الله ورسوله بهذه الاعمال وليس من يدعون الحضاره اصحاب الاعمال التطوعيه ..
فهيا الى كل عمل يقربنا الى رب العزة .. هيا نمتثل لاوامر رسولنا الكريم
وابداؤا من الاقربون (الاقربون اولى بالمعروف)ابدأ الان من بيتك ثم حارتك او شارعك وابدا واحرص على عمل الخير
وابتغى وجه الله فقط لا رياءا ولا حب الظهور او لمصلحه وانتظر الاجر من الله
‍فهل رأت البشرية رعاية لذوي الحاجات مثل هذه الرعاية في نظام غير نظام الإسلام، أو في أمة غير أمة الإسلام؟‍

Friday, November 30, 2007

حـــــــــــدوتــــه تـــــوتـــا






الابنه:امى امى

الام:نعم ياابنتى تعالىّ

الابنه :امى هل لنا اقرباء لا نعرفهم

الام تنظر لابنتها وكأنها هزتها صاعقه

الام:لما ياابنتى ؟!!!و

الابنه:سمعت الشيخ اليوم ياامى فى خطبه الجمعه يتحدث عن صله الارحام واننا يجب ان نفتش عن ارحامنا ونصلهم وقال ايضا ان صله الرحم لها من الاجر الكثير . وان الرحم تتعلق بعرش الرحمن وربنا عز وجل يتعهد بان يصل من وصلها ويقطع من قطعها


الام مصدومه ومتعجبه

الام : لقد حيرتينى ياابنتى دعينى اتذكر من نسيت

وبعد فتره ليست بالكثيره

الام : لالالالالالالالالالالالالالالالالالالالالالالالا

كيف انساكى ... ابنتى تعالىّ


الابنه : ماذا ياامى

الام : هياايابنتى سنذهب سويا لمن قطعتها لعل الله ان يغفرلى

الابنه : أحقا ياأمى ومن هى ؟

الام(وهى تبكى) : انها عمتى

الابنه: من؟؟!!!عمتك من!!! انا لااعلم ان لكى عمه

الام :يغفر الله لى ,هى سيده كبيره فى السن يتجاوز عمرها التسعون

الابنه : التسعون!!!!و

الام : نعم ياابنتى .. هيا اذهبى وارتدى حجابك لنذهب سريعا فالوقت يداهمنا

الابنه : نعم ياامى سارتدى حجابى حالا

ذهبت الام وابنتها لتجد عمتها تسكن الان فى حجره صغيره فوق سطوح منزل عمها

الام : ياويلى من عذاب ربى ان حدث لها مكروه

الابنه : ياامى هونى عليك

صعدت الام وابنتها حتى وصلت للحجره

الابنه تقدمت فالام تخشى ماستراه

الابنه : السلام عليكم عمتى

العمه : وعليكم السلام .. من انتى ؟

الام : انها ابنتى ياعمتى

العمه تجلس ببطئ حتى تقوم من نومتها...من انتى انا لااعرفك

الام :سامحينى ياعمتى قد شغلتنى الدنيا الباليه عنك ياحبيبتى .. مااقساى .. كيف لى ان اعيش حياتى وانتى هنا وحيده وانا لااخدمك .. عمتى سامحينى وليغفر لىّ الله .. عمتى هذه ابنتى التى ساقها لىّ الله لأفيق من سباتى وغفلتى .. عمتى سامحينى ياعملتى سأبقى خادمه لكى ماحييت


العمه (والدموع تترقرق فى مقلتيها ) : ابنه اخى هلمى الى حضن عمتك




أمر الله تعالى بصلة الرحم فقال{واتقوا الله الذي تسآءلون به والأرحام إن الله عليكم رقيباً



عن أبي هريرة رضي الله عنه قال قال رسول الله صلى الله عليه وسلم: " إن الله خلق الخلق حتى إذا فرغ منهم قامت الرحم فقالت: هذا مقام العائذ من القطيعة قال نعم أما ترضين أن أصل من وصلك وأقطع من قطعك قالت: بلى قال فذاك لكِ ، ثم قال رسول الله صلى الله عليه وسلم: اقرءوا إن شئتم {فهل عسيتم إن توليتم أن تفسدوا في الأرض وتقطعوا أرحامكم .... الآية }رواه مسلم.

