Wednesday, November 28, 2007

ايه الخبر ده ... كلام هادئ جداااااااا


السلام عليكم ورحمه الله وبركاته


اخى /اختى فى الله

هكلمكم عن خبر وعن رايي واتمنى انى اشوف ردودكم على الموضوع ده

او حد يعلق على كلامى جايز اكون غلط او جايز اكون صح

المهم

الخبر هو توحيد الاذان


ايوة الخبر ده قديم

بس المفروض ان فيه شيوخ كتيير من الازهر رفضته

اللى عرفته بقى ان المشروع ده هيتنفذ فعلا


خلاص الخبر خلص وانتهى

اللى جاى ده بقى كلامى واستفسارى


معلش يعنى هو مضايقهم فى ايه ان يكون الاذان مش موحد



طيب بلاش عايزين ليه يحرموا المؤذنيين من ثواب عظيم كما قال النبى صلى الله عليه وسلم


وفي صحيح مسلم وغيره أن رسول الله صلى الله عليه وسلم قال: المؤذنون أطول الناس أعناقاً يوم القيامة.
قال الإمام النووي في شرحه لصحيح مسلم: فقيل معناه أكثر الناس تشوفاً إلى رحمة الله تعالى لأن المتشوف يُطيل عنقه إلى ما يتطلع إليه فمعناه كثرة ما يرونه من الثواب.



طيب برده بلاش

فى اوقات كتير الرجل بينزل من بيته يروح المسجد يلاقى تكبيره الاحرام فاتته وهو حريص على تكبيره الاحرام جدا فبيلاقى مسجد تانى بيبدا الاقامه لسه بيروح بسرعه وبيلحق تكبيره الاحرام


طيب ليه يضيقوا على الناس


طيب حاجه تانيه

هما مش كان فيه كتيير من كبار علماء الازهر استنكرته ورفضته

طيب ليه عملوه


مش فاهمه حاجه

مش عارفه اذا كان كلامى صح او غلط ولكنها استفسارات

18 comments:

no chance said...

السلم عليكم شوفى يا ست الكل الحكومة وامن الدولة مما اللى بيتحكمو ف الكلام دة صح؟
مش هنفضل نقول اوقاف ودار افتاء ونضحك على نفسنا ومدام الحكومة وامن الدولة قررو حاجة تبقى غلط من غير تفكير بجد والله لازم نعرف كدة انا مستغرب اوى امما احنا اللى المفروض متعلمين وفاهمين لسسه مفكرين ان الحكومة ممكن تعمل حاجة صح اممال الجهلة يعملو اى؟الحكومة تصرفاته كلها غلط وماشية على الخيط دة لو اتصرفت صح المنظومة تبوظ والله بجد زى مبقولك بالظبط فى مسار معين هو انها تعمل كل حاجة غلط وحرام لو عملت اى حاجة صح تبقى خرجت عن المسار

بنت الصالحين said...

اخى نوتشانس

جزاك الله خيرا ع الرد

طيب ماشى كده كويس جدا
بس فيه حاجه
حضرتك قولت ان ده من امن الدوله او انه قرار حكومى

طيب بغض النظر انى مش فاهمه برده مصلحه الحكومه ايه

لكن ارجع واقول فين الشيوخ الاجلاء

فين الشيوخ المحترمين

فين اللى يقول للباطل لالالالالالالالالالا


استغفر الله العظيم
وحسبنا الله ونعم الوكيل

جزاك الله خيرا اخى على المرور

البنت الشلبية said...

سلام عليكم
اختى العزيزة
انتى لسه مش واخدة بالك انك فى مصر؟!!!!!!!
كلمة لا يعنى اه والعكس صحيح
لازم يضيقو على الناس عشان الى يلحق بقى ..يعنى هما عايزين حد يصلى وينتبه لدينه
ده الحشاش عندهم احسن من الى بيصلى

كفاية دعوة المؤذنين عليهم
ربنا قادر

المهـ إلي الله ـاجر said...

ومزيد من التعطيل المتعمد لشعائر الله


والله يري ويعرف ما في الصدور مهما قدمت التبريرات وما سيقت الدلالات . فقد نصدقها نحن . ولكن الله لا يخفي عليه شيء في السموات والأرض


جزاك الله خيرا اختنا الفاضلة علي غيرتك الطيبة علي شعائر دينك ومن يعظم شعائر الله فإنها من تقوي القلوب

Anonymous said...

كلامك مظبوط جدا يا حبيبتى

وانا أول ما سمعت خبر توحيد الأذان صدرى ضاق جدا جدا


لأنى أعرف ثواب المؤذن وحزنت على حرمان المؤذنين لهذا الثواب العظيم


كمان حسيت أن العبادة هتبقى عبارة عن آلة الكترونية خالية من الخشوع والتدبر وأعمال القلوب

هنقول ايه غير

يُرِيدُونَ لِيُطْفِؤُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

حبة حاجات (ايمان) said...

انا متهيالى دى وسيله من الوسائل الكتير الى تشغل بالنا عن البلاوى اللى عندنا

وشويه يققولو هنفذ المشورع دا وشويه تانيه لا اصل فى اعطال
واحنا قاعدين جمب الحيط مستنيين

مش جديد علينا

تحياتى ليكي

NIDAAL .R said...

