Wednesday, January 9, 2008

عام رحل ... وعام حل فماذا ستفعل



هذه التدوينه اكتبها للمره الثانيه

الله المستعان

مضت عام وقد ملاناها بذنوبنا - اتحدث عن نفسي -واكثرنا من الذنوب واقللنا كثيرا من الحسنات


مااريد ان اقوله

مضي العام وانتهي ولن نستيطيع ان نعيده هيهات هيهات

ولكن ماذا ستفعل في العام المقبل يجب ان تحدد النوايا

وتخطط لما تريد ان تفعله وتستحضر النيه قبل اي عمل تقوم به


طبعا التدوينه هذه لم تكن كذلك في بدايه الامر ولكني لااستطيع ان اعيد شيئا قد قمت بكتابته لانه لن يخرج كما اريده لاني ببساطه لن احس الكلام مره اخري



عام جديد عليكم اسأل الله ان يجعله عاما سعيدا عليكم وعلي امه محمد ويكون ملئ بالطاعات والعباذات وان نكون اقرب الي المولي جل وعلا





:



اشياء كثيره تستفذني سلبا او ايجابا سأقوم بعرض جزء منها



اولا
كثيرا ماأري مثل هذه الصورة وكثيرا ماأسمع من يقول احبك يامصر (ف كلامي ليس للمصريين فقط ولكن لكل العرب وكل بلد مسلم)كله كلاما في كلام اين الفعل ..ارني ماعندك

قبل ان تقل افعل وافعل هيا اسال نفسك
هل انت عضو ايجابي في المجتمع
ماذا قدمته لبلدك
افعلت شيئا غير عادي لها
اقمت بعمل بعده احسست بالرضا عن نفسك
بالله عليك لا تبدأ في الشكوي وتقل اني قد طلمت واني رايت من بلدي مالايراه احدا

لا تقل هذا ارايت مافعلته مكه في سيدي وسيدك رسول الله عليه افضل الصلاه والسلام
وقال 'انك لأحب بلاد الله الي الله وأحب بلاد الله اليٌ ولولا أن أهلك أخرجوني منك ماخرجت'

مايحزنني ان اري من يقول اني لاانتمي الي هذا البلد
وان البلد ليست بلدي اني اري اليأس واحس بالقهر
معكم في كل ماتقولون
انا لااجلس فوق برج عال ولكن هذه سنت الله في خلقه
انها دار شقاء وليست دار راحه
اوصيكم بقراءه التدوينه الاخيره لاستاذنا عصفور المدينه



وقراءه هذا المقال

الانتماء للاوطان كيف رسخه الاسلام
http://www.elakhbar.org.eg/issues/17118/0112.html



ثانيا :مايقوم به نجيب ساويرس
يامسلمون افيقوا بالله عليكم يامن لاتستطيعون رمي خط التليفون اهذا كثير علي دينكم علي الحفا علي امهاتكم وصيانه حجابها
هم يتحركون والمسلمين نائمون

افيقوا بالله عليكم


فلتقرأوا معي هذه التدوينه


http://nonoymm.blogspot.com/2007/12/blog-post_31.html


ولترددوا معي انها بلدنا وسنعيش ونموت فيها باذن الله
بلدي بلدي
لن اتركك يابلدي
عشت فيكي
وعشتي فيّ
سادافع عنك مهما حصل
ساكون من خيره شبابك وفتياتك

انتبهوا هذا مايريدونه
ان يجعلوكم تكرهو بلادكم
وتلجأو اليهم

وكما حدث وذهب كثيرون ليطلبو الدعم من السفارات الاسرائيليه وياخذو حق اللجوء السياسي


لن ابيعك يابلدي لن اخونك يابلدي وساقف في وجه كل من يرد ايذائك

Saturday, January 5, 2008

كـــان فـيـه ورده تـقـول الـحـق



السلام عليكم

اعلم انى مقصره واعلم ايضا ان هذه المدونه كان من المفترض ان تنزل فى المدونه من شهر نوفمبر ولكن قدر الله وماشاء فعل