Wednesday, November 28, 2007

ايه الخبر ده ... كلام هادئ جداااااااا


السلام عليكم ورحمه الله وبركاته


اخى /اختى فى الله

هكلمكم عن خبر وعن رايي واتمنى انى اشوف ردودكم على الموضوع ده

او حد يعلق على كلامى جايز اكون غلط او جايز اكون صح

المهم

الخبر هو توحيد الاذان


ايوة الخبر ده قديم

بس المفروض ان فيه شيوخ كتيير من الازهر رفضته

اللى عرفته بقى ان المشروع ده هيتنفذ فعلا


خلاص الخبر خلص وانتهى

اللى جاى ده بقى كلامى واستفسارى


معلش يعنى هو مضايقهم فى ايه ان يكون الاذان مش موحد



طيب بلاش عايزين ليه يحرموا المؤذنيين من ثواب عظيم كما قال النبى صلى الله عليه وسلم


وفي صحيح مسلم وغيره أن رسول الله صلى الله عليه وسلم قال: المؤذنون أطول الناس أعناقاً يوم القيامة.
قال الإمام النووي في شرحه لصحيح مسلم: فقيل معناه أكثر الناس تشوفاً إلى رحمة الله تعالى لأن المتشوف يُطيل عنقه إلى ما يتطلع إليه فمعناه كثرة ما يرونه من الثواب.



طيب برده بلاش

فى اوقات كتير الرجل بينزل من بيته يروح المسجد يلاقى تكبيره الاحرام فاتته وهو حريص على تكبيره الاحرام جدا فبيلاقى مسجد تانى بيبدا الاقامه لسه بيروح بسرعه وبيلحق تكبيره الاحرام


طيب ليه يضيقوا على الناس


طيب حاجه تانيه

هما مش كان فيه كتيير من كبار علماء الازهر استنكرته ورفضته

طيب ليه عملوه


مش فاهمه حاجه

مش عارفه اذا كان كلامى صح او غلط ولكنها استفسارات

Thursday, November 22, 2007

يـــارب رحــمتك وســعـت كــل شـئ

السلام عليكم ورحمه الله وبركاته
احبتى فى الله موضوعى اليوم عن المطر ......
هو مش موضوع هو افكارى
اليوم بدأ المطر وأمطرت السماء باذن ربها مطرا غزيرا الى حد ما
كل هذا طبيعى ولكن فكروا معى قليلا وتأملو
األا ترون ماأرى
اعطونى دقيقه واحده فقط لتتخيلوا
تخيلو انكم الان فى منزلكم وفجأه تسمعون صوت هطول المطرتجرون سريعا الى أٌقرب نافذه لالالالالا لا تذهب الى النافذه إذهب الى الشرفة(البلكونه )أو أخرج من المنزل وقف تماما تحت المطر , وأفتح يديك وحاول ان تملا يديك بهذا الخير , ملات يديك الان ... جميل هيا اشربه وادعى وانطق الشهاده واحمد الله كثيرا واذهب سريعا وتوضأ لكى تصلى ركعتين تحمد فيهما الله على جزيل عطاؤه وكرمه لنا بنى ادم بعد ان تخيلت المشهد بماذا شعرت؟؟؟؟؟؟
سأقول لكم ماشعرت به وبعدها اسع تعليقاتكم
ومااحسستم به:
شعرت بعظمه ربى وددت لو حضنت كل نقطه من نقاط المطر وددت لو لم اترك اى نقطه تنزل على الارض ولم الحقها يااااااااااااااااااااااااااااااااااااااااااه ماهذا نظرت الى السماء وترقرقت الدموع فى عينياوقلت كلاما خرج من قلبى
عفويا
يارب يامولاى نعصيك وتغفرلنا نذنب وترسل لنا الخيرات
يارب اخوانى فى فلسطين والعراق قتلهم اليهود اغتصببوا ارضنا
يارب حكامنا ظلمونا يقهرونا ... وانت ترسل علينا رحماتك
يارب يعيث بنى ادم فى الارض فسادا وترسل له الخيرات ؟؟
ماهذا العطاء يارب ياكريم بعبادك يالطيف بهم
يارب اغفر للمسلمين والمسلمات المؤمنين والمؤمنات الاحياء منهم والاموات وصلى اللهم على سيدنا محمد اشرف الخلق وعلى اله وصحبه وسلم
قال الله تعالى:{ وما أنزل الله من السماء من ماء فأحيا به الأرض بعد موتها وبث فيها من كل دابة)
وأنزل من السماء ماء فأخرج به من الثمرات رزقاً لكم }
وقال سبحانه :{ وأنزل من السماء ماء فأخرجنا به أزواجاً من نبات شتى}
:{ ونزلنا من السماء ماء مباركاً فأنبتنا به جنات وحب الحصيد}:
{وأنزلنا من السماء ماء طهوراً }
وقال سبحانه مبينا حكمة إنزال المطر : { وينزل عليكم من السماء ماء ليطهركم به }
ياربى مغفرتك ورحمتك
ياربى اشهدك انى قد تبت اليك وندمت فاغفرلى ولاخوانى فى كل بقاع الارض يارب ارحمنا فنحن احقر واصغر من ان نقف لنحاسب
يارب ارحمنا وتوفنا مسلمين ياكريم

