Tuesday, December 30, 2008

مين هيساعدنا ويكون معانا؟؟؟؟؟؟؟؟

السلام عليكم ورحمة الله وبركاتة
التدوينة اللي فاتت اتكلمت فيها علي اننا نقدر نساعد غزة واهل غزة
بالعكس
احنا ممكن نرد الضربه لاسرائيل وامريكا بنفس قوه الضربه اللي ضربوها لنا
طيب ازاي
هنشتغل
زي مالزمن ده انتشرت فيه الفضائيات والانترنت وكل حاجه بتوصل لاخر الدنيا
احنا هنستغل الجزئيه دي لمصلحنتا
1- اللي بيعرف في الفوتوشوب والفلاش والباوربوينت
2- اللي عنده لغة غير العربية طبعا:)) كويسه اي لغه لاننا محتاجين لغات كتير
3- اللي لغته فصيحه وعنده ملكة الكتابة زي مابيقولو
4- حتي اللي ميعرفوش في التلات نقاط اللي فوق دول وعايز يشترك معانا التصاميم والفلاشات وكل مقال هننزله ممكن ترسله للي تعرفهم وبكده برده تكون خدمت القضيه معانا
طيب الفكره الاساسيه وتوضيح لها
الفكرة اننا هنعمل تصاميم بتوضح مدي الوحشيه اللي بتستخدمها اليهود ضد الفلسطينيين (حد هيقولي مالناس كلها شايفه .)لاياجماعه للاسف القنوات اللي في الخارج زي امريكا بتبث صورة مغلوطه تماما وانا ليه ناس برا وعارف انا بقول ايه
وهنسجل في منتديات ومواقع اجنبيه وهنبدا نفهمهم ونتعامل معاهم بكل احترام (زي ماديننا علمنا) مش هندخل نشتم ونمشي
الموضوع مش مقتصر علي غزة بس
انا قولت عايزين ضربه جامده
الموضوع هيشتمل اننا هنصلح مفاهيم غلط هما فاهمينها عن الاسلام والمسلمين
فيه ناس هتقولي يعني موضوع دعوي؟؟
هقول :مش بالظبط
الموضوع تصحيح اوضاع
وعلي فكره مجرد مالحقيقه تظهر ومجرد مالناس هتعرف هما بنفسهم هيدوروا عن الاسلام ويقروا عنه
الحـــــــــــق احــــــــــــــــــــق ان يـــــــــتـــــــــبــــــــــــــــــــــع
اي حد هقولي مش هيجيب نتيجه اقوله بالعكس وجابت معايا مليون نتيجه ومش عايزة اقول اكتر من كده
لو حد ج هنا وناوي يتكلم بسلبيه
بلاش من فضله
وكتر خيره وفي ميزان حسناته انه مجبلناش عقده :))
لكن اي نقد او اقتراح انا متقبلاه بكل سرور
علي فكره بفضل الله معايا اخوات من تونس والجزائر وفلسطين والسعودية وطبعا من مصر مدونين ومدونات انتو تعرفوهم ,وافقوا وهيساعدونا
بس محتاجين ناس اكتر
وشغل اكبر
هتنصر غزة وتصحح اوضاع ولا لا؟؟؟
هقف معانا ولا لا؟؟
دلوقتي نلملم افكارنا تاني ونقول محتاجين ايه
1 ناس عايزة تساعد بانها تنشر التصاميم والمقالات اللي هنعملها
2 مبدعين في الفوتوشوب
3ناس عندها لغة
4- اي اقتراح او فكره او اي شئ ناقص في الموضوع ياريت تقولوه وماتبخلوش علينا
5-اللي يعرف مواقع ومدونات اجنبيه ياريت يبعتها ويقولنا عليها
ايميل ورشة العمل للتواصل معانا
************انا اسفه جدا اني اتكلمت بالعامي ومااتكلمتش بالفصحي زي كل مره بس هي جت كدا

14 comments:

نور said...

اناااااااااااا
هكون معاكم ان شاء الله على قد ما أقدر

الحمد لله انا ممكن أكتب إلى حد ما كويس .. بس بالعربية

واعرف ناس كويسة جدا في التصميم

واعرف ناس عندهم لغة كويسة

ان شاء الله ابلغهم

ولو اي اقتراح تاني جه في دماغي هبلغكم ان شاء الله

مشكورة اختي الكريمة على مرورك الرائع عندي

دمتي بخير

القلم السكندري said...

جزاكم الله خيراً

smilyrose said...

