Wednesday, March 5, 2008

كنت غضبانه وضحكتوني

السلام عليكم ورحمه الله وبركاته
التدوينه اللي فاتت(اللي لسه كاتباها انبارح )رغم انها لسه جديده الي اني اكتفيت بالردود دي لانها بصراحه حلوة اوي
كتبت التدوينه انبارح وانا جوايا نار ومحروق دمي
ونفسيتي تعبانه
بس لقيت الردود غير ماتوقعت
ولقيت ردود زي العسل ودمها خفيف اوي
التدوينه اللي فاتت كانت بتتكلم عن الحشيش والمخدرات واللي اكتشفته
وكنت فاكره انه سبق صحفي:))
لكن اكتشفت اني ولا اعرف حاجه والمعلومات بايته وقديمه
عايزة اوريكم ردود عسوله اوي
بيقول فيه
لا من ناحية الحل انا ما أعرفشلكن بالنسبة لبيع المخبرين للمخدراتلا مش كلهم بيبعوها بعضهم اللي بيبعها و في السر مش في العلن كدهعندنا معروف ان مخبرين مكافحة المخدرات هما اللي بيبيعوها من احراز القضاياو مش كل القهاوي بيحصل فيها كده لأ بعضها فقطلكن بتبقى تحت شنبهم بالضبط زي غرزة مشهورة عندنا في وش مباحث التموين:)
عارفين فكرني بايه
فكرني بالواحد اللي سال صاحبه اوصفلي صاحبنا قاله لاطويل ولاقصير لاتخين ولارفيع
:)))
اما رد استاذنا استاذ عصفور فكان كالاتي
لا حول ولا قوة إلا بالله مررت الليلة على مقهى عادي ملحق به محل خمور مرخص
وأحب أطمئنك أن انخفاض الأسعار هو راجع إلى الغش الذي انتشر وتنوعت أساليبه حتى المخدرات بيغشوها
:)
والله فرحت اوي اما عرفت انها كده نتيجه للغش
وضحكت اوي يعني كده الشباب دول فاكرين نفسهم ناصحين وهما بينضحك عليهم
:)))
أما دورنا نحن فحقيقة الموضوع ده كبير جدا وفيه أنواع كثيرة من الإدمان حتى إن هناك أنواع تتعاطى أدوية ومسكنات فلابد من دور
الأسرة والعلاج يكون طبي برغبة المتعاطي أولا فما ينفعش الوعظ لمن اندرج في هذا السلمأما المفروض هو حماية من لم يقع في ذلك
والانتباه للتربية والمتابعة والنصح والتحذير ووو
لكن برده يااستاذ عصفور دايما تحطلنا حلول وحاجه كان نفسي اقولها من زمان
استاذ عصفور تعليقاته بقراها عند كل تدوينه اروحها
طيب ده احيانا مايعقلش غير بكلمه واحده بس وافضل افكر فيها
كلمه واحده بس مليانه الف معني
ربنا يكرمك يااستاذنا
اما تعليق مستجده بقي فانا هجيب لكم قطوف منه
وبعدين زى ما انتى عارفه الناس كلها عندنا وف كل المحافظات بتبقى عارفه مين اللى بيضرب حشيش ومين اللى مقضيها سوايل وكله وبنزين وصراصير وخنافس... يختييييييي متعديش
:))))))
كله كله يامستجده
ياجماعه اللي ميعرفش الكله دي تقريبا حاجه بيتلزق بيها وريحتها وحشه
:))
وهبقى اكلمك عشان اباركلك ع القهوة الجديدة اللى هتفتح نواحيكو....ضربوا الأعور على عينه
شوفو بقولها ايه تقولي ايه
:))))
هقول جزء منه برده
الرد كان كالاتي
شوفى يا قمرمسا التماسى مفيش حاجه اسمها قرص حشيش اسمه قرش حشيش وبيتقسم الى 8 قطع كل حته اسمها تمنايه وال 8 قروش ب وقيه ( اوقيه) .هوال8 وقيات ب فرش كامل
:)))
السؤال بقي خالتي عرفت الكلام ده منين
اما اخونا الجعفري فتعليقه اهوبرده مش كل التعليق هحطه
طيب الحمد لله ان في حاجه في البلد بترخص
بس ربنا يستر وميحصلش طوابير علي المخدرات والبانجو