Friday, November 16, 2007

جراح شهرزاد

انا اسفه مش هكمل النهارده موضوع طلعولى منين دول
لان الكلمات دى كان نفسى اكتبها وكنت كاتباها فى ورق وقولت لازم احطها فى مدونتى بقى
كلماتى حزينه لانها من واقعنا المؤلم

جــــــــــــراح شــــــــــهرذاد



حدثنى أيها الملك السعيد ذو الرأى الرشيد ,بأنه فى عصر من العصور , الذى كثر فيه القصور , وأيضا كثر الفتور , وزاد عدد مافى القبوربأن كان هناك أخوه أشقاء ,تربطهم كل الوان الاخاءقال لهم أبوهم احترسوا من الكلاب والذئاب , فانهم اعداؤنا واعداؤكم فاتعظوا يااولى الالباب فقالو ياابانا لاتخف , فانهم مجموعه تحف قال لهم أبوهم إياكم والفرقه ,وإلا ستحصدون الحسره قالوا ياابانا نحن أخوه , وفينا عرق النخوه قال أبوهم ان وجدوكم متحدوون لن يضروكم , ولن يستطيعوا اقترابكم , تلك وصيتى لكم , فاعملوا بها والا فالويل لكم
ومات الاب , واختلف الاخوه , فاخ يعاير أخاه بالنقود, وأخر يعاير أخاه بالبترول وثالث ورابع و..و...و.....الخ
وأصبحوا متفرقين وأنقسموا لفرق, وتشتت الطرق وكل أخ منهم أتخذ كلبا صديقا ورمى بعرض أخوه تنهشه كلاب الطريق

تلك يامولاى حال قوم
لم يفيقوا من نوم
وخزى وعار وموالاه
لكلاب السكك والغزاه
فماذا سيحصدون الا الخزى والعار
واين سيذهبون وقد انقسمت الدار
كوكوكوكو .... وسكتت شهرزاد عن الكلام الغير مباح
وحسبى الله ونعم الوكيل