هذه التدوينه متعلقه وتكمله لتدوينه هما طلعولى منيين دول
http://soghantota.blogspot.com/2007/11/blog-post_10.html

تحدثت فى هذه التدوينه عن دور الايتام وتحديدا دار ايتام البنات (المسماه بدار تربيه البنات )موجوده فى سرس الليان فى محافظه المنوفيه

التدوينه القديمه هذه كتبتها وانا كلى دموع والله يشهد على كلامى
لو تعلمون
لو تشعرون بما اشعر به

لا لست انا
بل كل من يذهبون لدور الايتام
اعلم ان كثيرين يقولون: اتقولين نذهب متى نذهب ولم نذهب
ايحتاجون نقودا .... سنرسل لهم نقودا

لا يااخوتى ويااخواتى فى الله لايحتاجون منكم نقودا
لايريدون منكم شيئا بل على العكس
هم سيعطونكم
اقسم بالله سيعطونكم
سيعطوكم آدميتكم
سينظفون قلوبكم من الانانيه والنفاق والكذب والخداع

ساكتب لكم ماقالته لى ايمان واميره ومايفعلونه هناك
قبل ان اقول لكم مايتعلمونه وماهى اخلاقهم
اتعلمون ماهى اعمارهم
ايمان واميره اربع سنوات تقريبا

فى يوم وجدتهم يقولون لى ماما عاشقه (طبعا قالو اسمى مش عاشقه الفردوس)سمعيلنا النشيد علشان الابله هتزعق لو مش حافظينه
حاضر سمعوا يلا
عايزين تعرفو اناشيدهم
هقولكم عليها

كان فيه ورده تقول الحق ........ياأطفال الكذب لا
ياأطفال الكذب حرام.......والكذاب بيروح النار
ويخاصمه كل الشطار


::::::::::::::::::::::::::::::::::::::::::::::::::::::::::::::

يلا ياميه تعالى عندنا ...... نتوضى بيكى ونصلى لربنا
ابعد ابعد ياشيطان .......قلبى عامر بالايمان
اول ماأسمع الاذان .... هجرى واصلى للرحمن


طبعا دمعت عيناى والله احسست كلامهم
ولكن ماكان يوجد بقلبى هو شئ واحد
انهم لا يقولون مايحفظونه فقط ولكنهم يقولون مايحسون مايشعرون به
صدقونى

كنت اجلس معهم ووجدت بنوته اسمها صابرين
سالتنى ماما ....... الساعه كام
ليه ياصابرين بتسالى ليه
علشان الاذان , العصر فاضل عليه كده 10 دقايق
نظرت باستغراب
فى لحظه وجدت البنات كلها بكل الاعمار تذهب على الحمامات للوضوء
ااااااااااااااااااااااه ياقلبى
واااااااااااه ياعيناى اذرفى من الدمع على مافاتك
جاءك من يعلمك ويعرفك تقصيرك
ونحن نفرح ونهلل عندما نصلى الفرض قبل الفرض الذى يليه بنصف ساعه و حتى ساعه قبل ميعادها


يااصحاب القلوب المتحجره
اذا اردتم النجاه لانفسكم
فاذهبوا لمن يعلمكم

الايتام انهم لايريدون منكم شيئا ولكنكم انتم الذى تريدون
تريدون الثواب
تريدون اليقظه لقلوبكم
اذهبوا وستروا بانفسكم
اذهبوا اقراو لهم
علموهم مكارم الاخلاق
حفظوهم القارن
شاركوهم بما يحسون