اوممكن كمان تدخل تبع بطاقة التموين اه علشا يبقي الشعب مناقصهوش حاجه الا ان المخدرات تتوصل دليفري علي البيت ودي مطروحه في الخطه الخمسيه اللي جايه
:)))))
فكان رد عملي علي التدوينه وهي كمان كانت مخنوقه من الموضوع ده فعلقت طبيعي وحسيت ان انا وهي في الهوا سوا
:((
بعد تعليق دكتور حر
قلت لا لازم ولابد اني اعترف بخطئي ازاي انا مش فاهمه حاجه
التعليق اهو
الموضوع وتعليقاته غير مثير للدهشه
لكن ما اثار دهشتي عدم ادراكك للأمر الا الآن
والله انتي طيبه
واللي عرفتيه ده جزء بسيط من الضياع اللي الشباب فيه
ربنا يتولانا برحمته
ودمتي طاهره نقية
بعد كل التعليقات دي
فعلا والله ربنا يتولانا برحمته
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
نصره الحبيب
اعلم تمام العلم ان المدونين تكلموا في موضوع الاساءه الي رسولنا الكريم
ولكن انا سعيده جدا
اتعلمون لماذا
ساحكي لكم شيئا
قامت الدنيا تقريبا يوم السبت(يوم الاساءه للرسول في الصحف الدنماركيه)12/2
احتجاجا لما حدث وكلنا اصابنا الحزن والوجوم
ولكن اساليب تعبيرنا عن حزننا والمنا اختلفت
ماجعلني ابكي فرحا
صديقه لي
بل هي اخت لي في الله
هي اختي والاولي علي دفعتنا ايضا
كان يوم زفافها هو يوم الجمعه بعد سته ايام من نشر الصور المسيئه لرسولنا الكريم
اتصلت بي يوم الخميس لتدعوني لحفل زفافهافوافقت ولكن استرعي انتباهي انها تقول لي
(ابقي تعالي علي مسجد.......... قبل صلاه العصر
سالتها لم
قالت لي لاننا سنصلي العصر سويا ونجلس في المسجد قليلا ثم ساذهب بيتي
مااثار دهشتي ان اختي في الله هذه لم تكن هذه هي احلامها كانت دائما تحدثنا بزواجها الذي سيكون في يختا او سيكون مثل كذا او كذا
فقلت الله المستعان وساتي باذن الله
وحينما ذهبت وصلينا العصر جميعا وجدتها امامي ولن تتخيلو مارايته
رايتها لاترتدي فستانا ابيضا ولكنه عباره عن تايير ابيض بلا زينه ولاتكلف ولكنها كانت رائعه
الملفت اكثر ومااثار دهشتنا اكثر واكثر
هو علي الرغم من انها كانت قبل ذلك تضع الميك اب ومالي ذلك
ولكنها في هذا اليوم في يوم زفافها بلا اي زينه
بلا اي زينه يوم عرسها
حينما سالتها ماهذا
قالت لي
لا اريد ان اقوم بعمل مايغضب الله في بدايه زواجي
اريد ان اكون سعيده واقتنعت بما كنتي تقولين من قبل
دمعت عياني من الفرحه
وقلت لها اذن عددي النوايا في هذا اليوم حتي تؤجري في حياتك
نظرت الي وابتسمت
كثير ماتحدثوا وقالو لما فعلت هذا لم ارادت ان تخرب فرحتها
قلت لهم لا بالله عليكم
لاتقولو هذا
بل بالعكس انها فرحه برضي الله
ومنهم من قال لي انتي منتقبه وهذا يعجبك اكيد
قلت لهم بالطبع يعجبني وحتي لو لم اكن منتقبه يكفي انها تحب ان لا تفعل مايغضب الله منها في هذا اليوم من حياتها
كفي بالله
كفي
والله انها لنصرت ديننا ونصرت رسولنا
هكذا تكون النصره
ان تطبق سنته
ان تمشي علي هديه
ان تراقب الله في جميع تصرفاتك
جعلتني ارددها
لقد نصرتيه
حقا لقد نصرتيه
ياحبيبي يارسول الله هذه ابنتك من امتك ارادت ان تنصرك بطريقتها
يارب اكرمها واجعل بيتها سعيدا
اجعل بيتها بيتا مسلما حقا
ارزقها الزريه الصالحه يارب العالمين

32 comments:

آخر العنقود said...