Sunday, November 11, 2007

طلعولى منين دووووول

السلام عليكم
انا النهارده هكلمكوا على بنوته خطفت قلبى ومش هى لوحدها والحق يتقال
قال رسول الله صلى الله عليه وسلم (انا وكافل اليتيم كهاتين فى الجنه , وأشار بإصبعيه السبابه والوسطى)صدق رسول الله صلى الله عليه وسلم
هقولكم الحكايه من الاول
انا كنت عادى كده بسمع عن دور الايتام بس كنت متخيلاها انها زى السجن للاطفال وبشعه وكريهه المنظر وبلا اهتمام
بس حكايتى مع مؤسسات الايتام بدات من اربع سنين
كنت بروح كل دار ايتام كلهم تقريبا نفس الحال بس فيه اختلاف واحد فى كل حاله
انى كنت بطلع من الدار او المؤسسه باحساس مختلف
كنت مخنووقه بجد
بس فى يوم روحت مؤسسه بنات فى سرس الليان بس بصراحه جميله جدا
نضافه واهتمام ورعايه للبنات
انا كنت فاكره ان البنات فى دور الايتام بيحتاجوا فلوس اكل او هدايا او حاجات زى كده
بس اكتشفت انهم محتاجين حاجه تانيه خالص
محتاجين حب واهتمام اشخاص بيهم , وبجد مااقولكوش على البنات دى ياااااااااااااااااااه بجد حبيتهم خالص
بقوا جزء منى
سبحان من وضع حبهم فى قلبى
لو دا شهر مااروحش فيه لهم
اقسم بالله بيجولى فى الاحلام والاقيهم بيعيطوا
وطبعا اول مااصحى البس جرىىىىىىىىىى واروح لهم
بجد براءه ما شوفتش زيها ابدا
والله ياجماعه بجد صدقونى
انكم تروحوا دور الايتام علشان الثواب ده كويس
بس لو روحتوا دور الايتام علشان بتحبوهم ده حاجه تانيه خالص
احساس تانى لايمكن اوصفه لكم
يابناااااااااااااات ياللى خلصتوا جامعه وبتشتكوا من الفراغ وبتقولو نعمل ايه
روحوا دار ايتام
لو عندكم دار مسنيين روحوا
حسسوهم بحبكم وباحتياجكم ليهم قبل احتياجهم ليكوا
ملحوظه :قبل كل ده لازم تكونوا باريين باهلكم كلهم حتى البعاد
اسالوا عليهم شوفوا عمه اوخال ليكم بعيد واتصلو بيه
او اسالى اباكى او امك عن قريبه لكى او قريب لك وزوره حتى ولو مره كل شهر
خير الاعمال ادومها
على فكرة لسه هكلمكم على ثريا , صابرين , ايمان , اميرة
وغيرهم وغيرهم من اللى خطفوا قلبى

Friday, November 9, 2007

ياحسرتى على العرب

ااااااااااااااااااااااااااااااااااااااااااااااه
اريد ان ابكى على حالنا
قرات اليومين الماضيين اخبارا لاتسرنا كمصريين بصفه شخصيه وكعرب بصفه عامه
مش عايزة اقلب المواجع وقول ايه هما الخبرين دول
والنهارده فتحت قناه الاقصى وبجد المذيع (مش عارفه بصراحه البرنامج اسمه ايه) كان مخنوق ع الاخر
ربنا يكون فى عونه طبعا هو واخواتنا فى فلسطين
كان بينادى ويقول نداء لكل من
مصر : ارجوكم افتحوا الحدود مع الفلسطيينيين , وصلو لهم الادويه , افتحو للشباب علشان يشوفوا اخواتهم
احنا عرب ومابيصير نهتم بالاسرائيليين وندير بالنا على خاطرهم
الى المملكه العربيه السعوديه:مابيصير تهتموا بالاسرائيليين وتمنعوا الفلسطيينيين من دخول السعوديه واداء فريضه الحج


بصراحه
نفسيتى تعبت ع الاخر

لانى بجد حزينه من السلبيه مش بس من مصروالسعوديه لكن من بقيه الدول العربيه
فى عهد رسول الله كان للمسلم كرامه
وكان الرسول يقوم بمصلحه المسلمون فى كل مكان
وها ايضا الصحابه والتابعين واهل الصلاح يقتفون باثر الرسول
ويسيرون على نهجه
فاين العرب الان لنجده اخواتهم ؟!!!!!!لانعرف
اين هم الان لتوحيد الصفوف؟!!!و
فقد قال صلى الله عليه وسلم : ستتداعى عليكم الامم كما تتداعى الاكلة الى قصعتها فقالوا : أو من قلة نحن يوم إذن يا رسول الله ؟ قال لا ولكنكم غثاء كغثاء السيل

