Monday, April 28, 2008

افكار مشروعات صغيره



السلام عليكم ورحمه الله وبركاته









تحدثنا عن المشروعات الصغيره او مانستطيع ان نفعله لانفسنا باقل التكاليف وجوده عاليه وقلنا انه لايوجد مستحيل ابدا






قبل ان نتكلم عن افكار المشاريع دعونا نتحدث عن اشياء بسيطه او مجموعه اشياء يجب ان نعلمها قبل البدء في اي مشروع









اولا:



التوكل علي الله وان تتيقن من انك صاحب نيه صالحه وتريد الخير وسيرزقك الله



ثانيا



: ان تعلم بانك في بدايه اي مشروع ستقوم به ستجد بعض الصعاب فلا تيأس واعلم ان هذا شيئا طبيعيا



ثالثا



:اعلم انك حتي لو نجحت لا يعني هذا ان تتوقف عن الابداع والابتكار في منتجك... فالمستهلك دائما يريد الجوده



رابعا



: التسويق والدعايه الجيده ...فان التسويق للمنتج والدعايه له هو اساس البيع هذه الايام



خامسا



:اذا وجدت من قام بنفس فكرتك فلاتتضايق فهذا هو ضريبه الانفتاح والتواصل اصبح كل شيئا ميسورا لكل الناس عليك انت فقط حسن التوكل علي الله والاخذ باسباب نجاح مشروعك او فكرتك



سادسا



: مايقوم به المجموعهافضل كثيرا من الفرد فهذا الوقت هو وقت المجموعات



team work












بعض الافكار لمشاريع صغيره:






*جرس الباب: نعم جرس الباب انا علي يقين بان كل المهندسين او خريجي الهندسه يعلمون تمام العلم ان جرس الباب عباره عن دائرة او مجموعه دوائر كهربيه بسيطه الصنع وماهي التكلفه تكاد لاتذكر والله






* الستائر: قماش وتقوم بعمل اشياء بسيطه فيه مثل السرفله وخياطه الاطراف وخياطه الستائر بطريقه معينه واعلم ان النساء مبدعات



ولا يوجد منزل الان لايحتاج الي ستائر






* الاستيكه - الممحاه - هل تتخيلون اننا لانستطيع ان نوفر لاطفالنا الممحاه ولا نستطيع ان ننتجها






*الصابون والمنظفات :الا نستطيع ان نقوم بعملها ... اين طلاب كليه العلوم اين مفكرينا اين طلابنا وطالباتنا






*المقلمه : قطعه بلاستيكيه وسوسته او قماش وسوسته






* الشموع : طريقه عملها بسيطه جدا هيا نري سويا الشمع المصري ارايتم رداءته .. هيا بنا لنري الشموع المستورده وللعلم انا قرات من قبل عن طريقه عمل الشموع وماالفارق بين الشموع المحليه والمستورده ووجدتها عباره عن عدم وضع خامه معينه بمقدار معين فقط وطبعا عدم الاهتمام بالشكل النهائي



finishinn' stage






عندي دراسه الجدوي لمشروع الشموع ساكتبها هنا باذن الله قريبا حالما اجدها لاني لااتذكر مكانها الان



وايضا دروس تعليم خياطه وعمل الستائر عندي وبالصور للاخوات وقد قمت بعمل منتدي للبنات فقط وفيه كل هذه الدروس ساعطي رابط المنتدي للبنات باذن الله






شوفو الفرق بين الشموع المستورده والشموع المصريه كلكم عارفينها طبعا اللي لونها ابيض دي او الشموع الصغيره اوي الرفيعه دي المتعدده الالوان بتستخدم في السبوع :)))

















هذه هي الافكار التي فكرت فيها حتي الان وان وجدت افكارا اخري ساعرضها عليكم وسابحث عن دراسات الجدوي لمشاريع صغيره ايضا وساضعها






طلب صغير :



طلبه كليات الهندسه اين انتم



نريد منكم ان تقدموا لنا ماتدرسونه في هيئه منتجات



تنفذوا ماتاخذونه في كلياتكم في الواقع وتقوموا بعمل مشروع صغير يضم الطلبه وباذن الله ستنجحون












ده لينك هيعجبكم باذن الله



موقع كنانه بوابه التنميه المجتمعيه









اعتذر بشده فأنا في عده دورات هذه الايام ولذلك ساتغيب عليكم ادعولي بالتوفيق والتثبيت والسداد
علي فكره كلامي مش مرتب هنا كمان اسفه لاني بكتب بسرعه:)))
استودعكم الله ولاتنسونا من صالح دعائكم