الله الله الله
موقف العرسة رائع بجد
فعلا نصرته ...ربنا يكرمها يارب
اللهم ارزقنا الثبات على الحق
قولا وعملا ...يااااااااااااااارب
فعلا هيا حققت النصرة فى حاجة ممكن اى بنت تشوفها صعبة اوى وهو يوم عرسها
يعنى ليلة العمر زى مابيقولوا
ةاللى كتير بيفضل يخطط فيها هعما كذا وكذا....فى حاجات ممكن بعدها نندم كتير على عمايلها
مفيش اجمل من الفرحة والسعادة فى رضا وطاعة ربنا

اما بقى للجزء الاول من البوست فأعذرينى لانى ماقريتش الموضوع أصلا
بس اللى اقدر اقوله ان للاسف المخدرات والادمان ده بقى مشكلة كبيرة اوى فى شبابنا
ربنا يعافينا يارب
والله المستعان
تحياتى ليكى
أختك أخر العنقود

Salwa said...

ربنا يسعدها

ويجمع بينهم في خير

اللهم آمين

بوست حلو أوى ما شاء الله
دمتى بكل خير عزيزتي

الطائر الحزين said...

اللهم بارك لها وبارك عليها واجمع بينها وبين زوجها على خير


عارفة حضرتك اننا بنبقى عارفين الصح وبنعمل غيرة لكن لما حد بيكون بيعمل حاجة صح كمان عاوزينة يروح للغلط ده بقى اللى صعب اوى

تحياتى

فاتتنى التدوينة اللى فاتت
أو قرأتها فى الريدر قبل ما تنزليها حضرتك

ملحوقة ان شاء الله

رفقة عمر said...

ماشاء الله فرحتينى جدااا بصديقتك ربنا يبارك لها ويجعل ايامها سعادة ورضا اللهم امين يارب العالمين

مهندس مصري said...

مبروك لصديقتك اولاً
و الحمد لله اننا ضحكناكي و خدنا فيكي ثواب
بس بجد انا ما كنتش بأمسك العصاية من النص
أنا كنت باقول الحقيقة
و ساعات المخبرين اللي بيبيعوا دول بيبقى زعيمهم ضابط
بل في قضايا اتكشفت من سنتين كان ضباط في مكافحة المخدرات في القليوبية شغالين لحساب تاجر مخدرات و زمايلهم من ادارة المكافحة الرئيسية في القاهرة قبضوا عليهم بالإستعانة بالأمن المركزي و بعد تبادل اطلاق نيران مكثف

بس برضه الموضوع مش بالعموم اللي كنتي كاتبة بيه الموضوع اللي فات و مش علني قوي كده
:)

بس بقى عادي في أي حنة في حتة شعبية انك تلاقي كوباية فيها دبوس الحشيش عمالة تلف على المعازيم عادي خالص
و لا خايفين من البوليس و لا حاجة

فرنسا هانم said...

موقف العروسه دى
اكتر من ممتاز
فعلا انا احييها من كل قلبى
واحيى نصرتها للحبيب محمد صلى الله عليه وسلم
اما عن سؤالك عرفتى منين المعلومات دى يا خالتو
شوفى
انا بحب اقراء عن كل حاجه وبدور على الغرائب والمجاهيل
وحاجات كتير
وبحب اسرسب الرجاله معايا فى الشغل واعرف منهم
عن المقاهى والمخدرات وخلافه
غير كده كنت مدمنه اخبار الحوادث
قبل ما ادمن النت

فرنسا هانم said...

ياااااااااااااااه
مشيت قبل ما اسلم عليكى
تحياتى الغاليه لحبيبه قلبى
عاشقه الفردوس

عصفور المدينة said...

بارك الله في العروس
وهكذا تكون النصرة وبعدين إيه الإحراج ده

يعني انت كدة ضغطتي على أعصابي وانا ناوي أحتجب شوية

عابد الرحمن said...

اسمعوا مني وغيروا مليش
اب مسافر ام مفيش
يبقي ازاي الواد يتعلم
مهو بالعقل صحيح متجيش
اسمعوا مني وقول حصل ايه
ليه الطبع اتغير ليه
ننسى عادتنا وننسى حياتنا
وننسي اللي اتربينا عليه
الواد كريم والواد لانجو
ضاعت حياتهم من البانجو
وفي المستشفي اهم قاعدين
بيرقصوا بلدي وتانجو
وتاجو
في كل شارع دفي حتة
البانجو عملوله باكته
هههههههه مش فاكر الباقي بصراحة
مع تحياتي لشعبولا

الربان said...

