Sunday, December 9, 2007

تــــــــــــــــــــــــــــــــــــاج


التاج ده مررتهولى اختى وحبيبتى فى الله ...امه الله

بشكرها جدا وجزاها الله خيرا


نبدا الاسئله.......تاج لـــــــــــو


بسم الله والصلاه والسلام على رسول الله سيدنا محمد اشرف الانبياء والمرسلين




لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟


هتبقى نظره اسى على حال دوله وبلد مهم زى مصر خصوصا ان العرب بيعلقوا على مصر امل كبييير

وساعتها هقول حسبى الله ونعم الوكيل .... لنا الله جميعا



أو لوكنت أوروبي أو غير مسلم بردو إيه نظرتك للعرب والمسلمين ؟


هو الاصل فى غير المسلمين هو حسد المسلمين لانهم ببساطه بيبقوا متاكدين ان هو ده الدين الصح ....بس بالنسبه للناس اللى اصلا ماقرأوش عن الاسلام وفكرتهم بياخدوها من معامله المسلمين وتصرفاتهم الان هتبقى نظره سوده جدا

لان دلوقتى المسلمين تفسخوا من دينهم وهويتهم (الا من رحم ربى )وبقوا بيقلدوا الغرب وغير المسلمين فى كل حاجه يبقى هنظرلهم نظره المترممين والمتطفلين والمتخلفين .. وحسبنا الله ونعم الوكيل وعندى امل كبيير اننا نستعيد كرامتنا وعزنا وباذن الله هترجع العزه للاسلام


لوقالولك إنت بقيت رئيس جمهورية هتعمل إيه؟



ياسلالالالالالالالالالالام ياريت

هقعد كل الستات فى البيت (اه متخلفه بقى ) علشان الشباب يلاقوا فرصه عمل وساعتها الشباب والبنات مشكله العنوسه بتاعتهم هتتحل

لان الشباب هيقدر ساعتها يفتح بيت

ممممممممممممممممممم


وهرد المظالم لاصحابها (على قد مااقدر) وهعطى كل المسؤليات والمناصب للخبراء حتى ولو كانوا فقراء-مش شرط يكونوا رجال اعمال ا-المهم يكونوا اصحاب خبره ومن المشهود لهم بالصلاح


المرتبات والاجور تكون بنسب متقاربه , علشان مانلاقيش واحد بيقبض 400 جنيه وواحد تانى بيقبض 2000 جنيه

هنعمل اجتماع عربى نشوف فيه احوال البلاد بتاعتنا واحوالنا ايه ونتحد باذن الله على كلمه التوحيد والجهاد فى سبيل الله مهما كان العدو


المناطق الساحليه زى مثلا الغردقه والحتت دى ممنوع فيها العرى (اه اللى ييجى بلادنا يجى بادب واحترام ويبقى يبلبس زى مااهل البلد لابسين لاما الباب يفوت جمل.....علشان اهل البلد يعرفوا يروحوا هناك ويقعدوا ويستمتعوا براحتهم


طبعا فى كتير بس هو ده اللى فى دماغى دلوقتى

ايه يابنتى الخيال ده


اه والله بس نفسى فى يوم الاقى شاب مسلم صالح رئيس البلد دى ياسلالالالالالالالالالالالالالالالالالالالالالالام




لو كان ينفع ترجع طفل تاني وتخليك طفل علطول هترجع؟ وليه؟


الطفوله دى مرحله رائعه كلها براءه وحب وعدم غش ومفيش فيها نفاق

بس مش عايزة ارجع تانى لانى عايزة بقى اقدم حاجه لدينى ومش معقوله هفضل طول عمرى عيله :)



لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟



اولا الحمد لله انى مش دكتوره :p

بس بجد لانهم فعلا بيتعرضوا لمواقف صعبه ربنا يؤجرهم عليها


بس انا هقوله ان مافيش حاجه مستحيله على ربنا وكل شئ بامر الله

وكفايه بقى كده على السؤال ده لانى مش بحبه



لو سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟

فداك ابى وامى وروحى يارسول الله


لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟


بما انى وافقت عليه يبقى ارتضيه لى زوجا وارتضيت دينه واخلاقه وهذا يكفينى ولا يهمنى غير ذلك لان الاولاد رزق ان كتب الله لى هذا الرزق ففضل من الله وساحمد ربى ماحييت وان كتب لى الله ان لا ارزق فله الحمد وهو مالك الملك وكل مايفعله لنا الله خيرا وساحمد ربى ماحييت ايضا