Sunday, April 20, 2008

جــيــت و....هـو انت صح؟


السلام عليكم ورحمه الله وبركاته




عارفه اني مكانش ينفع اتغيب بعد التدوينه الاخيره كده


وكمان خدت مكالمات هايله طبعا كلها زعيق:))




بس بجد ماكانش كسل علي اد ماكان فعلا عندي حاجات كتيركان لازم انجزها
يمكن مكملهتاش كلها لكن حاولت علي قدر استطاعتي وانجزت بعض اعمال لاباس بها والحمد لله

بخصوص التدوينه الاخيره هو انت صح

لينكات منتديات الاخوات هتتبعتلهم علي ايميلات اخواتي المدونات ولو واحده مش كاتباه زي حالاتي كده تقولي وانا ابعتهولها

نيجي للتعليقات
بصراحه كانت تعليقات تفرح
وبشكر اولا استاذنا عصفور المدينه لانه وضعها في تدويناته المختاره
كتير اقروا ان احنا فعلا مقصرين وهي دي الحقيقه


زي


اخونا الكبير الطائر الحزين, الام وامال,عاشقه النقاب,قطوفها دانيه ,رفقه عمر,دكتور حر,مهند,وضاح_وعلي فكره جاب الفكره اللي هتكلم عنها النهارده,حطم القيود,هند هنادي , صاحب المضيفه,محب الدين,حسام يحي,امام الجيل , انا انسان(اللي خوفني جدا واتكلم علي العصفورة ومعرفش مين العصفوره دي محدش في المدونين اصلا يعرفني غير قله من المدونات البنات),عمر المصري,محمد مارو, الربان, محمد عبد القوي,خبيب ,جنه, في القلب,بحبك يامصر ,عبد الرحمن فارس,مستجده,انسان بلاعنوان,دكتورتنا اجدع بنوته, ام احمد المصريه,الفاتح الجعفري,دكتور بيطري,النجم القادم(وطلع انسان شغال ماشاء الله عليه بجانب الدراسه ربنا يوفقه),الباحث عن الحقيقه,نور الاسلام.مجداويه , انسانه شويه وشويه,المستنصر بالله, عبد من عباد الله,ماكس ادامز(بتاع الفنكوش),خالتو فرنسا, الفجر قادم,الحشري,احمد سعيد بسيوني- ماقولتليش رايك لسه ,موناليزا, رينا - اللي زعلت مني وانا مقدرش علي زعلها-,نضال -محمد جمال- بس معلش مش هعرف اشتغل انا اعمل لنفسي بس لكن مسؤليه مقدرش-,خالو احمد اه فعلا مختفيه معلش




ياااااااااااااااااااه زهقتو اكيد انا عارفه معلش
بس عايزاكو تقروا معايا كومنتات وضحت نقاط كتير



والله يا ست الشابة انا عملت حاجات كتيير حدانا في البلد ما عندناش حاجة عاد اسمها ايد بطالةومن يوم ما خدت البكالوتوز وانا من منصب لمنصب لحد ما بقيت مدير مالي قد الدنيي ومشاريعي بقه هي عيال تفرح القلب بس خلاص عشان انا خارج اسعى لطلب الرزق


ده كان تعليق استاذ خالد
بجد ضحكني اوي بس مليان استفاده اولها الاخلاص
الاخلاص في العمل
والشخصيات اللي زي الاستاذ خالد مش هي اللي بتكلم عنها
لان مش مهم نشتغل اكتر من شغله في نفس الوقت ولا كلنا نحترف او نتفنن في عمل منتجات
انا بتكلم هنا عن اللي مش بيشتغل او اللي بيشتغل ومش مستغل وقته الاستغلال الامثل ايا كان بارادته اوغصب عنه -ان نظام شغله كده ورقتين يتمضوا وشكرا علي كده


طبعا الموضوع ليس بسيطا حيث ان به متغيرات كثيرة بعضها تحت ايدينا والكثير منها خارج حدودناولكننا كما قلتي نمتلك الكثيرقد رايت عندما ذهبت الي بلدتي التي اعتبرها نائية نوعا ما تخيلي ماذا رايترايت فتاه صينية تحمل فوق ظهرها حقيبة ضخمة وتسير بها في شوارع القرية المليئة بالحفر والمطبات كان الناس يسخرون منهاولكني اكبرتهاواحترمتهاواحترمت انها تسوق لمنتجات بلدهانحن نحتاج قبل الافكار نحتاج شخصية ثقافةفكرنحتاج ان نتربي علي هدف


