Saturday, January 5, 2008

كـــان فـيـه ورده تـقـول الـحـق



السلام عليكم

اعلم انى مقصره واعلم ايضا ان هذه المدونه كان من المفترض ان تنزل فى المدونه من شهر نوفمبر ولكن قدر الله وماشاء فعل

هذه التدوينه متعلقه وتكمله لتدوينه هما طلعولى منيين دول
http://soghantota.blogspot.com/2007/11/blog-post_10.html

تحدثت فى هذه التدوينه عن دور الايتام وتحديدا دار ايتام البنات (المسماه بدار تربيه البنات )موجوده فى سرس الليان فى محافظه المنوفيه

التدوينه القديمه هذه كتبتها وانا كلى دموع والله يشهد على كلامى
لو تعلمون
لو تشعرون بما اشعر به

لا لست انا
بل كل من يذهبون لدور الايتام
اعلم ان كثيرين يقولون: اتقولين نذهب متى نذهب ولم نذهب
ايحتاجون نقودا .... سنرسل لهم نقودا

لا يااخوتى ويااخواتى فى الله لايحتاجون منكم نقودا
لايريدون منكم شيئا بل على العكس
هم سيعطونكم
اقسم بالله سيعطونكم
سيعطوكم آدميتكم
سينظفون قلوبكم من الانانيه والنفاق والكذب والخداع

ساكتب لكم ماقالته لى ايمان واميره ومايفعلونه هناك
قبل ان اقول لكم مايتعلمونه وماهى اخلاقهم
اتعلمون ماهى اعمارهم
ايمان واميره اربع سنوات تقريبا

فى يوم وجدتهم يقولون لى ماما عاشقه (طبعا قالو اسمى مش عاشقه الفردوس)سمعيلنا النشيد علشان الابله هتزعق لو مش حافظينه
حاضر سمعوا يلا
عايزين تعرفو اناشيدهم
هقولكم عليها

كان فيه ورده تقول الحق ........ياأطفال الكذب لا
ياأطفال الكذب حرام.......والكذاب بيروح النار
ويخاصمه كل الشطار


::::::::::::::::::::::::::::::::::::::::::::::::::::::::::::::

يلا ياميه تعالى عندنا ...... نتوضى بيكى ونصلى لربنا
ابعد ابعد ياشيطان .......قلبى عامر بالايمان
اول ماأسمع الاذان .... هجرى واصلى للرحمن


طبعا دمعت عيناى والله احسست كلامهم
ولكن ماكان يوجد بقلبى هو شئ واحد
انهم لا يقولون مايحفظونه فقط ولكنهم يقولون مايحسون مايشعرون به
صدقونى

كنت اجلس معهم ووجدت بنوته اسمها صابرين
سالتنى ماما ....... الساعه كام
ليه ياصابرين بتسالى ليه
علشان الاذان , العصر فاضل عليه كده 10 دقايق
نظرت باستغراب
فى لحظه وجدت البنات كلها بكل الاعمار تذهب على الحمامات للوضوء
ااااااااااااااااااااااه ياقلبى
واااااااااااه ياعيناى اذرفى من الدمع على مافاتك
جاءك من يعلمك ويعرفك تقصيرك
ونحن نفرح ونهلل عندما نصلى الفرض قبل الفرض الذى يليه بنصف ساعه و حتى ساعه قبل ميعادها


يااصحاب القلوب المتحجره
اذا اردتم النجاه لانفسكم
فاذهبوا لمن يعلمكم

الايتام انهم لايريدون منكم شيئا ولكنكم انتم الذى تريدون
تريدون الثواب
تريدون اليقظه لقلوبكم
اذهبوا وستروا بانفسكم
اذهبوا اقراو لهم
علموهم مكارم الاخلاق
حفظوهم القارن
شاركوهم بما يحسون

ولكن قبل كل هذا ساقول لكم ماقلته فى التدوينه القديمه

يابناااااااااااااات ياللى خلصتوا جامعه وبتشتكوا من الفراغ وبتقولو نعمل ايه روحوا دار ايتام لو عندكم دار مسنيين روحوا حسسوهم بحبكم وباحتياجكم ليهم قبل احتياجهم ليكوا ملحوظه :قبل كل ده لازم تكونوا باريين باهلكم كلهم حتى البعاد اسالوا عليهم شوفوا عمه اوخال ليكم بعيد واتصلو بيه او اسالى اباكى او امك عن قريبه لكى او قريب لك وزوره حتى ولو مره كل شهر خير الاعمال ادومها وان قلت
قال رسول الله صلى الله عليه وسلم (انا وكافل اليتيم كهاتين فى الجنه , وأشار بإصبعيه السبابه والوسطى)صدق رسول الله صلى الله عليه وسلم

45 comments:

عصفور المدينة said...