لو طلعت القمر هتكتب إيه عليه؟

اشهد ان لا اله الا الله وان محمدا رسول الله... يامن ستاتى هنا اعلم انى امه لله رزقنى واكرمنى بالاسلام .. فاسلم تسلم


لوكنا في عصر إزدهار الأندلس كنت تتخيل نفسك إزاي؟


كما انا فقيره الى الله


لو مررت التاج ده لحد وما جاوبش عليه أعمل فيه إيه؟


ولا اى حاجه ... هو حر مش فرض عليه


لو هتسافر في أي مكان في الدنيا تعيش فيه هتروح فين ؟

السعوديه بلد الحبيب


لو مررت التاج تمرره لمين ؟؟


لاختى نونيوم عاشقه النقاب

طآآن بس جنان عاشقه الوطن

جوبا (مدونه نضال )ز

تمر حنا

اختى صاحبه مدونه الدنيا

40 comments:

دكتور حر said...

نعم نعم

الحمد لله انك مش دكتوره

يعني المفروض اقول
يا خسارة انا دكتور

هههههههه

لكن ما شاء الله اجابات موفقه
وكما اقول على هذا التاج الذ تابعته عند العشرات

اي حد رئيس احسن من الافندي وتفكيره احسن 100 مره والله

ربنا يعطيك ما تريدين ويوفقط للخير دائما

وتقبلي تحياتي

بنت الصالحين said...

ايه ده ده انا لسه حطه التاج
ماشاء الله
طب شوفت الاجابات ازاى ده كان فيه اجابات سمرا
ههههههههههههههه
يلا كتر خيرك بجد

جزاك الله خيرا

ومعلش بقى يادكتور ربنا يؤجرك باذن الله وجعل اعمالك خالصه لوجهه الكريم

NIDAAL .R said...

السلام عليكم اختى
اجابات مقنعة و فى موضعها
بارك الله فيكى و اعانك
و اعطاك و فتح عليك
دمتى بالف خير

max.adams said...

لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟


بما انى وافقت عليه يبقى ارتضيه لى زوجا وارتضيت دينه واخلاقه وهذا يكفينى ولا يهمنى غير ذلك لان الاولاد رزق ان كتب الله لى هذا الرزق ففضل من الله وساحمد ربى ماحييت وان كتب لى الله ان لا ارزق فله الحمد وهو مالك الملك وكل مايفعله لنا الله خيرا وساحمد ربى ماحييت ايضا

أنا بحييك على التفاني ده وربنا يرزقك باللي يسعدك و يرزقك بالذرية الصالحة اللي ما توجعش هارتك

واجابات موفقة

تحياتي لكي

عصفور المدينة said...

ربنا يبارك فيك
وتفكيرك راقي جدا
ياريت برضه تبقي تعملي كوبري بين مصر والسعودية

بس انا مش موافق إن واحدة تمسك الرئاسة أصلا طبعا ولا انت

Unknown said...

اجاباتك جميلة جدا

وعاجبانى جدا اجابتك على سوال عدم القدرة على الانجاب

بس يا ترى انتى مقتنعة بالاجابة دى

بنت الصالحين said...

اخى جوبا

جزاك الله خيرا
وبارك الله فيك

بنت الصالحين said...

ماكس ادامز

جزاك الله خيرا
واهلا بك وربنا يوفقك

بنت الصالحين said...

اخى عصفور المدينه
جزاك الله خيرا
ماشى هعمل الكوبرى


وانا معاك انا كمان مش موافقه ان فيه امراه تمسك المنصب ده علشان كده لو خدت بالك قلت شاب مسلم صالح


جزاك الله خير الجزاء ويمكن حضرتك تبقى الرئيس محدش عارف

بنت الصالحين said...

اخى اللى مش فاهم حاجه


جزاك الله خيرا
والحمد لله ان اجاباتى عجبت حضرتك


ايوه طبعا مقتنعه بالاجابه دى والا مكنتش هكتبها
وصدقنى لو ربنا مكتبش لحد انه يرزق باطفال فده اكيد له حكمه
وربنا اعلم بعباده

لو اتطلعتم على الغيب لاخترتم الواقع

http://kasperb4.blogspot.com/ said...