ده كان تعليق استاذ فهد
ياالله مش بس حضرتك اللي شوفت الصينيه دي كلنا شوفناها العمل ليس عيبا ابدا علي الاطلاق العيب في الجلوس بلافائده الاستعداد بان تعمل اي شئ خارج بلدك




وأنا أذكر قصة فى هذا الموضوع تفسر علاقة الحاكم بالشعب . يروى أنه كان أحد الخواجات يتحدث مع باشا إحدى الإقطاعيات وترك حصانه يمرع فى حقل كان يملكه فلاح بسيط وفوجىء الخواجة بأن الفلاح غاضبا جدا من الحصان فسأل الباشا مستعجبا من ردة فعل الفلاح وسأل عما يقول هذا الفلاح ؟؟ فرد عليه الباشا بأن الفلاح من شدة غضبه كان يشتم ويسب فى الحصان فضحك الخواجة وقال للباشا وهل هذه الشتيمة ستؤذى الحصان فرد عليه الباشا مستنكرا : لا !! فقال الخواجة حينئذ دع هذا الفلاح يشتم كما يريد مادام الحصان لايصيبه سوء!!وهكذا اصبحنا جميعا مثل هذا الفلاح المقهور وأصبنا بالشلل وانشغل مثقفينا بطرح المشاكل والفساد ليل نهار فأصبنا بالإحباط بسبب أننا لاحول لنا ولا قوة وهذه فكرة إستعمارية كان يستخدمها الإستعمار قديما للحرب النفسية على المسلمين حتى نسوا كلام رسولهم الكريم فى الحديث القدسى ( نصرت بالرعب مسيرة شهر وجعلت ليل الأرض مسجدا وطهورا)...


ده تعليق دكتور بيطري
وهو ده اللي عايزه اتكلم عنه
الاحباط
الاحباط اللي وصلناله لازم نطلع منه
فيه ظلم
اه فيه ظلم
فيه وساطه اه فيه
طيب خلاص هنفضل لامتي نشتم ونلعن طيب يلا نتحرك وباذن الله ربنا هيصلحلنا حالنا طول مااحنا عايزين نعمل الصح



الدنيا مش سهلة قوىواى مشروع بينجح بتلاقى الف واحد عمله ودخله يقل والضرايب بقه وده عاوز خدمه وده عاوز رشوه وده عاوز يخرب بيتك ويضيقك معاكى ان الانسان يحاول بس فى بلادنا المحاولات بقيت ضيقه قوى وقليلة وصعبةوربنا يعين الجميع تفتكرى حد يلاقى مصلحه ويرفضها المصريين بيدورا على الشغل بجد


تعليق احساس لسه حي
ماشي معاك
اكيد اللي بيعرف طريقه حاجه هيعملها وده الطبيعي
مافيش حد علي وجه الكره الارضيه بيعمل حاجه ومحدش بيعرف يعملها
ده الطبيعي والنت والاتصالات وتناقل المعلومات من كل مكان وفي وقت بسيط سهل المواضيع اوي
بس الفرق ايه
الفرق في جوده المنتج


يعني مثلا نفرض س عمل مشروع ايس كريم
وص حب يقلده عرف الفكره وعمل زيه
ايه اللي هيخلي س متفوق عن ص ؟ جوده ايس كريمه

الجوده
العالم كله بيبحث عن تطوير المنتج والجوده
وكل واحد ورزقه بس احنا نبدا ونتوكل علي الله وربنا معانا مش هيخذل حد اشتغل بجد ونيته صادقه



فكرة الشنطة الجينز روعة...وكان ليا واحد صاحبي عملها...بس كان بيعمل محافظ بقي عارفة انا الفترة ديه باخد حاجة اسمها فرقة قادة فصايل (دورة تدريبية يعني) مش بنعمل فيها اي حاجةنروح الساعة 7,30 الصبح مجرد نروح نثبت حضور في الوحدة ونستني الساعة 3 نغير هدومنا ونمشياليوم ممل جدا ومفهوش حاجةواحد صاحبنا اقترح انه يشرحلنا كورس ccnaاحنا معظمنا مهندسين اتصالات...والكروس دا مهم جدا وغالي ...بيوصل ل 1500 جنيهالحمد لله وصلنا لجزء كبير فيه وبدأنا نستفيد بدل الفراغ اللي كنا فيهوكان استغلال جميل للوقت...وطبعا ربنا يجازي صاحبنا دا خير لتطوعه للشرح


