Sunday, April 20, 2008

جــيــت و....هـو انت صح؟


السلام عليكم ورحمه الله وبركاته




عارفه اني مكانش ينفع اتغيب بعد التدوينه الاخيره كده


وكمان خدت مكالمات هايله طبعا كلها زعيق:))




بس بجد ماكانش كسل علي اد ماكان فعلا عندي حاجات كتيركان لازم انجزها
يمكن مكملهتاش كلها لكن حاولت علي قدر استطاعتي وانجزت بعض اعمال لاباس بها والحمد لله

بخصوص التدوينه الاخيره هو انت صح

لينكات منتديات الاخوات هتتبعتلهم علي ايميلات اخواتي المدونات ولو واحده مش كاتباه زي حالاتي كده تقولي وانا ابعتهولها

نيجي للتعليقات
بصراحه كانت تعليقات تفرح
وبشكر اولا استاذنا عصفور المدينه لانه وضعها في تدويناته المختاره
كتير اقروا ان احنا فعلا مقصرين وهي دي الحقيقه


زي


اخونا الكبير الطائر الحزين, الام وامال,عاشقه النقاب,قطوفها دانيه ,رفقه عمر,دكتور حر,مهند,وضاح_وعلي فكره جاب الفكره اللي هتكلم عنها النهارده,حطم القيود,هند هنادي , صاحب المضيفه,محب الدين,حسام يحي,امام الجيل , انا انسان(اللي خوفني جدا واتكلم علي العصفورة ومعرفش مين العصفوره دي محدش في المدونين اصلا يعرفني غير قله من المدونات البنات),عمر المصري,محمد مارو, الربان, محمد عبد القوي,خبيب ,جنه, في القلب,بحبك يامصر ,عبد الرحمن فارس,مستجده,انسان بلاعنوان,دكتورتنا اجدع بنوته, ام احمد المصريه,الفاتح الجعفري,دكتور بيطري,النجم القادم(وطلع انسان شغال ماشاء الله عليه بجانب الدراسه ربنا يوفقه),الباحث عن الحقيقه,نور الاسلام.مجداويه , انسانه شويه وشويه,المستنصر بالله, عبد من عباد الله,ماكس ادامز(بتاع الفنكوش),خالتو فرنسا, الفجر قادم,الحشري,احمد سعيد بسيوني- ماقولتليش رايك لسه ,موناليزا, رينا - اللي زعلت مني وانا مقدرش علي زعلها-,نضال -محمد جمال- بس معلش مش هعرف اشتغل انا اعمل لنفسي بس لكن مسؤليه مقدرش-,خالو احمد اه فعلا مختفيه معلش




ياااااااااااااااااااه زهقتو اكيد انا عارفه معلش
بس عايزاكو تقروا معايا كومنتات وضحت نقاط كتير



والله يا ست الشابة انا عملت حاجات كتيير حدانا في البلد ما عندناش حاجة عاد اسمها ايد بطالةومن يوم ما خدت البكالوتوز وانا من منصب لمنصب لحد ما بقيت مدير مالي قد الدنيي ومشاريعي بقه هي عيال تفرح القلب بس خلاص عشان انا خارج اسعى لطلب الرزق


ده كان تعليق استاذ خالد
بجد ضحكني اوي بس مليان استفاده اولها الاخلاص
الاخلاص في العمل
والشخصيات اللي زي الاستاذ خالد مش هي اللي بتكلم عنها
لان مش مهم نشتغل اكتر من شغله في نفس الوقت ولا كلنا نحترف او نتفنن في عمل منتجات
انا بتكلم هنا عن اللي مش بيشتغل او اللي بيشتغل ومش مستغل وقته الاستغلال الامثل ايا كان بارادته اوغصب عنه -ان نظام شغله كده ورقتين يتمضوا وشكرا علي كده


طبعا الموضوع ليس بسيطا حيث ان به متغيرات كثيرة بعضها تحت ايدينا والكثير منها خارج حدودناولكننا كما قلتي نمتلك الكثيرقد رايت عندما ذهبت الي بلدتي التي اعتبرها نائية نوعا ما تخيلي ماذا رايترايت فتاه صينية تحمل فوق ظهرها حقيبة ضخمة وتسير بها في شوارع القرية المليئة بالحفر والمطبات كان الناس يسخرون منهاولكني اكبرتهاواحترمتهاواحترمت انها تسوق لمنتجات بلدهانحن نحتاج قبل الافكار نحتاج شخصية ثقافةفكرنحتاج ان نتربي علي هدف