السلام عليكم ورحمة الله وبركاته
بخصوص تكبير حجم خط الدعاء

حملي الملف ده

واتبعي الشرح اللي فيه
ولو في حاجة مش واضحة بلغيني وانا تحت أمرك
------

ولي عودة لقراءة التاج بإذن الله إن أمكن
وادعيلي بقى عشان عندي امتحانات
:)

عالية said...

بالنسبة لي

فأنا راضية كل الرضا عن حكام دولتنا العزيزة ..

ولو حصلي وحكمت ليوم واحد فهطربق الدنيا زي مابتقولوا

اولا امنع اي وافد يدخل البلد بدون عقد عمل...سواءمصري او هندي

لان البلد زاااااااااااااااعت منهم

الفاتح اليعقوبي said...

السلام عليكم
اجابات جميلة ماشاء الله وربنا يكرم حضرتك

كل واحد بيجاوب لما يبقي رئيس جمهورية هيعمل ايه ويقول هاعمل كذا وكذا
بجد والله دي فتنة قادرة علي هدم اقوي العزائم ولا يستطيع احد ان ياخذها الا بحقها


وبعدين عري ايه اللي حضرتك عايزة تلغيه ليه الرجعية والاصولية لالالالالالالالالالا
مينفعش انا بقول نولع في الغردقة وسينا يمكن يطهروا ونخلص منهم وبعد كده نبنيها

هاقول لحضرتك حاجة ابن خالي (ربنا يهدينا ويهديه)كان شغال في شرم الشيخ بكلمه عليها قال لي بص لو ادوني مليون جنيه مستحيل ارجعها تاني
يقول هناك لو معكش فلوس متقدرش تشرب ميه وتموت من العطش لكن ممكن تلاقي بيرة
ولاحول ولاقوة الا بالله


وجامدة حكاية كل الستات تقعد في بيوتها احسن برضه

تاج جميل يااستاذة
والسلام

Anonymous said...

يا سلااااااااااااام
ليتنا نستطيع تحقييق كل ما نحلم به
الحمد لله
احنا أحسن من غيرنا كتير فى الحياة
و غيرنا أحسن منا كتير فى العبادة

صاحب المضيفة said...

اجابات جميلة وحلوة

أحلى حاجه بتاعة رئيس الجمهورية دي


فعلا فكرة حلوة جدا

دمت بخير

ابو صهيب ( الجمعاوي الاصيل)سابقاً said...

التعليقات جميلة جداً وفي الجون بصراحة


بس انا ليه عتاب


علشان حضرتك دخلتي


عند الجمعاوي روش طحن


في مدونته فكك مني

وايدتيه في كلامه اني فقري

الله يسمحك

البنت الشلبية said...

اختى الكريمة
حلوة ردودك
وعجبنى ردك لو كنت رئيسة
عارف لو انت فعلا بقيتى رئيسة هيبقى صعب عليكى اوى تعملى اى حاجة من الى بتعمليه لانك قليل لما تلاقى حد يساعدك
الانسان الفاسد مبيبقاش فاسد من نفسه الناس الى حواليه هما الى بيساعدوه على الفساد
ربنا يرحمنا من الحاشية الفاسدة
سلام

NIDAAL .R said...

السلام عليكم
هل لى ان استأذن الام و امال فى تحميل الملف انا ايضاً

فرنسا هانم said...

هتقعدى كل البنات فى البيت ؟
سمعينى كمان
علشان تحلى مشكله العنوسه تقعدينا فى البيت
لا
لا
لا
ماكنش العشم
وعلشان كده الرجاله فرحانه ومظقططه
وناويين يقفوا جنبك فى الانتخابات
من دلوقتى
فرنسا تكون جبهه نسائيه قويه ضد ترشيح عاشقه الفردوس لمنصب الرئاسه
وابقى قابلينى
--
الاخت العزيزه عاشقه الفردوس
انا بحبك جدا
والاختلاف فى الرأى لا يفسد للود قضيه
انما اردت ان اوضح لكى ان هناك نساء كثيرون بل وفتيات ايضا يتحملن مسئوليه اسره كامله
فهل تريدين التضحيه بكل هؤلاء
مستحيل
بل
من رابع المستحيلات ان تجلس المرأه فى البيت
--
هترجعى عن رأيك
ولا........ قولتى ايه ؟

Unknown said...