صدقت ياحبيبى يارسول الله
نحن لسنا بقله ولكننا كثيرون ولكننا اصابنا الخوف والمهانه والذل والانانيه
آمل ان ياتى اليوم الذى نقوم فيه ونقف وقفه رجل واحد ونضرب ضربه رجل واحد
ياربى
احلم بهذا اليوم وفى انتظاره باذن الله عما قريب

ولكن اولا وقبل كل شئ
اريد ان اقول شيئا واحدا
وكنت اريد ان اقولها لمذيع قناه الاقصى
اقول له
باننا ايضا محتلون
كل العرب والمسلمين الان محتلون
والاحتلال نوعا :_
احتلال داخلى (منهم فيهم)
واحتلال خارجى (زى اليهود والامريكان وغيرهم)


الله اعلم بعباده
ولتعلموا جميعا بان كل المصرييين - او الشباب الملتزمين الذين لايريدون غير الله-يدعون ربهم ليل نهار بان يفك اسر الماسورين ويفك اسر الاقصى
ويلتئم شمل المسلمين

ورساله منى ايضا لكل شبابنا فى كل مكان
يااخى قاطع يااخى
قاطع البضاعات الخارجيه
وتمسك بالبضائع المحليه
صنع بلدك او صنع بلد عربى
واشعر باخوتك فى فلسطين والعراق وافغانستان وفى كل مكان على وجه الارض
انظر حولك وابدا بنفسك واصلح من اخطائك فقد تكون انت من يعطل النصر عننا


Tuesday, October 16, 2007

ادعو الى سبيل ربك بالحكمه والموعظه الحسنه

ليه دايما متخاذلين فى الدعوه
سبحان الله انستحى من قول الحق
انستحى من ديننا وعزتنا وكرامتنا
وليست هذه هى المشكله فقط ولكن...و
تجد من يوم بالدعوه بطريقه منفره
يااخى التبسم
قال رسول الله صلى الله عليه وسلم((التبسم فى وجه اخيك صدقه))صدق رسول الله صلى الله عليه وسلم
ورسولنا قدوتنا .. فالزم قدوتك
اخوتى
هذا رابط للقس استس (سابقا)يوسف استس حاليا
بعد ان هداه الله للاسلام قام بعمل هذا الموقع للدعوه
فلنخجل يامسلمون
ونسال انفسنا... ماذا فعلنا للاسلام؟

امــــــــــــــــــى حبيبــــــــه قلبـــــــــــى


انا مش هتكلم الا عن امى
ايوة امى ,امى دى بجد مش عارفه اعمل لها ايه وارد لها ولو جزء بسيط من حقها ازاى
سبحان الله كل يوم بندم عن اى كلمه قولتهالها فى لحظه غضب
كل يوم لالا بل كل لحظه اتمنى ان اكون حذاءها نعم حذاءها
امى يانبع الحنان
امى يانبض القلب
امى ياروحى وحياتى
امى يابسمه قلبى
اعجز عن ان اكتب كلمه واحده توفى حقك
امى يامن تزيدى من ديونى يوما بعد يوم
كيف لى ان اسدد ديونى وانتى دائما فى عطاء
كيف لى ان اسدد ديونى وانت نبع العطاء
ديونى كثيره ولن استطيع ان اعطيكى مثلما اعطيتنى
لا اعلم ماذا افعل
لا املك سوى ان اقبل قدماكى وادعو لكى الرحمن ان يكافئك
وان يجعلكى من ورثه الفردوس الاعلى وفى ظل عرشه
ياامى سامحينى وسامحى تقصيرى
احبــــــــــــــــــــك امـــــــــــــــــــــــــــــى

العيد فرحه

السلام عليكم اخواتى واخواتى
طبعا رمضان خلص والعيد كمان
يلا كل سنه وانتم طيبين ..... هيييييييييييه كانت ايام جميله والله
وانتوا اخباركو ايه مع الكحك
يارب تكونوا متقلتوش اوى فيه
يلا كل رمضان وعيد وانتو طيبين