ولكن قبل كل هذا ساقول لكم ماقلته فى التدوينه القديمه

يابناااااااااااااات ياللى خلصتوا جامعه وبتشتكوا من الفراغ وبتقولو نعمل ايه روحوا دار ايتام لو عندكم دار مسنيين روحوا حسسوهم بحبكم وباحتياجكم ليهم قبل احتياجهم ليكوا ملحوظه :قبل كل ده لازم تكونوا باريين باهلكم كلهم حتى البعاد اسالوا عليهم شوفوا عمه اوخال ليكم بعيد واتصلو بيه او اسالى اباكى او امك عن قريبه لكى او قريب لك وزوره حتى ولو مره كل شهر خير الاعمال ادومها وان قلت
قال رسول الله صلى الله عليه وسلم (انا وكافل اليتيم كهاتين فى الجنه , وأشار بإصبعيه السبابه والوسطى)صدق رسول الله صلى الله عليه وسلم

Monday, December 31, 2007

تـــدويـــنـــه بــلا عــنـــــــــــــــوان





لا اجد عنوانا يناسب ماسأكتبه او بمعنى ادق لا اعلم ماسأكتب


الله المستعان


لن اتحدث عن موضوع واحد بعينه ولكنها افكار واشياء تجعلنى اشعر بالاكتئاب


وآخرها عماره الاسكندريه التى وقعت بسبب الاهمال


ماهذا اهذا مايحثنا عليه ديننا ... ليس ديننا فقط .. اهذا مانفعله باناس مثلنا لا والله انها بشاعه


ماذا سيحدث لو بطلنا اهمال .. ماذا سيحدث لو اتقينا الله وخفنا عقابه ... ماذا سيحدث اذا اخلصنا فى اعمالنا ؟؟!!!!!ة




ماذا لو قبل ان تذاكر تنوى بانك تذاكر حتى يرضى الله عنك وامتثالا لامر ربنا ولامر رسولنا الكريم


ماذا لو قبل ان تعمل تستحضر النيه وتقوم بالعمل على اكمل وجه


ماذا لو الزوجه استحضرت النيه وعاملت زوجها مثلما امرت من قبل الله والرسول


ماذا لو عامل الزوج زوجته كما عامل الرسول زوجاته


ماذا لو عامل الناس بعضهم البعض كما كان يعامل الصحابه بعضهم البعض






...........................................................................




الاباء والابناء


ماهذا الذى يحدث هذه الايام بالله عليكم


اهذه علاقه اب بابناؤه او ابناء بآبائهم




لم الان تجد الاباء لايحبون التزام ابنائهم


او لما يجبرونهم على الكذب ما يقال بابا بيقولك هو مش موجود


هذه هى العباره الشهيره




او لما الابناء لاتحترم آبائهم ولا امهاتهم


لم يتكبرون ويتعالون عليهم




اهو عدم اختيار موفق فى الزواج


اهو عدم تربيه سليمه اساسها الدين والاخلاق




ام عده اسباب






........................................................








الفلسطينيون فى العريش والحجاج الذين سينضمون اليهم


ماهذا بالله عليكم


ولم كل هذا اين غيرتنا العربيه


اين عروقنا التى تجرى بها دماء الاخوه فى الاسلام والعروبه




ياربى انت عليم بهم اعلم بحالهم غنى عن سؤال امثالنا اسالك ياوهاب يارحمن ياارحم الراحمين ان تنجدهم وتشد ازرهم وترجعهم بلادهم سالمين


هم اناس يريدون الاستشهاد فى بلادهم لا الموت فى العريش بلا فائده تذكر اهذا كثير عليهم




لم نعمل الف حساب لاحفاد القرده والخنازير




اللهم عليك بهم اللهم عليك بهم اللهم عليك بهم








...........................................................................








خطر خطر خطر


ياجماعه اين هويتنا فلننتبه


يحاولون ان يجعلونا نثبت على كلامهم


يحاولون ان يحتالون علينا




بالغلط فى الكلمات


نعم اتكلم على اليهوود والاعلام السئ




تجد من يقول حائط المبكى






لالالالالالالالالالالالالالالالالالالالالالالالا


لا والف لا


انه حائط البراق وسيظل حائط البراق






انتبهوا اخوتى واخواتى فى الله


علموا اولادكم الحقيقه


حفظوهم خريطه فلسطين


حتى لا ياتى اليوم الذى نجد فيه اولادنا لا يعلمون مافلسطين


علموهم قصه القدس حفظوهم قصه الاسراء والمعراج
ياجماعه كثيرا مانجد وبسبب الاعلام الردئ ايضا ان الغالب والمفهوم عند البعض ان مقدساتنا والمسجد الاقصى هو ذا المئذنه الذهبيه وهذا خطا كبير وهذا مايريدونه اليهود لياخذو ويستولو على مقدساتنا ولكن لا انظروا الى الصورة المدرجه نا فى الموضوع واعلموا ان مانريد الدفاع عنه هو كل مايحيط المنطقه الظاهرة عندكم