زيارة المرضى والأيتام وأصحاب الحاجات تحيي القلوب

جزاك الله خيرا

تــــ(حـنة)ــــر said...

اخبارك ايه وحشانى ..فينك ..هونت عليكي كده
***************
على فكره انا كنت حضرت يوم اليتيم عندنا مره وشاركت فيه وهو بجد كان يوم لطيف وتحسي بجد انك بتعملي حاجه بجد مفيده
وانتى على فكره حساسه قوى على فكره
ودا شئ طيب ربنا يكرمك
وكل سنه وانتى كيبه وعام هجرى سعيد واسعد بينا حولين بعض
تحياتى
سلام

سها السباعي said...

ربنا يجزيكي كل خير
نا عملت الزيارة دي مرتين اتنين بس
اول ما خلصت جامعه
يااااااااااه
من كتير قوي
وبعدين الدنيا خدتني

يارب
...........

ربنا يكرمك

NIDAAL .R said...

انتى رائعة يا اختى و الله
دايماً كدة مواضيعك بتمس القلب بخيط من الندم و الحسرة على التقصير
فعلاً الواحد مقصر فى حق الجميع سواء الاهل او الايتام او..او....او
ربنا يقدرنا و نحاول اننا نعمل اى شىء من الى احنا مقصريين فيه
و الله و من قلبى عن جد
بارك الله فيكى و اعانك و اثابك
و ثبتك على طاعته و اسكنك الفردوس الاعلى .. اللهم آآآآآمين ...آآآآمين

مشروع انسان said...

جميييييييل
هو ده فعلا الكلام
ان الواحد يتحرك ويعمل بايده
سبحان الله الاطفال دول محتاجيلنا اوى
واحنا كمان محتاجين ليهم
بل احنا محتاجين ليهم اكتر
نتعلم منهم الطهر
والنقاء
والبراءة
والاخلاص
وحب ربنا بصفاء
ربنا يتل نكم يا فندم
ويجزيكم من الخير الكثير

صاحب المضيفة said...

جزاكم الله خيرا على المشاركة الطيبة

واللفتات الكريمة

بوركت الأنامل

منوفيـــايــة said...

الله يكرمك ياعاشقة الفردوس انك بتفكرينا بالحاجات الجميلة والمؤلمه فى نفس الوقت ....انا معاكى ان شاء الله ابقى انتى بس كلمبنى علشان بجد حسيت بتقصير.....الله يكرمك

حياة الأحلام said...

السلام عليكم

ازيك يا قمر بجد وحشتينى جداجدا وآسفه جدا على تأخيرى فى الزياره لظروف تعبتى بس الحمد لله عودنا

كل سنه وانتى بألف خير وسنه جديده سعيده عليه

سنه جديده كلها خير
بجد كلامك حلو اوى والحمد لله أنا حسيت فعلا اللى انت بتقوليه لما بزور الأطفال الأيتام انا وصحابى فى الأسره وفعلا بتعلم منهم كتير

وزى ما انتى قولتلى هما مش محتاجين فلوس ولا هدايا قد ما هما محتاجين اهتمام وحضن ليهم

وكمان بجد أحنا محتاجين ليهم أكتر منهم محتاجين حاجه تسعدنا محتاجين حاجه تنقى قلوبنا محتاجين حاجه تحسسنا قد ايه احنا صغيرين ومقصرين

ربنا يكرمك على البوست ده وأكيد هيأثر فى ناس كتير

بس ياريتك دايما ما تقوليش أطفال أيتام أو سرطان او معاقين

دايما أنا وصحابى فى الأسره الخيريه بنقول عليهم أطفال الجنه لانهم بجد كده

ربنا يكرمنا جميعا وسنه جميله عليكى يا جميله

تحياتى

lonely said...

حضرت احدى الحفلات للايتام
وهم فعلا يستحقون منا الكثير
والحمد لله ان لهم بيوت او دور تاويهم وتعلمهم الايمان وتزرع فى قلوبهم معانى ديننا الجميله
ولكن ماذا عن اطفال الشوارع الذين تركوا فى الخلاء
بلا ماوى ولا مساعد
هم يستحقون الكثير
وحالتهم يرثى لها بحق وتفطر القلب
يا ريت كل مجموعه فى محافظه او مدينه يجمعوا اللى يقدروا عليه من تبرعات او ملابس قديمه او ما شبه ويوصلوها للاطفال اللى نايمين فى الشوارع الارض سريرهم والسماء غطائهم

الطائر الحزين said...