تحياتي

اولا مبروك لهما...و نسأل الله ان يؤدم بينهما...و يرزقهما الذرية الصالحة.

ثانيا...نصرة الرسول كما تفضلتي تبدأ
منا نحن...نتبع سنته و نقتدي بهديه.

ايضا، ان يبذل كل منا غاية جهده ليكون متميزا في دراسته او في عمله
لان التميز يؤدي الي التقدم و رفعة
الامة الاسلامية...
نريد مئات مثل فاروق الباز...و النشائي...و زويل...و مجدي يعقوب
و ممدوح حمزه...و غيرهم...

نريد ان يكون سلوكنا عنوانا لديننا
لكن للاسف الكثيرون منا يسيؤون الي المسلمين باعمالهم السيئة مثل الرشي
و التزويغ من النوبتشيات و التكاسل
امام معداتهم و الماكينات.

تحياتي و تقديري.

محب الدين said...

ما شاء الله
بارك الله لهما وبراك عليهما وجمع بينهما في خير
فرحت جدا بالموقف ده
والله هي دي السعادة الحقيقية أما السعادة المزعومة في معصية الله مجرد سعادة لحظية بعد كدة هتحس بالندم والحسرة وتنقلب السعادة دي إلى أحزان

جزاكم الله خيرا

ويارب ننصر نبينا احنا كمان

أنا إنسان said...

طب أنا بقى ما لحقتش أقرأ البوست اللي فات
!!!!!!!!!!!!!1
وطبعا ما علقتش
أنا زعلان جدا
لازم حضرتك تعوضيهالي
:)
.................
أما عن الاخت اللي اتجوزت في المسجد
فأنا على فكره
ورغم ان من يراني يعتقد عني غير ذلك
إلا اني قد قررت أن أتزوج العصر برضه
وفي المسجد برضه
بس الغريب أنه ان شاء الله هايبقى في رمضان
؟!!!!!!!!!!!
بس اللي أنا مسغربله
ليه ملبستش فستان أبيض
هوه شبهة ولا حرام
!!!!!!!!!!!!!
وبعدين على فكره
ملحوظه من ولد كان فيما قبل حاجه غير دلوقتي

البنت من غير مكياج ولا ميك أب بجد بتبقى أحلى بكتير

أما عن النصره
فأنا طلبت من حضرتك في بوست الصدق مقال عن الحجاب والامومه
هوه فين؟؟؟؟؟؟؟؟؟؟؟؟؟؟؟؟؟؟؟؟؟؟

أنا مش عايز أبقى تقيل على حضرتك
لو حضرتك عندك الوقت ان حضرتك تكتبيه
كان بها
ولو لم يتوفر الوقت
فخلاص
مش مشكله
حضرتك قوليلي بس
من غير تكليف يعني
:)

أما رأي حضرتك عن أز عصفور المدينه
ففي محله
وانا نفسي ألتقي بيه شخصيا

النجم القادم said...

السلام عليكم
طب دلوقتى انا عاوز اسمى ينزل بقى وربنا هعيط هيهيهيهيهيهيهيهيه
خلاص اولا
بارك الله لها وبارك عليها وجمع بينها وبين زوجها فى خير وعلى خير
الف مبروووك وعقبالك
وعجبنى جدا كلامك عن حفل زفافها
وهذا ماهو واضح الان حيث بنتنا واخوتنا الان لا يفعلون افراحهم الا فى المساجد وهذا جميا جدا انهم يحيوا فرحهم على الاسلام وسنة الرسول عليه الصلاة والسلام
تحياتى لكى وخليكى فاكرة
إوعى تخاف

مستــ ج ــــدة said...