هيا لتعليمهم من الان


ومن لم يتزوج فليضع نيته


بان يربى صلاح الدين
او يربى خديجه او عائشه


ولتكونوا كآل ياسر
وصبرا آل ياسر ومن على شاكله آل ياسر
فان موعدكم الجنه




جوزيتم وبوركتم


عارفه انى غلست

بس فى راس السنه بقى هيبقى فيه بوست تانى خالص
راس السنه بتاعتنا
نسيتوها
هفكركم احنا هنبقى 1429هجريه

وكل عام وانتم بخير بالسنه الهجريه الجديده ادامها عليكم بكل الخير

Thursday, December 27, 2007

تـــــــــــــــــــــااااااااج2


السلام عليكم ورحمه الله وبركاته



واخيييرا التاج اللى مرروهولى الفاتحان الجعفرى واليعقوبى



بسم الله ابدا


ماهى سورتك فى القران(اى احب سوره اليك تقرأها فى فرحك وفى حزنك)؟


مش سورة واحده

سورة البقره

سورة يوسف

سورة مريم

سورة المجادله



ماهى احب ايه اليك الايه التى دائما تتمناها؟


ولنبلونكم بشئ من الخوف والجوع ونقص من الاموال والانفس والثمرات وبشر الصابرين الذين إذا أصابتهم مصيبة قالوا إنا لله وإنا إليه راجعون . أولئك عليهم صلوات


من ربهم ورحمة وأولئك هم المهتدون} [البقرة: 155

157


ما هى اكثر ايه تخاف منها وتدعوا الله الا تكون من اصحابها؟

لا هى ايات


كل من عليها فان
27. *
ويبقى وجه ربك ذو الجلال والاكرام
28. *
فباي الاء ربكما تكذبان
29. *
يسأله من في السماوات والارض كل يوم هوفي شان
30. *
فباي الاء ربكما تكذبان
31. *
سنفرغ لكم ايه الثقلان
32. *
فباي الاء ربكما تكذبان
33. *
يامعشر الجن والانس ان استطعتم ان تنفذوا من اقطار السماوات والارض فانفذوا لاتنفذون الا بسلطان
34. *
فباي الاء ربكما تكذبان
35. *
يرسل عليكما شواظ من نار ونحاس فلا تنتصران
فباي الاء ربكما تكذبان
37. *
فاذا انشقت السماء فكانت وردة كالدهان
38. *
فباي الاء ربكما تكذبان
39. *
فيومئذ لايسأل عن ذنبه انس ولاجان
40. *
فباي الاء ربكما تكذبان
41. *
يعرف المجرمون بسيماهم فيؤخذ بالنواصي والاقدام
42. *
فباي الاء ربكما تكذبان
43. *
هذه جهنم التي يكذب بها المجرمون
44. *
يطوفون بينها وبين حميم ان
45. *
فباي الاء ربكما تكذبان
46. *




ما هى الايه التى تشعر بانها تتحدث عنك؟


قال تعالى"إنك لا تهدي من أحببت و لكن الله يهدي من يشاء و هو أعلم بالمهتدين(56)" سورة القصص

الايه دى كانت سبب فى التزامى وتوبتى ورجوعى الى الله ... اسال الله ان يتقبل توبتنا جميعا



من هو احب صحابي واحب صحابيه اليك؟


احب صحابى


اتنين

عمر بن الخطاب ومصعب بن عمير


احب صحابيه

انا بعشق السيده عائشه بنت ابى بكر



اذا كنت على العهد النبى صلى الله عليه وسلم فمن كنت تحب ان تكون ولماذا؟


طبعا طبعا ماينفعش احط نفسى مكان الناس دول

الله المستعان ونقدر نمشى على خطى نبينا محمد وهم من ورائه

اللهم امين


من احب نبى اليك بعد الحبيب صلى الله عليه وسلم؟


سيدنا ابراهيم عليه السلام



ما هو منتداك وموقعك المفضل؟

حاره زعتر ... منتدى غرباء ...

