Friday, August 3, 2007

المشاكل المسببه للعنوسه

مبدئيا اما نيجى نتكلم عن العنوسه يبقى نتكلم عليها من الجنسين
يعنى بينطبق على المراه والرجل
المهم انا اتكلمت قبل كده وقولت انى هجيبلكم قصص من الواقع ومش من مصر بس , لا ده من معظم البلاد العربيه
:ولا اسباب العنوسه كتييييير ومنها
* الاباء
*الشاب او الفتاه
*الظروف الماديه
اولا الاباء
احيانا يكون نابع من طمع الاباء , يعنى مثلا شايف انه تعب اوى فى بيته ومن حقه انه يستمتع بفلوسها ومركزها
الاجتماعى
القصه:
القصه دى من السعوديه وطبعا بتتكرر فى كل البلاد العربيه
بنوته طيبه , متدينه , مثقفه فى سن 18 سنه بدا يتقدم لها العرسان . لكن للاسف ابوها كان بيرفض ولاسباب واهيه ( طبعا كله بغرض التطفيش) بس البنت كانت بتستسلم لرغبات ابوها لانها متقدرش تقف ضد ابوها
وطبعا الموضوع اتكرر مرة واتنين وتلاته و........ وكل اما تكلم باباها يقولها انتى يابنتى بتشتغلى ومعاكى فلوسك وبتسعدينى بيها انتى عايزه ايه تانى كفايه انى هموت راضى عنك وكانت كل اول شهر اما تروح البيت , تلاقى ابوها واقف لها علشان ياخد مرتبها يتحكم فيه ويصرفه على نفسه
والبنت بقى عمرها 39 سنه وابوها مرحمهاش ولا رأف بحالها
وطبعا كل اما يزيد العمر تقل فرص الجواز
باباها بقى على فراش الموت , وبيقولها يابنتى سامحينى انا كنت انانى وفكرت فى نفسى وعمرى مافكرت فيكى
ردت عليه وقالتله اشهد ربى انى مش مسامحاك ولا عمرى هسامحك وربى ياخد لى حقى منك
احيانا الاب يكون بيغير على بنته او بيشوفها كتييييييير اوى ع اللى هيتقدم لها وبيرفض يرفض ويرفض لما صاحبتنا تبقى عانس
دى بقى عندى فيها قصص كتيييييييير اوى وكلهم عن ناس مقربين ليا
القصه الاولى
اب وافق على عريس لابنته وفى الخطوبه لاحظ ان بنته بقت متعلقه بخطيبها غار عليها وقال الخطوبه دى مش هتمشى
القصه التانيه
اب وافق على خطوبه بنته وفى مرة خطيب بنته بيرن عليها , ابوها راح لها وقالها , خطيبك ده بيمثل لك ايه فى حياتك ردت البنت وقالتله
بيمثلى
بيمثلى
بيمثلى
خطيبى (هههههههههه) ابهات اخر زمن
القصه الثالثه
اب كل اما بنته يجى لها عريس يرفض ويقول بقى انا اربى بنتى احسن تربيه واعلمها واما تمرض اوديها للدكتور وبعد اما تكبر يجى واحد
وياخدها ع الجاهز كده.............( لاتعليق) .ا
احيانا الام او الاب او الاتنين بيكونو متسلطين
وطبعا عارفين قصص كتير عن الموضوع ده
القصه
واحده لها ابن عم عايز يخطبها ابوها موافق مامتها مش موافقه ( هو كده تسلط وخلاص) البنت عندها دلوقتى 34 سنه وهى مااتجوزتش ولا هو اتجوز
وغيره وغيره وغيره من القصص اللى بتحصل قدام عنينا كل يوم
ثانيا الشاب او الفتاه
مش هتكلم عن الجانب الثانى كتير
احيانا الشاب او الفتاه بيبقو ليهم شروط معينه فى فارس الاحلام او فى شريكه حياته ومش عايز يتنازل عن شرط او اتنين من الشروط دى
البنت مثلا عايزاه يكون دكتور ويشترط العربيه
الشاب عايزها جميله ومؤدبه ومن عيله ومثقفه ووووووووووو
وكل اما تقول لواحد اظفر بذات الدين يقولك والشروط التانيه لو فيها تبقى ايه المشكله
الظروف الماديه
طبعا كلنا عايشينها
واللى يفرس ان كل واحده عايزة تتجوز عايزة الشقه بتاعتها تبقى جاهزة من الابره للصاروخ ..... طب ازاى
وفيها ايه لو اتجوزتو والحاجات البسيطه دى تجيبوها بعدين
ده اللى كنت عايزة اقوله ومستنيه تعليقاتكم وردودكم
لا اله الا انت سبحانك اللهم وبحمدك استغفرك واتوب اليك

2 comments:

ŞoŖśậŖấầ said...

السلااااام عليكممم

ايييييه يابنتى ولا دايم الا وجه الله

تعالى بينا نبكى على الانقاض

والله ماعارفه اقولك ايه.. كانو بيفرحوا زمان بالعرسان والخاطبة كانت شغالة على ودنه

وايييييه اللى شقلب حال الدنيا انا معرفششش

ومعرفش ليه ماكلنا عارفين النكد اللى بقى فى الدنيا والظروف المهببه اللى الشباب عايشين فيها

خللينا يابنتى مع شعارنا الجليل
عوانس على ماتفرج:D

تحياتى ليكى ومبروووك علينا مدونتك

ام البنات said...

ابنتى اللذيذه
لا عوانس ولا حاجه
شوفى فى الآخر كلهبيتساوى
اللى اتجوزت عندها 20 زى اللىاتجوزت عندها 30 فى الآخر ان شاء الله فى أطفال ونفس المشاكل ونفس الشكوى
يعنى مش هى دى القضيه
انا تزوجت عندى 30 عام
كنت ارفض الزواج وكانت لدى اشيائى وامى وابى على قيد الحياة واستمتع بابنة اختى
ولكن امى رحمها الله كانت تريد ان اتزوج.... كانت مريضهالمهم النصيب جاء وتزوجت
نسيت ااقولك تأخبرى فى الزواج وقتها لم استغله صح
معنا فتيات فى المسجد لم تتزوج ولكن ماشاء الله تقومبحفظ القرآن وتدريسه للأطفال تعمل فى الانشطه الخيريه
اشياء ستعجز عنها حين يأتى وقتها
حبيبتى لاتهتمى بموضوع تأخ الزواج... ولكن استفيدى بالوقت الممنوح لك الآن
الزواج م سؤليه لن تستطيعى معها ممارسة ما تحبى وخاصة مع وجود اطفال
ربى يرضى عنك ويرزقك بالزوج اللى من نفسك
ويرزقك سبل رضاه
ام البنات
حارة زعتر