كده برضو ياعاشقة
ده كلام ...تنشرى التعليق ف البوست طب على الاقل الواحد كان مدّارى شويه
وبعدين انا كنت بتكلم على اساس انى شاهدة ع اللى بيجرا ف بلدنا...وده واقع
اما موضوع القهوة الجديدة وانى ههنيكى ده طبعا" هزار وكنت بحاول اخرجك م الموود اللى كنتى فيه ومع انك انتى اللى قيلالى ع الخبر بتاع القهوة ده...بس ماشى
عارفه كنت ناوية اكتب بوست استكمالا" للموضوع ده بس رجعت ف كلامى علشان فعلا" انا هعرض مشكله بس معنديش حلوووول
.
.
وعقبالك زى دودو ربنا يباركلها ويكرمها يارب
سلاااااااااااام

Anonymous said...
This comment has been removed by a blog administrator.
أنا إنسان said...

أولا أنا اسف على اللبس الرهيب اللي حصل بتبديلي عاشقه الاقصى بعاشقه الفردوس
أقصد العكس
المقال اللي أنا طالبه ده من حضرتك انتي
simply sweet
وانا مش عارف ليه باتلخبط بين الاسمين مع ان الاسم التاني ده انا مش عارف اوصل للمدونه بتاعته
!!!!
وانا مرة تانيه اسف
بس المقال والله العظيم انا طالبه من حضرتك انتي

والدليل الورق اللي أنا كاتب فيه المقال قبل ما ابيضه على البلوج

وعموما حضرتك عرفتي دلوقتي انا طالبه من مين
:)

...................
أما عن الفستان
فأعتقد ان حضرتك برده فهمتيني غلط
أنا بس اللي فهمته ان مادام هيه كانت عاوزه تتجوز في يخت
يبقى الفستان مش معضله بالنسبالهم
؟؟؟؟!!!!!!

....................
بن كريشيان ده علماني وملحد
ياريت تحذفي تعليقه
علشان ما حدش يدخل عنده وتخدي الوزر
:)

الفاتح الجعفري said...

اختنا عاشقة الفردوس
ماشاء الله لاقوة الابالله
الحمد لله دي بشري رائعه ان الناس بفضل الله العظيم بدا يتعود لهم مفهوم انه لافرح في معصية الله ,وان الطاعه فيها كل الخير والسعاده
يقول عبد الله بن المبارك
لو ان الملوك يعلمون مانحن فيه لقاتلونا عليه بالسيوف
يقصد السعاده والرضا
ليه الناس كانت تظن ان الاخت المنتقبه والمحجبه والاخ الملتزم واي حد يسير علي طريق الله قد تعس وفقد السعاده ولازمته الكآبه وهكذا
لماذا وصل الينا هذا المفهوم لماذا لايعرفون ان الملتزمين يهنئون بالعيش ويستمتعون ويخرجون ويفعلون جميع انواع اللهو المباح ويقيمون الافراح التي لاتفغضب الله يعيشون كأي انسان طبيعي ولكن فقط زادوا عليه تقوي الله وكفي بها
اللهم اجزي هذه الاخت كل خير ورضي واعفو عنها وثبت بيتها علي طاعتك
وجزاكم الله خير

أنا إنسان said...
This comment has been removed by a blog administrator.
ام الابناء said...

السلام عليكم ورحمة الله

اختى فى الله

جزيتى عنا كل الخير بان كتبتى لنا هذا الموضوع
وحقا موقف العروسه لهو شهادة فخر لكل النساء وبارك الله لها ولزوجها ورزقهما الذريه الصالحة

بوركتى اختاه

الفاتح اليعقوبي said...

السلام عليكم
ازي حضرتك يااستاذة يارب تكوني بخير
مسئلة المخدرات والضحك وكده لنا ناس اصحابنا ربنا يكرمهم كانوا ضريبة زمان والمهم واحد منهم ربنا هداه وبقي شيخ وبيقعد في مقراة والمهم مسك المقراة في يوم وقفة العيد وبدا يكلمنا وبعد ماخلص
قال الاتي
بصوا بقي احنا قلنا الكلمتين الحلوين دول فيمنفعش بعد كده تخرج من هنا اللي يكرتلي سيجارة واللي يروح مش عارف فين واللي يمشيلي مش عارف مع مين لامينفعش الكلام ده النعيم مش هنا النعيم في الاخرة
وقال كلام غريب اعتقد ان حذفه للرقابة افضل
وده واحد ربنا هداه من شاب ضريب الي شاب داعية
وبالنسبة للمخبرين والكلام ده اقسم بالله العظيم اعرف حاجات عن ظباط شرطة مش مخبرين بسبب حكاية المخدرات دي بس مش عازين نروح في داهية

انت حضرتك مابتشوفيش في الافلام لما الظابط بيكبس علي العصابة بيعمل ايه بعد ما ياخد المخدرات وقبل مايحرزها بيخدلوا شمة عشان يتاكد دي مخدرات ولا
اهو شمة في شمة والخير يزيد والشرطة تبقي حديد


اما بالنسبة لصاحبتك
كل منا بداخله الالتزام يصرخ بداخله ولكن الثواب والجزاء لمن سيخرجه من قلوبنا فهو في الاصل فطرة في داخل كل مسلم اللهم ثبتنا علي طريقك
والسلام

امام الجيل said...