ده تعليق الراقص مع الذئاب والله فرحني جدا
اولا صاحبه الايجابي والمحافظ_جمع محفظه- اللي كان بيعملها
ثانيا صاحبه اللي اتبرع بشرح الكورس لهم واستغلال الوقت استغلال جيد
سبحان الله ساعدهم وفيه ناس بتبخل تقول اللي تعرفه


قال رسول الله صلي الله عليه وسلم (خيركم من تعلم العلم وعلمه)) تعلم وعلم مش تعلم وانفرد باللي اتعلمه




وتعليق لمجداويه مش هتكلم عنه نبقي نقرا اللي نفسها تعمله في التدوينه اللي وعدت انها هتقدمهالنا



يا اختي انتي بتقولي كام ساعه بنشتغلها طيب تعالي شوفي بقى مش بس الوقت اللي بيضيع من غير شغل كمان الوقت اللي بنشتغله وبنشتغل فيه غلطيعني مفيش تركيز مفيش اهتمامكل واحد بينفذ العمل زي ما بيقولوه مع انه مقتنع انه غلطساعات كنت بحاول اوقف الموضوع واراجع مع الناس الشغل ده غلط يا ناسلقيت اني بقيت اخر واحد بيخلص شغله وبالتالي انا بقيت بطيء وشغلي مش قد كدهخلاص الحل اني امشي مع القطيع عايزين سرعه خلاص مفيش جودهولو اني برده كنت اتمنى اقف على موقفي وبس تقولي ايه


تعليق الشنكوتي الكبير

شوفتو اهو واحد مصري ومطحون زينا اهو وبيقولنا اللي بيقاسيه
اهو ده بالظبط اللي بيحصل
الشاب من دول يطلع من الجامعه نفسه يبقي حاجه كويسه بيحس انه هيغير الكون لو ربنا كرمه وامه داعياله هيشتغل ولو اشتغل هيتصدم بالواقع اللي هو لوايح ياحضرت الروتين لازم ورق الدمغه وحاجات كتير مالهاش اي لازمه غير انها مجمده تفكير شبابنا
اهي هي دي المأساه



طيب ارحمينا بقي انتي عايزة ايه خلصي نعملك ايه يعني؟

نعمل ايه نعمل ايه
بصراحه ياجماعه الموضوع طلع كبير اوي ومش هينفع يتناقش كله في تدوينه واحده
اوعدكم بانها هتبقي سلسله
وكل تدوينه هتبقي فيها كمان فكره لمشروع سهل جدا وراسماله المبدئي هيبقي لايتعدي 2000 جنيه باذن الله


هنفكر سوا ونحاول سوا وندور علي مشاريع سهله سوا




اخر تعليق عايزة احطه


كلامك مش مترتب بس فيه حاجات كتير عايزة تقوليهامش عارف ليه حسيت اني عايز ارد عليكي رغم ان الموضوع حكاية او قصة وانا مش من هواة القصص والحكايات بصي يا دارسة الادارة المهتمة بالدين خلاصة القول ان الله لا يغير ما بقوم حتي يغيروا ما بأنفسهم



ده تعليق مصر تاني

الله يكرمك يااخي
كلامي فعلا مش مرتب ودي حاجه طبيعيه لاني بكتب اللي حساه مش بنتقي كلامي وانا وضحت في اول الموضوع وقولت الجمله دي


فكرت كثيرا في هذا الموضوع
ولكن في كل مره كانت مده التفكير لاتتعدي الثانيتين حيث اني ارددت ان اكتب لكم ماافكر فيه من غير ترتيب فقط فلنفكر سويا


اما اني بكتب قصه او حكايه
فانا كتبت موضوع وقولت فيه حاجه انا عملتها
جايز تكون تافهه
بس بالنسبالي مش تافهه بالمره
اني اعمل حاجه انا كنت بشتريها وبنفس الجوده او اقل ده حاجه تسعدني


بصي يادارسه الاداره المهتميه بالدين

لا لا
انا دارسه اداره وبدرس حاليا ديني مش مجرد اهتمام


وفعلا خلاصه القول ان الله لايغير مابقوم حتي يغيروا مابانفسهم
ده صحيح
وانا بعتذر لحضرتك لو الموضوع كان ممل او ضايقتك

بس انا بتكلم في ازاي
ممكن اكون مااعرفش اصلا ازاي
بس انتو وتعليقاتكم بتساعدوني وكلنا هنا يهمنا مصلحه البلد ومصلحتنا
جزاكم الله خيرا علي التعليق علي الموضوع

وان شاء الله التدوينات التانيه قريبا