موقعى المفضل

طريق الاسلام .. اسلام ويب...وكتير بس مش متذكره دلوقتى



ماهي احب الاسماء التي تحب ان تنادي بها ؟


للاسف مش هقدر اقولها ... احتياطات امنيه طبعا:)

بس اصحابى المقربين عارفينها كلها



من هو كاتبك المفضل؟

مش حد معين

بقرا المواضيع اللى بتعجبنى وباراء مختلفه


الصلابى فى صفوه التفاسير رائع



مدون له فضل عليك او استفدت منه؟


كل المدونيين اللى انا حاطاهم عندى فى شمال المدونه

وغيرهم من الزوار الافاضل



من هو قاريء القرآن المفضل لديك؟


مشارى راشد العفاسى وعبد الباسط عبد الصمد وابو دكتور حر بجد ماشاء الله صوته رائع



من هو منشدك المفضل؟


مشارى العفاسى واحمد بو خاطر



ماهو نشيدك المفضل؟


كتير


شباب الاسلام

سنخوض معاركنا معهم

مع الله

فرشى التراب

فتنت روحى ياشهيد

اغيب وذو اللطائف لايغيب

قف بالخشوع


اذا كان لك دعوه واحده تدعوهاوستتحقق فبماذا ستدعوا؟


اللهم ارزق امى الفردوس الاعلى ومرافقه نبيك



من هو الداعيه المفضل لديك او شيخك المفضل؟

الاستاذ عمرو خالد كان البدايه

وبعد كده بقى كتير ماشاء الله وكلهم شيوخ اجلاء واحسبهم على خير

محمد حسان

محمد حسين يعقوب

سالم ابو الفتوح

محمد العريفى

احمد عبده عوص


ماهي اكثر عباده تشعرك انك قريب جدا من الله ؟


قيام الليل تليها الصيام


ماهو املك في الحياه؟

اكون امه فقيره الى الله واشوف اخويه بهاء ومحمود من اصلح الرجال هما وشباب المسلمين جميعا


من احب افراد عائلتك اليك؟


ابى وامى واخى بهاء ومحمود

بس لو عايزين واحد بس هتبقى امى



هتمرر التاج لمين؟


لاختى عاشقه النقاب

تمر حنه

عاشقه الوطن

انا مسلمه

المهاجر الى الله

امه الله نسيم الجنه

جوبا (نضال فلسطين)ة

ام البنات .. امى

ودكتور حر

ومهندس مصرى

وكل المدونين اللى انا مسجلاهم

كلهم ياجماعه

انا بس خايفه انسى حد

الكل ياخد التاج ده

اتفقنا


اللهم ارزقكم جميعا الاخلاص فى القول والعمل

اللهم ارزقنا حبك وحب من احبك وحب كل عمل يقربنا الى حبك


Monday, December 17, 2007

اشحن وارسل رسائل مجانا..