Monday, August 20, 2007

حمله جديده( حمله مقاطعه مسلسلات رمضان).ء

السلام عليكم ورحمه الله وبركاته
الحمله بقى المرة دى( والله شكلى كده مش هعدى البلوج ده على بر)كله حملات
المهم انا كنت زمان وانا صغيره يعنى كنت بسال نفسى سؤال ,هو مش المفروض ان العفاريت( معلش على حد علمى ساعتها) والشياطين ربنا بيخليها ماتخرجش فى رمضان .طيب ليه فى حراميه وليه فى معاصى
ومن وانا صغيره قفلت ع الموضوع وماحاولتش افتحه ولا حتى افكر فيه
لحد من فترة صغيره سمعت شيخ ( حفظه الله لنا وجميع مشايخنا الاجلاء)وكان بيتكلم على نقطه ان فى رمضان مش بيبقى فى شياطين الجن لا بيبقى فى شياطين انس( اعاذنا الله واياكم منهم) بيوسولهم الشيطان وبيخليهم يجهزو للاعمال المنيله اللى تخرب علينا رمضان بكل مافيه من صلاه وصيام وذكر وصله الارحام
طووووولت كتيير اوى واحد/ه زمانه/ا بيقول دلوقتى
ماتخلصينا وقولى حمله ايه اللى بتتكلمى عليها
حمله مقاطعه المسلسلات التليفزيونيه
ايه بتقول ايه دى بتخرف ولا ايه
لا والله مابخرفش
تعالو كده بالراحه نفكر مع بعض
المعلومة اللى عايزة انقلها لكم أن هناك كم هائل من(المسلسلات الرمضانية) يتم تجهيزها الآن وبكثرة شديدة فى كل القنوات الفضائيةوطبعاً الغرض منها واضح وهو تشتيتنا عن أداء العبادات والفرائض فى رمضان ...لكم أن تتخيلوا من بعد الإفطار وحتى السحوركمية المسلسلات التى تعرض فى هذا التوقيت وكل واحد من الأسرة لو شاهد 5 أو 6مسلسلات يومية
فمتى ؟يصلى الفرائض والتراويح والتهجد ويقيم الليل ويذكر الله ويقرأ القرءان ويؤدى الصدقات ويبرالأقارب ويزور المريض وكل الأمور التى تقربنا من الله عز وجل فى هذا الشهرالمبارك صدقوني أن المستفيد الوحيد من هذه المسلسلات هم :
1
- المنتجون لها لأنهم يحصدون الملايين منبيعها للقنوات الفضائية
2
- القنوات الفضائية تحصد الملايين من الإعلانات المعروضة أثناء المسلسل من سلع ومنتجات
3
- الشركات تستفيد من بيع وترويج تلك السلع خلال شهر رمضان الذي تحول من شهر الصوم إلى أكثر أشهر شراء واستهلاك للطعام والمأكولات طوال العام ولكن يا ترى الكل كسبان في هذه العمليةإلا شخص واحد وهونحن جميعالماذا؟لأنه يضيع وقته الثمين فى الشهر الثمين فى متابعة كلام فاضى لا ينفع ولا يضر بشئ وبعضها يحمل أشياء تخدش الحياء وتدعو إلى الفتن للأسف الشديدوتعرض فى أى شهر ..شهر رمضان !!!!ونتابع مسلسلاً وننقل المحطة على مسلسل آخر وهكذاحتى نكتشف أن الشهر ضاع فى متابعةالتليفزيون فكيف يعقل لشخص أن يتابع 5 أو 6 مسلسلات يومياً؟أين الوقت ليتقرب إلى الله عز وجل إنه موسم الخيرووالله الخاسر من خرج منه دون أن يغتنم من خيره ويُعتق من النارإنها فرصة تأتى إلينا مرة كل عام للعودة والتقرب إلى الله عزوجل وقد لا تأتى علينا العام القادم فلنغتنم الفرصةهذا العام ولكن ماذا نفعل لنغتنمهاأولاًعلينا جميعامقاطعة جميع المسلسلات التى للأسف أصبحت يُُطلق عليها مسلسلات رمضانية وفوازير رمضان وغيرها من برامج تافهة كبرامج المقالب على الناس والكاميرا الخفية تعرض فقط لمجرد شغل أوقات المسلمين عن الخير وأداءالعبادات
ملحوظه : شكر خااااص لفراشه جده