ده كان تعليق استاذ فهد
ياالله مش بس حضرتك اللي شوفت الصينيه دي كلنا شوفناها العمل ليس عيبا ابدا علي الاطلاق العيب في الجلوس بلافائده الاستعداد بان تعمل اي شئ خارج بلدك




وأنا أذكر قصة فى هذا الموضوع تفسر علاقة الحاكم بالشعب . يروى أنه كان أحد الخواجات يتحدث مع باشا إحدى الإقطاعيات وترك حصانه يمرع فى حقل كان يملكه فلاح بسيط وفوجىء الخواجة بأن الفلاح غاضبا جدا من الحصان فسأل الباشا مستعجبا من ردة فعل الفلاح وسأل عما يقول هذا الفلاح ؟؟ فرد عليه الباشا بأن الفلاح من شدة غضبه كان يشتم ويسب فى الحصان فضحك الخواجة وقال للباشا وهل هذه الشتيمة ستؤذى الحصان فرد عليه الباشا مستنكرا : لا !! فقال الخواجة حينئذ دع هذا الفلاح يشتم كما يريد مادام الحصان لايصيبه سوء!!وهكذا اصبحنا جميعا مثل هذا الفلاح المقهور وأصبنا بالشلل وانشغل مثقفينا بطرح المشاكل والفساد ليل نهار فأصبنا بالإحباط بسبب أننا لاحول لنا ولا قوة وهذه فكرة إستعمارية كان يستخدمها الإستعمار قديما للحرب النفسية على المسلمين حتى نسوا كلام رسولهم الكريم فى الحديث القدسى ( نصرت بالرعب مسيرة شهر وجعلت ليل الأرض مسجدا وطهورا)...


ده تعليق دكتور بيطري
وهو ده اللي عايزه اتكلم عنه
الاحباط
الاحباط اللي وصلناله لازم نطلع منه
فيه ظلم
اه فيه ظلم
فيه وساطه اه فيه
طيب خلاص هنفضل لامتي نشتم ونلعن طيب يلا نتحرك وباذن الله ربنا هيصلحلنا حالنا طول مااحنا عايزين نعمل الصح



الدنيا مش سهلة قوىواى مشروع بينجح بتلاقى الف واحد عمله ودخله يقل والضرايب بقه وده عاوز خدمه وده عاوز رشوه وده عاوز يخرب بيتك ويضيقك معاكى ان الانسان يحاول بس فى بلادنا المحاولات بقيت ضيقه قوى وقليلة وصعبةوربنا يعين الجميع تفتكرى حد يلاقى مصلحه ويرفضها المصريين بيدورا على الشغل بجد


تعليق احساس لسه حي
ماشي معاك
اكيد اللي بيعرف طريقه حاجه هيعملها وده الطبيعي
مافيش حد علي وجه الكره الارضيه بيعمل حاجه ومحدش بيعرف يعملها
ده الطبيعي والنت والاتصالات وتناقل المعلومات من كل مكان وفي وقت بسيط سهل المواضيع اوي
بس الفرق ايه
الفرق في جوده المنتج


يعني مثلا نفرض س عمل مشروع ايس كريم
وص حب يقلده عرف الفكره وعمل زيه
ايه اللي هيخلي س متفوق عن ص ؟ جوده ايس كريمه

الجوده
العالم كله بيبحث عن تطوير المنتج والجوده
وكل واحد ورزقه بس احنا نبدا ونتوكل علي الله وربنا معانا مش هيخذل حد اشتغل بجد ونيته صادقه



فكرة الشنطة الجينز روعة...وكان ليا واحد صاحبي عملها...بس كان بيعمل محافظ بقي عارفة انا الفترة ديه باخد حاجة اسمها فرقة قادة فصايل (دورة تدريبية يعني) مش بنعمل فيها اي حاجةنروح الساعة 7,30 الصبح مجرد نروح نثبت حضور في الوحدة ونستني الساعة 3 نغير هدومنا ونمشياليوم ممل جدا ومفهوش حاجةواحد صاحبنا اقترح انه يشرحلنا كورس ccnaاحنا معظمنا مهندسين اتصالات...والكروس دا مهم جدا وغالي ...بيوصل ل 1500 جنيهالحمد لله وصلنا لجزء كبير فيه وبدأنا نستفيد بدل الفراغ اللي كنا فيهوكان استغلال جميل للوقت...وطبعا ربنا يجازي صاحبنا دا خير لتطوعه للشرح