اللهم اجعلنا ممن ترق قلوبهم ونعوذ بك من قسوة القلب


جزاك الله خيرا

تقبلى خالص التحية والتقدير

رفقة عمر said...

اولا احبك الذى احببتنى فيه لقد قرات تعليقك عند ام الابناء جزاك الله خيرا على فكرة انا اغلقت مرة التعليقات عندى لاسباب خوفى من موضوع الاختلاط وزعل منى كتير من المدونين ي وايضا خوفا من دخول العجب الى نفسى ولكن عندما تخلصين النيه لله وتقراين فى السيره والصحابيات هاتعرفى ان هناك قولا معروفا كم ذكر القراءن من غير خضوعا بالقول يعنى مثلا موضوعك دة اكثر من رائع ابكيتنى وانا اقراه عارفه ليه لانى حاسيت بيكى قوى لانى ايضا احب اعمال الخير والتقرب من هؤلاء المحرومين لاشعر فضل الله عليا ومنته وانا هناك من هم اقل منى ولكنهم اكثر حمدا منى
انا فعلا بقالى فترة مقصره فى حقهم لظروف مررت بها ولكن التدوينه دى ذكرتنى وحمستنى لهم تانى
جزاك الله خيرا انظرى التدوين قد ايه بيخلينا نذكر بعض ونعالى من همه بعض الصحبه الصالحه خير معين للمسلم حتى لو مجرد علقاتنا من خلال تبادل افكارنا وبس وبشخصيتنا الافتراضيه
بوركتى اختى وجزاك الله كل خيرا

فرنسا هانم said...

فعلا انا بحييكى على كلامك الجميل ومبادرتك الحسنه
لان اليتيم يحتج الى حضن
وحنان
وبسمه
لايحتاج فقط الى ملابس ولعب
الحنيه والحنان
افضل لهم فى تلك المرحله من التبرعات والاموال

Lobna Ahmed Nour said...

دعوة اكثر من رائعة ..بارك الله فيك

من حق كل انسان يكون له اسرة

تحوطه وتهتم بيه حتى لو

اختلف شكلها او عدد افرادها

لازم نقول لكل يتيم مازال عندك اسرة

محتاجة تشوف ابتسامتك

صانعة الحرية said...

جزاك الله خيرا
ربنا يعزك ويبارك فيك يا رب
وجعله الله فى ميزان حسناتك
واشهد الله انى احبك فى الله
متابعه تعليقاتك عند المدونين من فتره

جمانة said...

جزيت خيرا اختنا الفاضلة
ما فائدة المال والتبرع ان كان القلب ميتا قاسيا وكما قال اخي عصفور المدينة فحياة القلوب في تعاملها وتعاطيها مع ذوي الاحتياجات من ايتام وفقراء ومرضى .
وإن الانسان يحتاج للمسة حنونة وكلمة طيبة وابتسامة جميلة ووجه بشوش وقلب يتألم لألمه أكثر من حاجته لطعام وشراب ومصروف زائد وكما قال الحبيب صلى الله عليه وسلم :"ما كان الرفق في شيء الا زانه وما نزع من شيء الا شانه "

دمت اختنا رقيقة حية القلب

محمد الجرايحى said...

أختى الفاضلة:عاشقة الفردوس
السلام عليكم ورحمة الله وبركاته
أحييك على هذا الطرح الطيب والذى يمس القلوب ويحرك بداخلنا المشاعر الدفينة
بالفعل أختى : نحن فى حاجة لزيارتهم أكثر من حاجتهم هم لنا

وأنا أحييك اقتراحك لمن يعانى من البطالة والفراغ أن يشغل نفسه بعمل طيب مثل هذا فيه تهذيب للنفس والأجر العظيم عند الله

بارك الله فيك وأعزك
أخوك
محمد

Anonymous said...

السلام عليكم ورحمة الله وبركاتة
جزاكى الله خيرا يا اختى الحبيبة وجعل الله دموعكى هذه التى زفرتها فى الدنيا ان تطفىء لك نار الاخرة وان تكون فى ميزان حسناتك ورزقكى الله الاخلاص واياى
حبيبتى اعلم ان ما قلتينة كان خارج من اعماق قلبك وذلك لانة قد دخل قلبى مباشرتا دون سابق انظار
وجزاكى الله عنا خيرا واثابنا واياكى
ملحوظة على الرغم من عينى لم تراكى ولا مرة الا ان قلبى بصدق يحبك فى الله حبا جما جمعنى الله واياكى فى ظلة يوم لاظل الا ظلة
من اختك
توتا المسلمة

Anonymous said...