السلام عليكم جميعاً
السلام عليكى /اختى
طبعاً انا موافق على كل الكلام الى الزملاء المدونون قالوه
و دور الحكومة هنا هى انها بتاخد
اوااااااااامر من مريكا مباشرة
و بتنفذها بالحرف دون النظر الى مدى جوازها من المنظور الاسلامى
و امريكا بتلعب هى و اسرائيل على مخطط واااسع جداً
هو تدمير الشباب المصرى و بيخترعوا فى اساليب و طرق مستحيل اى حد يتوقعها
ممكن اكون خرجت من الموضوع مع انى اعتقد اننى فى لب الموضوع
امريكا هى اساس اى قرار او امر بتاخد فى مصر
و الى يقول غير كدة ...!!!!!
و الشيوخ لم يتبقى الا الليل منهم و للاسف لا يتم السماح لهم بالظهور فى القنوات المحلية .. لانهم شيوخ
عمرو خالد مثلاً اتنفى برة مصر خالص
باوامر امريكية.. لما حسوا انه سبب في هداية شباب كثير
دمتم جميعاً و دمتى اختى بالف خير
و كنت عايز اسأل فى حد عنده استعداد يشارك فى القافلة المتوجهة الى رفح
يوم الجمعة 30 / 11 / 2007
جزاكم الله خيراً جميعاً

عصفور المدينة said...

سبحان الله أي نعم فيه مثل بيقول العيار اللي ما يصيبش يدوش بس تعلمنا أن مثل هذه المكايد تزيد الإسلام قوة وتفضح أعداءه ليميز الله الخبيث من الطيب

NIDAAL .R said...

السلام عليكم / اختى
اتمنى ان تكونى بخير حال
ايه الغيبة دى
مش متعودين على كدة
بارك الله فيكى

بنت الصالحين said...

البنت الشلبيه

اه يااختى بجد
وضع محزن بحق

للاسف بيمسكوا اللى فى المسجد وبيمنوع المصلين
ويتركوا الشباب فى السيابر والمناطق المشبوهه

رحمتك يارب

بنت الصالحين said...

اخى المهاجر
جزاك الله خيرا

الله المنتقم الجبار والقادر على كل شئ

بنت الصالحين said...

امه الله وايمان (حبه حاجات)بوركتم اخوتاه

معكى فى كلامك ياامه ولكن ين الشيوخ الاخلاء
رحمنا الله

اختى ايمان

ممكن فعلا اهو كل حاجه معطلانه

والناس ساكته
والحمد لله على كل حال

بنت الصالحين said...

اخى جوبا (صاحب مدونه نضال)جزاك الله خيرا اخى
بوركت
ولم تخرج عن الموضوع
زى مابيقولو كده كله منفد على بعضه

امتى بقى يتصلح حال امتنا

اللهم انا نشكوا اليك ضعف قوتنا وقله حيلتنا وهواننا على الناس

بنت الصالحين said...

اخى عصفور المدينه

فعلا اخى
اللى بيعملوه ده
بيثبتوا بيه الملتزمين ويفوقوا بيه النايمين

سبحان الله

ويمكرون ويمكر الله والله خير الماكرين

Anonymous said...

جزاك الله خيرا اختي فغلا راي صايب
ليه يحرمو المؤذنين من الثواب
حسبنا الله ونعم الوكيل
مش عارفه نقول فيهم ايه كل الي نقدر نقوله ربنا يهدي الجميع ويفكر في حاجه تفدهم وتنفعهم امام الله عز وجل
بجد انا مش عارفه ايه الفايده يعني من الموضوع ده

راجيه عفو ربها

خالد said...

السلام عليكم ورحمة الله وبركاته
أرجو قبول هذا التعليق
اتمنى يوحدوا الآذان في الزوايا الصغيرة اللي بيأذن فيها أصوات ليست حسنة بالمرة وبطريقة أداء خارجة عن ابسط القواعد المفروضة في المؤذن لما باسمع واحد منهم باقول ليهم حق يوحدوا الآذان لكن جوايا حاجة بتقول ان الكلام دا حق أرادوا به باطل

ثم احنا مش عارفين ايه اللي بيدور حوالينا بالظبط تفتكري يعني اللي بيحكمونا حيتقوا الله فينا

ليه بقه ان شاء الله هي الدنيا حصل فيها ايه عشان يوحدوا الآدان لمصلحة ودان الشعب الغلبان


خالد فتحي عبد الفتاح

بنت الصالحين said...

راجيه غفو ربها
جزاكى الله خيرا
نفع الله بك اللهم امين

بنت الصالحين said...

استاذ خالد

طبعا نتقبل الراى وشرف لنا ايضا والمدونه مدونه حضرتك برده
انا مع حضرتك ان فيه زوايا او مساجد صغيره وفيها مؤذنين بجد اصواتهم غريبه جدا ده غير المخارج الخطا وهكذا

لكن المساجد الكبرى ليه يعملو كده
طيب لمصلحه مين

بلاش
طيب الزوايا او المساجد الصغيره او حتى الكبيره اللى فيها اصوات سيئه او اى شئ خارج طيب مايحلو المشكله دى ويجيبوا مؤذنين تانيين

الحمد لله على كل حال
الله اعلم بعباده
وحسبنا الله وونعم الوكيل
جزاك الله خيرا استاذ خالد ونفع الله تعالى بك
اللهم امين