ده تعليق الراقص مع الذئاب والله فرحني جدا
اولا صاحبه الايجابي والمحافظ_جمع محفظه- اللي كان بيعملها
ثانيا صاحبه اللي اتبرع بشرح الكورس لهم واستغلال الوقت استغلال جيد
سبحان الله ساعدهم وفيه ناس بتبخل تقول اللي تعرفه


قال رسول الله صلي الله عليه وسلم (خيركم من تعلم العلم وعلمه)) تعلم وعلم مش تعلم وانفرد باللي اتعلمه




وتعليق لمجداويه مش هتكلم عنه نبقي نقرا اللي نفسها تعمله في التدوينه اللي وعدت انها هتقدمهالنا



يا اختي انتي بتقولي كام ساعه بنشتغلها طيب تعالي شوفي بقى مش بس الوقت اللي بيضيع من غير شغل كمان الوقت اللي بنشتغله وبنشتغل فيه غلطيعني مفيش تركيز مفيش اهتمامكل واحد بينفذ العمل زي ما بيقولوه مع انه مقتنع انه غلطساعات كنت بحاول اوقف الموضوع واراجع مع الناس الشغل ده غلط يا ناسلقيت اني بقيت اخر واحد بيخلص شغله وبالتالي انا بقيت بطيء وشغلي مش قد كدهخلاص الحل اني امشي مع القطيع عايزين سرعه خلاص مفيش جودهولو اني برده كنت اتمنى اقف على موقفي وبس تقولي ايه


تعليق الشنكوتي الكبير

شوفتو اهو واحد مصري ومطحون زينا اهو وبيقولنا اللي بيقاسيه
اهو ده بالظبط اللي بيحصل
الشاب من دول يطلع من الجامعه نفسه يبقي حاجه كويسه بيحس انه هيغير الكون لو ربنا كرمه وامه داعياله هيشتغل ولو اشتغل هيتصدم بالواقع اللي هو لوايح ياحضرت الروتين لازم ورق الدمغه وحاجات كتير مالهاش اي لازمه غير انها مجمده تفكير شبابنا
اهي هي دي المأساه



طيب ارحمينا بقي انتي عايزة ايه خلصي نعملك ايه يعني؟

نعمل ايه نعمل ايه
بصراحه ياجماعه الموضوع طلع كبير اوي ومش هينفع يتناقش كله في تدوينه واحده
اوعدكم بانها هتبقي سلسله
وكل تدوينه هتبقي فيها كمان فكره لمشروع سهل جدا وراسماله المبدئي هيبقي لايتعدي 2000 جنيه باذن الله


هنفكر سوا ونحاول سوا وندور علي مشاريع سهله سوا




اخر تعليق عايزة احطه


كلامك مش مترتب بس فيه حاجات كتير عايزة تقوليهامش عارف ليه حسيت اني عايز ارد عليكي رغم ان الموضوع حكاية او قصة وانا مش من هواة القصص والحكايات بصي يا دارسة الادارة المهتمة بالدين خلاصة القول ان الله لا يغير ما بقوم حتي يغيروا ما بأنفسهم



ده تعليق مصر تاني

الله يكرمك يااخي
كلامي فعلا مش مرتب ودي حاجه طبيعيه لاني بكتب اللي حساه مش بنتقي كلامي وانا وضحت في اول الموضوع وقولت الجمله دي


فكرت كثيرا في هذا الموضوع
ولكن في كل مره كانت مده التفكير لاتتعدي الثانيتين حيث اني ارددت ان اكتب لكم ماافكر فيه من غير ترتيب فقط فلنفكر سويا


اما اني بكتب قصه او حكايه
فانا كتبت موضوع وقولت فيه حاجه انا عملتها
جايز تكون تافهه
بس بالنسبالي مش تافهه بالمره
اني اعمل حاجه انا كنت بشتريها وبنفس الجوده او اقل ده حاجه تسعدني


بصي يادارسه الاداره المهتميه بالدين

لا لا
انا دارسه اداره وبدرس حاليا ديني مش مجرد اهتمام


وفعلا خلاصه القول ان الله لايغير مابقوم حتي يغيروا مابانفسهم
ده صحيح
وانا بعتذر لحضرتك لو الموضوع كان ممل او ضايقتك

بس انا بتكلم في ازاي
ممكن اكون مااعرفش اصلا ازاي
بس انتو وتعليقاتكم بتساعدوني وكلنا هنا يهمنا مصلحه البلد ومصلحتنا
جزاكم الله خيرا علي التعليق علي الموضوع

وان شاء الله التدوينات التانيه قريبا

23 comments:

nonoymm said...