السلام عليكم ورحمه الله وبركاته
دائما نقول ان زياره المرضى والمساكين تذكرنا بنعم الله علينا
وتذهب الغلظه من قلوبنا
وتذكرنا بالاخره
جزاك الله خيرا على اعانتك لنا على الطاعه جعل الله هذا العمل فى ميزان حسناتك
امييييييييييييين
من
عاشقه الكلام

asmaa said...

السلام عليكم ورحمه الله
حبيبتى عاشقه
كل مره بزور مدونتك واقعد اقرى موضوعاتها ومش بيسعدنى الحظ انى ارد بسبب ضيق الوقت
المره دى بالذات مكنش ينفع مكتبش الرد
فعلا الايتام دول احنا الى محتاجينهم
حقيقى انا عشت معاهم يوم
احنا الى فى احتياج لهم
عشان قلوبنا الى تحجرت تلين
عشان نفهم يعنى ايه براءه
يعنى ايه قلوب بيضه لسه الزمن مكتبش فيها حاجه
حقيقى مش عارفه اكمل كتابه
ربنا يجعله فى ميزان حسناتك باذن الله
احبك فى الله يا اختى الصغيره

Anonymous said...

كان فيه ورده تقول الحق ........ياأطفال الكذب لا
ياأطفال الكذب حرام.......والكذاب بيروح النار
ويخاصمه كل الشطار


زمان كانو بيعلمونا فى المدارس و فى البيت أن الصدق هو الصح و الكذب هو الخطأ

ومع أول امتحان تغرق
تستعين بأى شخص كبير للمساعده
يقولك فى هذا الزمان الكذب هو الصح و الصدق خطأ

أن لا أدعو للكذب عياذا بالله
و لكن لماذا
لماذا كل ذلك

استغفر الله العظيم

šσяšαяαα said...

السلاااااام عليكممم

عزيزتى الغالية جدا جدا

التدوينة دى حسستنى انى معنديش دم لانو بقالى حوالى كدا عشر سنين ووالا اكتر مادخلتش دار ايتام

على مااعتقد يعنى كان اخر مرة تقريبا وانا فى الاعدادى ورحنالهم فى العيد
وكان يوم اكتر من رائع

بس بعد كدا جت الثانوية وبعدها الكلية وياقلبى لاتحزن على عمرك اللى فات وراح هدر

الحاجة الوحيدة اللى ممكن يعنى تكون قريبة مالموضوع هو صلة الارحام وزيارتى لاقاربى فى المناسبات لانه بصراحة خروجى قليل

المهم ياجميلة ابقى خططى ليوم نروح فيه دار ايتام بس يكون قريب احسن سرس دى بعيدة عليا وانا كتكوتة مش اد المشاوير

كفاية الكلية واللى بتعمله فيا:))

وسلام بقى انا رغيت اوى

نقطة مية said...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

Anonymous said...

السلام عليكم
ازي حضرتك يااستاذة
اعانك الله وجزاك الله خيرا
النشيد اللي بيقولوه ده جميل جدا
اسال الله لنا ولكي الاخلاص في القول والعمل
علي فكرة عند زيارة الايتام نعرف قيمة الاهل والاصحاب والاسقف التي ننام تحتها وسط اهلنا
والسلام

ابو صهيب ( الجمعاوي الاصيل)سابقاً said...

السلام عليكم ورحمة الله وبركاته

اعتذار

اقدم خالص الاعتذار ياستاذه عن التقصير في عدم زيارة المدونة الفترة الماضية وذلك لظروف انشغالي بالامتحانات ربنا يخلصنا منها على خير وما يعدها تاني

اما عن الايتام فحينما اراهم احمد الله ان لي اب وام واخوة واخوات واصدقاء

موضوعي الاخير ايام من امتحاناتي

بنت الصالحين said...

اخونا عصفور
نعم جزاك الله خيرا
انم الايتام لجزء من لمسؤليه التى على عتقنا وهى واحده من الحاجات التى تحيي القلوب




::::::::::::::::::::::::::::::::::



تمرايتى حبيبتى
انا اقدر برضه انتى عارفه انى بحبك والله
ربنا يباركلك يارب
ويلا شدى حيلك وروحى كمان كده ماتنقطعيش عنهم

بنت الصالحين said...