Thursday, August 9, 2007

الدال على الخير كفاعله : فرصه عظيمه


هل تبحث عن محفظ قرءان في بيتك ، هل تبحث عن اقرب جهة تحفيظ
ان كنت محفظ قران و ترغب في الالتحاق بالمشروع فلا تتردد في أن تسجل نفسك الآن
لمن لايرى الرابط
وضعت الموضوع فى المدونه ليعم الاجر
شكرا لك اخى مجرد انسان

Sunday, August 5, 2007

أحذرى أختنا من خطر كاميرا الموبيل , أتقى الله أخونا الشاب فلا ما تقبله على نفسك لا تقبله على غيرك
كونوا معنا فى حملة الحفاظ على أعراض المسلمين

Saturday, August 4, 2007

حمله العفاف

حمله العفاف : هى الحمله اللى نظمتها قناه بدايه الفضائيه واللى الحمد لله لاقت نجاح كبيير جدا بين الشباب والفتيات . وشارك فيها عدد كبير من كبار العلماء ومن ضمنهم الشيخ الدكتور محمد بن عبد الرحمن العريفى .
البرنامج كان بعنوان ضحايا وذئاب وناقش المشاكل اللى بتقع فيها الفتيات من معاكسات ومضايقات ومايؤدى الى ذلك من انحراف اخلاقى
وكنا نتالم ونبكى من القصص التى نسمعها من شباب وفتيات مشوا فى طريق الشيطان
اقسم بالله دمعت عيناى اكثر من مرة فى اكثر من قصه
لا بل انها اثرت فى شيوخنا كثيرا
والالطف انك وانت سعيد بارقام التائبين والتائبات , يدخل ع الهوا مشاركه من شاب يريد ان تنتهى حمله العفاف لانه يرى انها بلا فائده وانه غرر ب45 فتاه حتى الان فهو يرى ان مثل هذه الحملات لاتغنى ولا تسمن من جوع
مما اثار غضب الكثيرين من المشاهدين
والان : مارايكم ياشباب ويافتيات بان نرفع جميعا شعار (انطلاقه نحو العفاف) وندعو الله ان تصبح برامجنا هادفه مثل هذه البرامج
وليست مثل البرامج التافهه التى تملا شاشاتنا وتقتحم حياتنا
دعوه الى العفاف دعوة الى الدين دعوه الى الانتماء





Friday, August 3, 2007

انى احبك فى الله









لسه بتقاطع ولا خلاص

ايه ياجماعه عاملين ايه فى المقاطعه
نفسى افهم هو انتو يعنى هتموتو لو ماشربتوش كوكاكولا مثلا
ولا زى مابسمع كتييييييييير
اما يعملولنا منتج عربى بنفس الجوده والكفاءه هنبقى نقاطع
طيب مانبص للمقاطعه دى من ناحيتين
الاولى انك بتدافع عن كرامه نبيك وكرامتك وكرامه دينك
ثانيا انك بتدعم صناعتك الوطنيه
شبابنا تايه ارحمو نفسكم وارحمونا سيبوكوا من الرفاهيه الزياده عن اللزوم دى خلينا نتقدم بقى
وسلملى ع الحلم العربى ووحدتنا الوطنيه
لا حول ولا قوة الا بالله العلى العظيم