ايه دة اول تعليق
طيب ماشي
انا علقت في التدوينة اللي فاتت اسمي مش موجود ليه
عااااااااااااااا
دة انا كتبت كلام كتير حتى طب انا مقموصة بئا
عااااااااااااااااااعاااااااااااااا

عصفور المدينة said...

أنا طبعا اكتفيت بالإشارة إلى أن تلك كانت تدوينة متميزة

ولم أعلق لأن الموضوع كان ذو شجون وكل واحد المفروض يسقطه على نفسه بشكل مختلف ولابد أن يكون بشكل عملي فما كانش ولازال ما ينفعش الكلام
:)

الفاتح الجعفري said...

السلام عليكم اختنا
حمد الله علي السلامة
كان موضوع متميز جدا ,اما بالنسبة لصاحب التعليق المذكور
تذكرت مقولة للشيخ ابراهيم الدويش
كان يقول لاتكن كالذباب يقف علي الجروح
يعني ساب الكلام كله ومسك في اشياء ورؤي شخصيه
مش عارف اي عقل واي تفكير
ربنا يهدي الجميع
منتظرين الجديد باذن الله
وجزاكم الله خير

مهندس مصري said...

أنا حسيت ان أنا مش حأقدر أطبق الموضوع على نفسي فمعلقتش بس تابعت من بعيد
:)
بس هو فعلاً موضوع متميز
و اما نشوف سلسلة المشاريع الكويسة الرخيصة التكلفة
:)

د/اجدع بنوته said...

البوست المرادى بجد اقل مايقال عنه انه رائع

شايفه اراء مجموعة شباب تفرح

واللى لو جمعتهم مسئوليه معينه

هيدووووا بكل طاقتهم

ياااااااااااارب نتحد ونعمل حاجه بقى

خبيب said...

التفاعل كان جميلا وطيبا كما أشرت ..

فماذا بعد ؟

الطائر الحزين said...

اعزك الله

عاشقه الفردوس said...

ههههههههههههههههههههه نونو حبيبيتي

انا كتبت اسمك
ايه اللي جري هو عياط انبارح لسه تاعبك يانونو ولا ايه


عموما كلمتك ع الماسنجر



:::::::::::::::::::::::::::::::::::::::

استاذنا عصفور
زدنا شرفا والله

فعلا مش مهم الكلام المهم الفعل

جزاك الله خيرا


::::::::::::::::::::::::::::::::::


اخي الفاتح الجعفري

فعلا التعليقات كانت ايجابيه جدا وافادتني جدا جدا

معلش يااخي لم اغضب منه ولكن احسبه كان يقصد خيرا والحمد لله

جزاك الله خيرا يافاتحنا الجعفري
:::::::::::::::::::::::


عمنا المهندس المصري


طيب تروح وترجع بالسلامه

وهنستني بوستاتك من هناك وربنا يوفقك


::::::::::::::::::::::::::::::::

اجدع بنوته

ربنا يكرمك وفعلا اراءهم تفرح بجد ربنا يصلح حالنا



::::::::::::::::::::::::::::::::::


استاذ خبيب

ماذا بعد دي ان شاء الله قريبا


ربنا يباركلك


:::::::::::::::::::::::::::::::::

استاذنا الطائر الحزين
اعزنا واياك وبارك الله فيك وفي زوجك وابنائك

ام الابناء said...

السلام عليكم ورحمةالله


اختى الحبيبه فى الله

وحشانى جدا ويعلم الله واعتذر عن تقصيرى فى حقك اختاه سامحينى


لقد اصبتى اختاه بيت القصيد وصدقتى فيما قلتى

جزيتى عنا كل الخير اختاه
وبارك الله فيكى ورضى عليكى

النجم القادم said...