سها
ربنا يبراكلك يارب
لا ماتنقطعيش عنهم بقى ياحبيبتى
ربنا يكرمك ويصلح حالك ياقمر





::::::::::::::::::::::::::::::::::::
اخى محمد-نضال فلسطين

ربنا يباركلك يارب
جزيت الجنه على دعواتك دى
والله يااخى لست كما تقول هذا كثير على

بنت الصالحين said...

اخى امام الجيل
ربنا يبارك فى حضرتك وربنا يباركلك على دعواتك الطيبه


::::::::::::::::::::::::::::::::::

صاحب المضيفه
اهلا بحضرتك وجزيت الجنه وبوركت
ربنا يبارك فى حضرتك

بنت الصالحين said...

ااختى حنان المستجده

حبيبتى ياحنان باذن الله انتى عارفه نحدد ونروح
ربنا يباركلك انتى ويجزيكى كل خير


::::::::::::::::::::::::::::::
حياه الاحلام
انتى كمان وحشتينى جدا
وبعدين تعتذرى عن انك ماجيتيليش
انتى صاحبه مدونه
على وزن صاحبه الدار كده
:)

ربنا يباركلك يارب
وشفاكى الله وعافاكى يارب
يبقى انا اللى مقصرة بقى
ماشى ياستى مش هقول كده تانى
وهقول عليهم اطفال الجنه

بنت الصالحين said...

استاذ لونلى

ربنا يبارك فى حضرتك
والله فعلا احسستنى بتقصيرى
ربنا يبارك فى حضرتك


::::::::::::::::::::::::::::

اخونا الطائر الحزين
ربنا يبارك فى حضرتك وجزيت الجنه
نعم جميعنا يحتاج لهذا

بنت الصالحين said...

يارفقه عمر
حبيبتى احبك الذى احببتنى فيه
ربنا يباركلك يارب
بس انتى برضه ليه مش واصلك المعنى اللى ام الابناء تقصده

ام الابناء قصدت زى اللى قوولتيه بالظبط
ان احنا مانخضعش بالقول

ولو قريتى التدوينه تانى هتعرفى كده
وهى ماقالتش غير ان فيه تعليقات
بيبقول واخدين على بعض قوى وده بيسبب مشاكل عند بعض الناس
هى اتكلمت على ان احنا مانخضعش بالقول
ياريت تفهمى قصدها
احبكى فى الله يابنوته

محمد said...

زيارتهم تحيي

سبحان الله

كأنهم هم المأمورون أن يجعلونا نمسح على رؤوسهم .. أو يمسحوا على رؤوسنا

جزاك الله خيرا

بنت الصالحين said...

خالتشى فرنسا

ياحبيبتىياخالتى ربنا يبارك لحضرتك يارب
صح ياخالتى بجد
ربنا يستخدمنا ولا يستبدلنا



::::::::::::::::::::::::::

unique

جزاك الله خيرا واللهعندك حق
احنا برضه نعتبر اسرتهم وهما فعلا محتاجيننا واحنا محتاجينلهم اكتر

بنت الصالحين said...

صانـــعه الحريه

ربنا يباركلك يارب
وحبك الذى احببتنى فيه ويشهد الله انى احبك انا ايضا فى الله
ربنا يباركلك يارب


::::::::::::::::::::::::::::::::::::::

اختى جمانه
ربنا يباركلك يارب يااختى
وربنا يصلح احوالنا جميعا
بوركتى وتبواتى من الجنه منزله

بنت الصالحين said...

Mustafa Şenalp استاذ

جزاك الله خيرا



:::::::::::::::::::::::::::::::

استاذ محمد الجرايحى ربنا يبارك فى حضرتك
نعم يااخى العديد من الفتيات تشتكى مر الشكوى على الوقت الفاضى عندها
ووالله هم محاسبون عليه

ام لهم او عليهم

بارك الله فى حضرتك

بنت الصالحين said...

توتا المسلمه

والله العظيم اسلتى دموعى
ربنا يباركلك وجمعنى الله بكى فى ظل عرشه اخوه متحابين فى الله

احبكى الذى احببتنى فيه ورزقكى الفردوس الاعلى اللهم امين

بنت الصالحين said...

اختى عاشقه الكلام
حبيبتى فى الله
ربنا يباركلك يارب ويجعلك من المخلصين الصالحين المصلحين اللهم امين

بنت الصالحين said...