اختنا عاشقه الفردوس
اجابات ممتازه فعلا
ربنا يجزيكي خير
لو كنتي مش امرأه كنت رشحتيك رئيس الجمهوريه يلا خيرها في غيرها
معلش
ممكن حضرتيك يربي رئيس جمهوريه يعمل كل اللي انتي كنتي عايزاه ممكن تربي صلاح الدين وقطز
وعجبتني اجابه الصعود الي سطح القمر
ربنا يستخدميك في نصره الدعوه

Unknown said...

اختنا عاشقة الفردوس

هو ممكن الواحد ييجي يرد الزيارة ، ويختلف ابقي قوليلي

لأني شايف جملة حاسس انها عاوزة اعادة صياغة اذا سمحتيلي

هو الاصل فى غير المسلمين هو حسد المسلمين لانهم ببساطه بيبقوا متاكدين ان هو ده الدين الصح ....بس بالنسبه للناس اللى اصلا ماقرأوش عن الاسلام وفكرتهم بياخدوها من معامله المسلمين وتصرفاتهم الان هتبقى نظره سوده جدا

بيتهيألي عاوزة شوية تعديل، طيب هو المسلمين وصلوا لغير المسلمين الإسلام بجد،
والله بس نقول للناس هو ده الإسلام ، هتاخدوا بيه ولا لأ

مش بحب اختلف معاكي والله .. بس خلينا نعيد التفكير فيها، ونحط نفسنا في مكانهم بحق وحقيقي

هما ايه اللي يعرفوه عن الإسلام
وعن الإيمان
مش عارف؟
بس بافكر عندك بصوت عالي

يلا تصبحي على الف خير

بنت الصالحين said...

اختى عاليه

حكامك راضيه عنهم

غرييييييييييييبه
ماعلينا

والله انتى متضايقه من المصريين اللى عندكو ... طب دول عرب زيك زيهم الدور والباقى على اللى مش عرب وبيدخلو البلد وبيغتصبوا حقوق اهلها



شكرا على مرورك

بنت الصالحين said...

اخى محمود (آلام وآمال ) جزاك الله خيرا جارى تحميل الملف وهقوم بعمله باذن الله
جزاك الله خيرا

بنت الصالحين said...

اخى الفاتح اليعقوبى

والله اجابات حضرتك جامده فكرة برده

بس نولع فيها لا حرام
دى حتى مبنيه بفلوس الناس الغلابه

اه منا برده بقول كده

مش عارفه ليه الكل مختلط عليه الامر انا مش عايزة اترشح للرئاسه متخافوش
ههههههههههههههههههههههههه


لالالا انا هسيبها لحد يستحقها

واللى يستحقها كتير بفضل الله

بنت الصالحين said...

اخى عبد من عباد الله

جزاك الله خيرا ع التعليق الراقى

بنت الصالحين said...

اخى صاحب المشيفه
جزاك الله خيرا ع المرور الرائع
وكويس انها عجبتك

بنت الصالحين said...

اخى الجمعاوى الاصيل
جزاك الله خيرا

بس العتاب ليه
انا دخلت اشوف تعليقى تانى
لقيتنى كاتبه

بس حلوة كلمه فقرى دى

اقصد الكلمه
الكلمه نفسها عجبتنى


والزعل مرفوع وجزاك الله خيرا

بنت الصالحين said...

البنوته الشلبيه
جزاكى الله خيرا اختى وحبيبتى

اه والله عندك حق
بس اهو فى الاول والاخر لو
يعنى ربنا يدينا ويديكى طوله العمر

بنت الصالحين said...

البنوته الشلبيه
جزاكى الله خيرا اختى وحبيبتى

اه والله عندك حق
بس اهو فى الاول والاخر لو
يعنى ربنا يدينا ويديكى طوله العمر

بنت الصالحين said...

خالتشى فرنسا
وانا كمان بحبك اوى والله

مممممممممممممم

نفكر مع بعض
انا مش ضد فكرة ان المراه تخرج للعمل بس بشروط

يعنى مثلا حاله زى اللى قولتيها
وغير كده كتيير
يعنى مثلا الدكتورة خصوصا للنساء

وطبعا
فيه شيوخ كتيير
افتوا بان
العمل للمراه يكون بضوابط


وبعدين ياخالتشى سيبينى احلم
بلاش يعنى

ههههههههههههههههههههه

جزاكى الله خيرا خالتى فرنسا

بنت الصالحين said...