السلام عليكم

هيييه هييييييه هييييييه

اسم جه فى التلفزيون يارجاله

ههههههههههههههه

اقصد جه فى تدوينه لاختنا الفاضلة عاشقة الفردوس لولولولولولولى

جزاكى الله خيرا اختنا الفاضلة واعزكى الله

mohand said...

حمدلله علي سلامتك

امام الجيل said...

جميييييييل
حضرتك جمعتى المدونين كلهم
فى مدونتك
:)

ربنا يكرمك
وننتفع من تدويناتك دايما

ياقوت said...

السلام عليكم ورحمة الله وبركاته
أقول فى هذه المونة الجميلة
اود أن تكتبى
أكثر
والسلام عليكمورحمة الله وبركاته

عبده الرايق said...

هو الناس اللى مكتوب اسمهم دول مكتوب ليه ؟؟؟؟؟؟؟؟؟؟؟
هياخدوا حاجه ؟؟؟؟؟؟؟؟؟؟؟؟
قوليلى الله يسترك
لو فيها رزق ولا حاجه متمنعهوش عن العبد لله
تحيه لكى ولكل زوارك الكرام

لحظة said...

جزاك الله خيرا

انا كمان مش باشتغل
ويمكن ايام تضيع منغير ماعمل حاجة مفيده
واقضيها قدام التليفزيون زي الكاريكاتير في التدوينة السابقه
لكن لما باعمل حاجة مفيده قد ايه نفستي بتكون عالية وباحس بالسعاده
اخر حاجة عملتها خوداديات للانتريه بتاعي

بلون جميل
نطق الانتريه وخلاه حلو قوي

فعلا الايد البطاله نجسه
ولو في سبيل طلب الرزق
انا مقتنعة ان الانسان يشتغل اي شغل حلال وما يستعيبش
وربنا باذن الله هيكرمه

حقيقي وحشتيني

monaliza said...

" ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

TheGrace website / موقع النعمة said...

Warm welcome to Alnemat TheGrace Arabic Christian Internet Magazine, We love you! Please visit us at:

In TheGrace opportunity to meet Jesus the Savior / في النعمة فرصة للقاء المُخلِّص يسوع المسيح
http://www.TheGrace.net

Salvation pardon peace life certitude mercy in Jesus / خلاص غفران سلام حياة يقين رحمة في المسيح
http://www.TheGrace.org

Arabic Christian Magazine The Grace offering the Arabic Bible / النعمة تقدم الإنجيل الكتاب المقدس
http://www.TheGrace.com

نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible audio Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /
Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.

Anonymous said...

Yes, that is less than my i - Pad weighed in its Otter - Box Case.
The latest offering in the Air series is the 11 and 13 inch laptops.
You can also watch movies that you've downloaded or play one of many games that are available for the Mac such as The Sims 3.

Here is my web page ... macbook air

Anonymous said...

On can buy these online as well as form the retail stores as well.
With the Samsung Galaxy literally taking the mobile
phone world by storm, there is increased anticipation of the arrival of the next generation Galaxy
S smartphone handset. It will show you a list of
Active Applications and you can press End to shut them down
individually or press End All to close everything.

my web blog ... samsung s4

Anonymous said...

For More Information of Smartphone Products please visit.
Altogether, one will find it easy to edit files, upload them and
share them with others, as well as take either single images and look at them for instant review on the 480 by 360 screen.
It can also be used to quickly search Google or Wikipedia.


Feel free to surf to my web page; samsung galaxy s4

Anonymous said...

The touch screen automatically gets turned off
if you do not use the device for a specified period. All the daily soap operas and movies can be seen on it with utmost perfection because it
present videos with the frequency of 720p, having resolution
power as 2048x1536 pixels. The previous two handsets being the Samsung Nexus and the Nexus One.


my blog - samsung galaxy s3

Anonymous said...

The Dell Streak packs in a 1GHz Snapdragon ARM-based processor made by Qualcomm, 5MP autofocus camera with dual LED flash, VGA
front-facing camera, integrated 3G + Wi-Fi, Bluetooth, and a micro - SD expansion slot for up to 32GB of storage.
That partnership included the expansion of Adobe products,
primarily the Creative Suite and Flash, on Research
In Motion devices. Sources demonstrate that this newly designed solution designed to offer a streamlined framework for enterprises to unfurl
mobile apps for Blackberry Play - Book tablet users within the organization.


Here is my homepage; playbook review