نعلق اولا عن حاميها حراميها
فعلا موضوع البانجو ده منتشر جداااااااااااااااااا
ومش بس فى المقاهى لا فى قارعة الطريق كده حتى بقيت دلوقتى اعرف ريحته
:)
ومش انا وبس لا كذا اخ نبقى ماشين الاقى واحد يقولى شامم ريحة البانجو
:)
بقينا معلمين :))

والشباب مع بعضيهم تلاقيهم بيتكلموا عن البانجو عينى عينك كده ولا اكنه بقى شئ مصرح بيه
اللهم رد شباب المسلمين الى دينك مردا جميلا

اما الاخت دى ربنا يكرمها وهكذا يكون نصرة رسولنا صلى الله عليه وسلم واقعا فى حياتنا مش بس غضبات تروح وتيجى وتقل وتخبو

لازم يكون رسولنا محور حياتنا كلها
جزيتى خيرا

أحمد سعيد بسيوني said...

بسم الله
معذرة على التحليق خارج السرب
ولكن
ثورة طنطا في صور - جديد مدونة البحر
مع خالص تحياتي

الطائر الحزين said...

كيف حالك

عبدالرحمن فارس said...

ربنا يديم عللى حضرتك الضحكه

وبارك الله للعروسين

Abd El-fatta7 said...

السلام عليكم

انا فاتني كتير ومتأخر كمان..معذرة

بالنسبة لحاميها حراميها

فاعتقد السبب الرئيسي ان الامن اللي هو المفروض وظيفته انه يمنع النوع ده من التجارة مش فاضي للكلام ده ..فاضي بس لملاحقة الشرفاء وسجنهم والتعذيب وغيره

الاسوأ ان فساد بعض عناصر الامن كمان يخليهم يبيعوا المخدرات من الاحراز وغيرها

ربنا يعافينا ويولي من يصلح


بالنسبة بقي لصاحبتك ..اكرمها الله وثبتها ..

احرجتنا والله وفرحتنا كمان وعلمتنا ان كل واحد يقدر ان ينصر سول الله علي قدر استطاعته

وكمان اننا نقدر نفرح من غير معصية ولا ذنب

جزاكم الله خيرا

دكتور بيطرى said...

إنها حلاوة الإيمان عندما تدخل قلب المؤمن لا يدانيها أى شىء من متع الدنيا الزائلة فهنيئك لأختك العروس وهنيئا لك لأنه (لأن يهدى بك الله رجل واحد خير لك من حمر النعم ) ولا تنسى الدعاء لها بالتثبيت وجزاكى الله خيرا

قطـــــوفها دانيــــــة said...

ما شاء الله لا قوة الا بالله والله والله لقد دمعت عيناى من قراءة هذه القصة فعلا لقد نصرته والنصرة ليست اغانى وشعر وكلمات نقولها فقط وانما افعال فماذا فعلنا نحن لنصرة حبيبنا؟
بجد جزاكى الله الجنة بغير حساب

Monzer said...

موقف صديقتك رائع جدا هو ده الفهم الحقيقى للفرحة

أهم حاجة لما نيجى نفرح نعرف نفرح بايه وليه ولما نزعل نعرف نزعل من ايه وبايه وقد ايه

تحياتى الصادقة

david santos said...

Hello,
Thanks for your posting and have a good week.

قبلة الحياة said...

الف مبروك لصديقتك

وربنا يجمع بينهما في خير ويبارك عليهما

ويجزيك كل خير على نقاءك ونصائحك

ربنا يبارك فيكي يا رب

تقبلي احترامي وحبي

nonoymm said...

الف مبروك وربنا يكملها على خير وعقبالك يا قمر
ويجمعكوا ربنا كدة في الخير

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