اخى الفاتح الجعفرى

جزاك الله خيرا
والحمد لله انى امراه

هو مين اصلا اللى يقدر ع المسؤليه دى
بجد ربنا يكون فى عونه

بنت الصالحين said...

اخىنا الكبير وابونا
استاذنا الكبير صاحب مدونه عيل مصرى


هو انا مقدرتش افهم حضرتك عايز توصل ايه من كلامك


بس انا معاك انى اما قريت جملتى تانى حسيت انها ملعبكه اوى

خلينى اشرحلك رايي

حضرتك شايف حال المسلمين فى الوقت الحالى
والتشتت والفرقه اللى بتحصل الايام دى وطبعا السلبيات والاهمال وكل الظواهر اللى كلنا عارفينها
والتقليد بالغرب فى كل حاجه

خد عندك
مره بكلم واحده غربيه وبدعوها للاسلام وبقولها ان الاسلام دين عفه وستر وحشمه
قالتلى كدب


وبعتتلى صورة لممثلين ومشاهير مسلمين طبعا حضرتك عارف بيبقوا عاملن ازاى

وللاسف الاعلام هندنا شغال الله ينور
طمس لثقافتنا وهويتنا
دى حاجه بسيطه من الحاجات والمظاهر السلبيه الموجوده دلوقتى

اما بقى حسد غير المسلمين للمسلمين

فده فعلا موجود للى بيعرفوا الدين الاسلامى صح ...اقصد اما يقابلو اللى فعلا بيمثل دينه صح او احيانا بيعرفو من قرائتهم

طيب هقول لحضرتك على حاجه

فى مره سمعت شخص دخل الاسلام او قصه قريتها بجد مش فاكره

غير مسلم دخل الاسلام عن طريقه القراءه عن الدين الاسلامى
ونزل بلد مسلم لقى طبعا اللى حضرتك عارفه من كدب وغش وكل اللى موجود دلوقتى او اللى كان موجود فى الوقت للى هو فيه
قال حاجه بجد مؤلمه
قال الحمد لله انى خلت الاسلام قبل مااشوف المسلمين


بجد جمله مؤلمه


ده رايي هو مش مرتب عارفه والله بس اعذرنى انا بعمل حاجات كتيير بس كان لازم ادخل وارد على حضرتك

ولو مافيش حاجه واضحه

انا برحب بالنقاش مع حضرتك

وجزاك الله خيرا

سعدت بردك

المهـ إلي الله ـاجر said...

اجابات بسيطة وهادئة

بارك الله فيك

ا بـن عــمــر said...

اولا الحمد لله انى مش دكتوره

هههههههههههه

*************
الحمد لله انى دكتور
************
اجباتك جميلة
ياريت لو تقرأى البوس الثانى عندى

أمـ الله ـة said...

جميل يا حبيبتى

ربنا يبارك فيكِ

Unknown said...

الله والله بجد اجاباتك جميلة قوي

عجبتني الجملة اللي فكرتي تكتبيها علي القمر اللي هي الشهادة

بجد عجبتني

اجاتباتك جميلة ومطمئنة

تحياتي

بنت الصالحين said...

اخى المهاجر

جزاك الله خيرا وليست باجابات جيده مثل اجابتكم


ابن عمر

اضحك الله سنك وادامها عليك وجعل عملك خالصا لوجه الله الكريم


امه الله حبيبتى جزاكى الله خيرا

بنت الصالحين said...

اختى فنان فقير
صاحبه مدونه شبابيك

جزاكى الله خيرا والحمد لله انها قد اعجبتك

مهندس مصري بيحب مصر said...

إجابات رائعة
ربنا يوفقك
بس أنا التاج ده جالي ناقص
أحسن
مدونتك جميلة و أستأذن في إضافتها في السايد بار عندي

عاشــــــ النقاب ـقــــة"نونو" said...

حبيبتي عاشقة الفردوس
خلاص مش لاقية كلام يكافئك يا حبيبتي
احبك في الله ولسة ما اتقابلتش معاكي
هيغمن علي بقى من الفرحة لما اشوفك
ربنا يجمعنا على خير والتاج حالا بالا هعمله ويسلم قلمك يا حبيبتي