السلام عليكم

فكرة جيدة جدا

وبإذن الله معاكم سواء بالتصميم او

بالنشر سواء باللغة العربية

او الإنجليزية واستطيع ان اذن الرحمن

بمساعدة بعض الاصدقاء استخدام اللغة

الفرنسية وسوف ابدأ بعمل

بعض الفلاشات ان اذن الرحمن وسوف

ارسلها لكم

ربنا يوفقكم ويعينا جميعا على ما

بدئنا به

smilyrose

روح الحب الصادق

مهندس مصري said...

انا معاكم بس حد يعرفني مطلوب مني ايه و انا اعمله

انا كويس في الكتابة بالعربية
و شبه كويس في الإنجليزي
و مليش في الفوتو شوب

الفاتح الجعفري said...

سلام الله عليكم ورحمته وبركاته
ان شاء الله متواجد معكم
ولكن نصيحتي
اهم حاجة استخدام الصور والافلام عن غزة والمجازر التي تحدث بها فالصورة تغني الف مرة عن الكلمات
ويتم وضع تحت الصورة او مع الفيلم كلمات قصيرة مختصرة
اعتقد سيكون لها اثر اكبر من الكلمات الطويله والشرح المفصل
اعتقد المسلمين الان والعرب من يحتجون الشرح المفصل للقضية بعد ان ضاعت من قلوبهم وعقولهم
--
بارك الله فيكم واحسن الله اليكم
وجزاكم كل خير

mo'men mohamed said...

عاشقة الفردوس
جزاكم الله كل خير
بس انا محتاج برده حد يقولى ايه المطلوب منى بالظبط

انا جيد فى الكتابة بالعربية
و يمكننى تتبع الأخبار أول بأول من غير ما يفوتنى وا خبر
السلام عليكم

mo'men mohamed said...

حسنا
انا الفترة دى بأحاول أجمع بعض الشبهات حول حماس وأهل غزة الخاصة بهذه الحرب الأخير
وتوصلك ان شاء الله فى مقال
السلام عليكم

~*§¦§ Appy §¦§*~ said...

السلام عليكم
حبيبتى انا الفكره نفذتها عندي وفعلا عملت الايميلات باالنجليزي والفرنساوي وجبت 115 ايميل لمنظمات فى العالم ممكن تساعدينى وتنشري وتبعتى كمان ربنا يكرمك يا رب

~*§¦§ Appy §¦§*~ said...

اه على فكره فيه ناس كبيره هتساعدنا فى اننا نكتب وهتبعت لنا مقالات ونقوم بترجمتها ومتقلقيش عندنا ناس بترجم كويس وزي ما قولت احنا تركيزنا على اننا ننقذ الناس ونتوحد مش مهم مين غلط دلوقتى وانتى متفقه معايا فى ده صح ولا ايه

عمرو المصري said...

السلام عليكم
سعيد جدا بالموضوع ويشرفني اشارك
وياريت لو يبقي جزء من الحملة ولو صغير يشيله ناس معينة من اللي هيشاركوا بعنوان
بشريات النصر
او
الفجر القادم

رفع الروح المعنوية للمسلمين
وحثهم علي بذل اللي يقدروا يعملوه
كفايانا عياط وبكي ادام صور الشهداء
الناس في غزة معنوياتها في السما واحنا هنا لسه بنعيط وناس كتير مصممة علي كلمة وانا اعمل ايه

بالاضافة
لموضوع تاني باعمله
وهو حملة التضليل الاعلامي اللي سايقاها علينا قنوات كتير وجرايد اكتر ياريت لو برضه نرد علي شباتهم

عذرا للاطالة
انا مستعد للمشاركة في موضوع النشر عشان لاسف مبتقنش باوربوينت ولا فوتو شوب
جزاكم الله خيرا

Eldebug said...

السلام عليكم ... انا اول مرة ادخل عندك هنا للاسف ... انا فعلا كنت بدات افكر اكلم ناس مدونين بره بالوضع فى غزة بس لغتى ما اسعفتنيش انى اقدر ارد ... وانا حاطط فى البوست الاخير عندى عينات من اللى الناس دى بتقوله جايز تفيد فى اننا نعرف طريقة تفكيرهم ... انا مستعد للمشاركة او اقدر اقدم حاجة
وفعلا هوه ده الطريق اللى المفروض نمشى فيه
جزاكى الله كل خير

يللا جامعه said...
This comment has been removed by the author.
نهر الحب said...

انا ان شاء الله معاكم فى اى شئ
علم وبحاول انفذ
وفقكم الله

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