المشاكل المسببه للعنوسه

مبدئيا اما نيجى نتكلم عن العنوسه يبقى نتكلم عليها من الجنسين
يعنى بينطبق على المراه والرجل
المهم انا اتكلمت قبل كده وقولت انى هجيبلكم قصص من الواقع ومش من مصر بس , لا ده من معظم البلاد العربيه
:ولا اسباب العنوسه كتييييير ومنها
* الاباء
*الشاب او الفتاه
*الظروف الماديه
اولا الاباء
احيانا يكون نابع من طمع الاباء , يعنى مثلا شايف انه تعب اوى فى بيته ومن حقه انه يستمتع بفلوسها ومركزها
الاجتماعى
القصه:
القصه دى من السعوديه وطبعا بتتكرر فى كل البلاد العربيه
بنوته طيبه , متدينه , مثقفه فى سن 18 سنه بدا يتقدم لها العرسان . لكن للاسف ابوها كان بيرفض ولاسباب واهيه ( طبعا كله بغرض التطفيش) بس البنت كانت بتستسلم لرغبات ابوها لانها متقدرش تقف ضد ابوها
وطبعا الموضوع اتكرر مرة واتنين وتلاته و........ وكل اما تكلم باباها يقولها انتى يابنتى بتشتغلى ومعاكى فلوسك وبتسعدينى بيها انتى عايزه ايه تانى كفايه انى هموت راضى عنك وكانت كل اول شهر اما تروح البيت , تلاقى ابوها واقف لها علشان ياخد مرتبها يتحكم فيه ويصرفه على نفسه
والبنت بقى عمرها 39 سنه وابوها مرحمهاش ولا رأف بحالها
وطبعا كل اما يزيد العمر تقل فرص الجواز
باباها بقى على فراش الموت , وبيقولها يابنتى سامحينى انا كنت انانى وفكرت فى نفسى وعمرى مافكرت فيكى
ردت عليه وقالتله اشهد ربى انى مش مسامحاك ولا عمرى هسامحك وربى ياخد لى حقى منك
احيانا الاب يكون بيغير على بنته او بيشوفها كتييييييير اوى ع اللى هيتقدم لها وبيرفض يرفض ويرفض لما صاحبتنا تبقى عانس
دى بقى عندى فيها قصص كتيييييييير اوى وكلهم عن ناس مقربين ليا
القصه الاولى
اب وافق على عريس لابنته وفى الخطوبه لاحظ ان بنته بقت متعلقه بخطيبها غار عليها وقال الخطوبه دى مش هتمشى
القصه التانيه
اب وافق على خطوبه بنته وفى مرة خطيب بنته بيرن عليها , ابوها راح لها وقالها , خطيبك ده بيمثل لك ايه فى حياتك ردت البنت وقالتله
بيمثلى
بيمثلى
بيمثلى
خطيبى (هههههههههه) ابهات اخر زمن
القصه الثالثه
اب كل اما بنته يجى لها عريس يرفض ويقول بقى انا اربى بنتى احسن تربيه واعلمها واما تمرض اوديها للدكتور وبعد اما تكبر يجى واحد
وياخدها ع الجاهز كده.............( لاتعليق) .ا
احيانا الام او الاب او الاتنين بيكونو متسلطين
وطبعا عارفين قصص كتير عن الموضوع ده
القصه
واحده لها ابن عم عايز يخطبها ابوها موافق مامتها مش موافقه ( هو كده تسلط وخلاص) البنت عندها دلوقتى 34 سنه وهى مااتجوزتش ولا هو اتجوز
وغيره وغيره وغيره من القصص اللى بتحصل قدام عنينا كل يوم
ثانيا الشاب او الفتاه
مش هتكلم عن الجانب الثانى كتير
احيانا الشاب او الفتاه بيبقو ليهم شروط معينه فى فارس الاحلام او فى شريكه حياته ومش عايز يتنازل عن شرط او اتنين من الشروط دى
البنت مثلا عايزاه يكون دكتور ويشترط العربيه
الشاب عايزها جميله ومؤدبه ومن عيله ومثقفه ووووووووووو
وكل اما تقول لواحد اظفر بذات الدين يقولك والشروط التانيه لو فيها تبقى ايه المشكله
الظروف الماديه
طبعا كلنا عايشينها
واللى يفرس ان كل واحده عايزة تتجوز عايزة الشقه بتاعتها تبقى جاهزة من الابره للصاروخ ..... طب ازاى
وفيها ايه لو اتجوزتو والحاجات البسيطه دى تجيبوها بعدين
ده اللى كنت عايزة اقوله ومستنيه تعليقاتكم وردودكم
لا اله الا انت سبحانك اللهم وبحمدك استغفرك واتوب اليك