Sunday, November 11, 2007

طلعولى منين دووووول

السلام عليكم
انا النهارده هكلمكوا على بنوته خطفت قلبى ومش هى لوحدها والحق يتقال
قال رسول الله صلى الله عليه وسلم (انا وكافل اليتيم كهاتين فى الجنه , وأشار بإصبعيه السبابه والوسطى)صدق رسول الله صلى الله عليه وسلم
هقولكم الحكايه من الاول
انا كنت عادى كده بسمع عن دور الايتام بس كنت متخيلاها انها زى السجن للاطفال وبشعه وكريهه المنظر وبلا اهتمام
بس حكايتى مع مؤسسات الايتام بدات من اربع سنين
كنت بروح كل دار ايتام كلهم تقريبا نفس الحال بس فيه اختلاف واحد فى كل حاله
انى كنت بطلع من الدار او المؤسسه باحساس مختلف
كنت مخنووقه بجد
بس فى يوم روحت مؤسسه بنات فى سرس الليان بس بصراحه جميله جدا
نضافه واهتمام ورعايه للبنات
انا كنت فاكره ان البنات فى دور الايتام بيحتاجوا فلوس اكل او هدايا او حاجات زى كده
بس اكتشفت انهم محتاجين حاجه تانيه خالص
محتاجين حب واهتمام اشخاص بيهم , وبجد مااقولكوش على البنات دى ياااااااااااااااااااه بجد حبيتهم خالص
بقوا جزء منى
سبحان من وضع حبهم فى قلبى
لو دا شهر مااروحش فيه لهم
اقسم بالله بيجولى فى الاحلام والاقيهم بيعيطوا
وطبعا اول مااصحى البس جرىىىىىىىىىى واروح لهم
بجد براءه ما شوفتش زيها ابدا
والله ياجماعه بجد صدقونى
انكم تروحوا دور الايتام علشان الثواب ده كويس
بس لو روحتوا دور الايتام علشان بتحبوهم ده حاجه تانيه خالص
احساس تانى لايمكن اوصفه لكم
يابناااااااااااااات ياللى خلصتوا جامعه وبتشتكوا من الفراغ وبتقولو نعمل ايه
روحوا دار ايتام
لو عندكم دار مسنيين روحوا
حسسوهم بحبكم وباحتياجكم ليهم قبل احتياجهم ليكوا
ملحوظه :قبل كل ده لازم تكونوا باريين باهلكم كلهم حتى البعاد
اسالوا عليهم شوفوا عمه اوخال ليكم بعيد واتصلو بيه
او اسالى اباكى او امك عن قريبه لكى او قريب لك وزوره حتى ولو مره كل شهر
خير الاعمال ادومها
على فكرة لسه هكلمكم على ثريا , صابرين , ايمان , اميرة
وغيرهم وغيرهم من اللى خطفوا قلبى

13 comments:

asmaa said...

السلام عليكم
جزاك الله خيرا حبيبتى فى الله
فعلا عندك حق زياره دور الايتام ودور المسنين
فيها ثواب كبير
وبنتعلم منهم حاجات كتير
انا فعلا زورت دور مسنين وحسيت الاحاسيس دى
بس للاسف بالوقت نفسيا مقدرتش اتحمل المعاناه الى بشوفها هناك عندهم
ربنا يصبرهم ويجعله فى ميزان حسناتهم

عاشقه الفردوس said...

اسماء مرورك رائع دائما

انا زعلت جدا انك نفسيتك تعبت
بجد ياريت تكملى , دى حاجه ترضى ربنا واكيد هتلاقى الشيطان بيثبط
اعزمى وتوكلى على الله بنيه ادخال سرور على قلب مسلم

Anonymous said...

بجدماشاءالله عليكي يا عاشقة الفردوس
ربنا يجعله في ميزان حسناتك
موضوع دار الايتام جميل جدا ربنا يعنا ويعينك علي طاعته وحسن عبادته سبحانه وتنفيذ اوامر رسولنا الكريم
يارب نقدر

Ahmed Al-Sabbagh said...

السلام عليكم ورحمة الله

والله انا نفسى من زمان ازور ملجأ

كنا فى الكلية لما كنت فى اتحاد الطلاب كنا بنجيبهم الكلية يقضو معانا يوم

بس نفسى ازورهم بس تكون رحلة

لو حضرتك عندك اى عنوان او معلومات عن زيارات خيرية من دى
ياريت تتكرمى مشكورة وتبعتيهالى على ايميل مدونتى

أشكرك
أحمد

عاشقه الفردوس said...

ياراجيه عفو ربها
جزاك الله خيرا يااختى
مرورك يسعدنى دائما
مستنياكى تيجى يوم معايا

عاشقه الفردوس said...

اخى احمد جزاك الله خيرا على مرورك الكريم

وانا عندى معلومات لاباس بها
بس دى فى محافظتى بس
معرفش اكتر من كده
عامه هحاول اجمع لحضرتك معلومات

المهـ إلي الله ـاجر said...

جزاك الله خيرا يا اختي علي زياراتك الطيبة .. وجزاك الله خيرا أن ادخلتي السرور علي قلب هؤلاء الاطفال

جعله الله في ميزان حسناتك

وانصحك ان تزيدي من مثل هذه التدوينات حتي تكوني أسوة لغيرك في هذه الزيارات . وتتكرر من دور أيتام لدار مسنين لمستشفيات ز وكلها إن شاء الله لها ثوابات متعددة

جزاك الله خيراً

عاشقه الفردوس said...

اخى المهاجر جزاك الله خيرا
لا تشكرنى اخى مرورى لمدونتك يسعدنى كثيرا اما بالنسبه لدور الايتام فانا بالفعل لااطيق صبرا على عدم رؤيتهم شهرا واحدا
فقد اصبحوا جزءا منى ومن حياتى
جزاك الله خيرا اخى ع الدعم

a Dreamer with feet on the Floor said...

what U did is great and what U feel 2 those Orphants is a task we must all do...
no one guarantee 2 live 4 his kiddes each one think...how can I Help...
not only with materials with money-they R o necessary 2- but also with sharing..
we R a community...a family ...big one ..and can Include those kidds withen us...by giving them Time.
may Allah bless u and lead us al 2 share in such good road.

عاشقه الفردوس said...

a Dreamer with feet on the Floor

god bless u
thx 4 passin' < i hope that allah give u all good

i wish u good health 2 care ur child

NIDAAL PAL said...

سلام عليكم
على فكرة انا كنت عايز اقول كلمة واحدة من كام يوم بس النت كان معطب نهائياً
.....
هما دول الى بامر الله هيدخلونا الجنة
بعد رحمة الله بنا
و ربنا يجعلك و ايانا ممن تشملهم رحمة الله
وينظر لهم بعين الرحمة
و طبعاً حاجة جميلة جداً انك تساهمى فى رسم بسمة على شفاه هؤلاء اليتامى ..
و زى ما قولتى هما مش عايزين فلوس بقدر ما هما محتاجين للاحساس بالاندماج و الاهتمام
بارك الله فيكى اختى

عاشقه الفردوس said...

اخى جزاك الله خيرا
جعلك الله ذخرا لنا جميعا
وبارك الله فى مدونتك الرائعه والمتالقه دائما فهى تحكى عن آلامنا جميعا

جزاك الله خيرا ع المرور الكريم والاكثر من رائع

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