اسماء حبيبه قلبى
ولا يهمك يااسماء
لو مكتبتيش تعليق والله العظيم مش بزعل من الحكايه دى خالص


بجد يااسماء بحبك فى الله


::::::::::::::::::::::::::::::::::

اخى عبد من عباد الله
معاك يااخى
الموازين اتشقلبت


ربنا يرحمنا برحمته
بس مش كل الناس كده
ربنا يرحمنا ويعفو عنا
اللهم امين

بنت الصالحين said...

ساره حبيبتى
اهلا بالقمر
ولا يهمك ياساره
هوديكى قريبا جدا باذن الله
بس انتى مش عايزة سرس
خلاص يبقى باذن الله شبين
نبقى نتفق بس ونروح سوا

ولا رغيتى ولا حاجه
براحتك المدونه مدونتك برضه



:::::::::::::::::::::::::::::::::

نقطه ميه

جزاك الله خيرا
ربنا يبارك يارب

بنت الصالحين said...

اخى اليعقوبى
فعلا والله
ربنا يبارك لنا فى اهلنا ويطيل عمرهم فى الخير اللهم امين
جزيت وبوركت اللهم امين


::::::::::::::::::::::::::::::


استاذ الجعاوى الاصيل
ولا يهم حضرتك يااستاذنا المهم الامتحانات
ربنا يوفقك يارب

بنت الصالحين said...

اخى وضاح
ربنا يباركلك يارب
ويجعلك من البارين المخلصين اللهم امين

الربان said...

تحياتي

أشكرك كل الشكر علي الموضوع...الموضوع الذي ذكرتيه حضرتك يتفرع عنه مواضيع أخري فرعية و لكنها كلها مهمه.

نحن جميعا...او لاكون أكثر دقه جلنا...يحيا لنفسه فقط...لا ينظر الي هموم الاخرين ...
دور الايتام...كما ذكرتي حضرتك قد تكون بحاجه الي المال....لكن الايتام بداخله يحتاجون الي الحنان و الرعاية
لمن يشعرهم بأنه يأتي من أجلهم و ليس للتدريس لهم...
يريدوا ان يشعروا بلمسه حانية و قلب رؤوم يحتويهم..
كذلك أختي الفاضلة الاطفال المرضي بالمستشفيات...شفانا الله و عافانا جميعا
خاصة الاطفال المغتربين و أقصد الذين حضروا من النجوع بعيدا عن مكان المستشفي...
في أحدي المرات...زرت مستشفي ابو الريش الجلمعي للاطفال...و كانت هناك سيدة فاضلة...تمر علي الاطفال تداعبهم
و تواسيهم و اعطت كل طفل 20 جنيها..قائلة..ان شاء الله تخرج بالسلامة
و تشتري لعبة تلعب بها...
الاطفال من كل مكان...و غالبا يكون هو و أمه ...و الـ 20 جنيها يمكن تمثل لهم شيء...لكن بالتأكيد المواساة و الوقوف بجوار الناس في الشدة ابتغاء مرضاة الله هو كل شيء ...

الفراغ الذي يعيشه الشباب...و الله لو فعلوا بعض مما يفعله اهل الخير من زيارة دور الايتام و المستشفيات...لوجدوا سعادة في قلوبهم
و طمئنينة في صدورهم و حمدوا ربهم علي ما هم فيه من صحة و من سكن و أهل.

تحياتي و معذرة علي الإطالة و الموضوع يتحق الكثير الكثير...

مع خالص شكري و تقديري

بنت الصالحين said...

اخى الربان
ربنا يبارك فى حضرتك
لحقت اخر تعليق فى البوست ده قبل البوست الجديد الى ان شاء الله هحطه النهارده

اخى الربان لم تطل بالعكس كلامك صحيح فعلا ربنا يبارك فى حضرتك يارب
فعلا مش دور الايتام بس المفروض نروح كل الاماكن الخيريه
ربنا يبراك فى حضرتك وعام هجرى جديد سعيد باذن الله

أُكتب بالرصاص said...

جزاك الله كل خير

باشعر براحة نفسية لما ادخل المدونة




عندك

بنت الصالحين said...

اكتب بالرصاص
بارك الله فيك ....اللهم ان هؤء عبادك يحسنون الن بي وانك لتعلم اني افقر اهل ارض اليك
واذنب اهل ارض يارحمن

ربنا يباركلك ويبارك ايامك

Anonymous said...
This comment has been removed by a blog administrator.