السلام عليكم ورحمه الله وبركاته

كل عام جميعا وانتم الى الله اقرب وعلى الطاعه ادوم

اولا انا بعتذر للفاتحان اليعقوبى والجعفرى على التاج الممرر لى ولم احله حتى الان  وكل من ارسل لى التااج

اليوم وقبل العيد نجد اعلانات موبينيل تنهال علينا من كل حدب وصوب وتسمع العبارات الرنانه كا (اشحن موبايلك وعلى كل كارت شحن هتاخد رصيد خمسه جنيه ... ابعت رسالتين ببلاش بمناسبه العيد)واشياء من هذا القبيل



اخوتى واخواتى فى الله الحمله شرسه وكلنا نعلم مايقوله ويريده الاستاذ سويرس ولكن نقول له هيهات هيهات مش بفلوسنا ياسويرس


ياجماعه مش عايزين شعارات بالله عليكم
عمل بقى ووهمه ورونا ازاى هتستغنا عن موبينيل ارموا خطوطكم اعلنوها قويه  مش بفلوسنا

 ازاى مش بمجرد كلمه مش بفلوسنا ياسويرس لا
بانك ترمى الخط بتاعك

اه ارميه ماتبيعهوش
ارميه

رد لدكتور مصطفى بكرى على نجيب سويرس من مجله الاسبوع
http://hewar.khayma.com/showthread.php?p=525940


كل عام وانتم بخير جميعا ... اللهم وحد شملنا وانقذ اقصانا وهئ لنا من امرنا رشدا


Thursday, December 13, 2007

لــحـــظــه ايــهــا الــــمـــــدون


السلام عليكم ورحمه الله وبركاته


ايها المدونون كلنا يعلم ماهو تاثير الانترنت فى تغيير تفكير الاشخاص

ومنا من اصبح التدوين جزء منه وجزء من طريقه التنفيس عما بداخله من هموم ومشكلات او لابداء آراؤه .


كل منا يقضى بالساعات امام مدونته ومدونات المدونيين الاخرين ...جميل جدا ولكن....د

هل تعلمون انكم بكتاباتكم تأثرون على طريقه تفكير شخص او اشخاص بالسلب او الايجاب

هل تعلمون بانكم تتبادلون الافكار والخبرات والثقافات


كل هذه جيد ولكن

هل وضعتم امامكم هذه آلايه :

مايلفظ من قول الا لديه رقيب عتيد

آلايه 18 من سوره ق



هل ماتكتبه هذا سيصبح حجه لك ام سيصبح حجه عليك ؟


كلنا رأينا مدونين كانو معنا فى الساحه يكتبون ومليئون بالحماسه وفى لحظه سمعنا انهم قد توفاهم الله ....انا لله وانا اليه راجعون


لم يكونوا يعلمون انهم ذاهبون

ولكن

كل نفس ذائقه الموت


فاخى المدون اختى المدونه

قبل ان تكتب أسأل نفسك :

هل تكتب مالايخالف الشريعه او تكتب مايفيد امتنا العربيه والاسلاميه

هل انت معول بناء ام معول هدم

او حتى تكتب ماتشعر به او تريد ان تقوله ولكن بشرط الا يكون ملئ بالمخالفات او السلبيات




كل المدونون المحترمون جزاكم الله خيرا

ووالله بالرغم من الفتره القليله التى دخلت فيها عالم التدوين ولكنى وجدت اناسا كل همهم هو ان يكونوا معول بناء


اجد منهم من ينتهج الجديه فى مدونته

واجد اخر ينتهج الاسلوب الساخر

وآخر يحمل على عاتقه هم امتنا العربيه والاسلاميه وبخاصه الاسلاميه

ومن يتحدث عن مشاكله ولكن باسلوب محترم يجعلنا جميعا نشعر بآلامه وهى بالفعل جزء من مشكلات امتنا



كل اخوتى واخواتى المدونون جزاكم الله خيرا اتمنى لكم التوفيق والسداد وان تكون هذه المدونات فى ميزان حسناتكم جميعا

Sunday, December 9, 2007

تــــــــــــــــــــــــــــــــــــاج


التاج ده مررتهولى اختى وحبيبتى فى الله ...امه الله

بشكرها جدا وجزاها الله خيرا


نبدا الاسئله.......تاج لـــــــــــو


بسم الله والصلاه والسلام على رسول الله سيدنا محمد اشرف الانبياء والمرسلين




لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟


هتبقى نظره اسى على حال دوله وبلد مهم زى مصر خصوصا ان العرب بيعلقوا على مصر امل كبييير

وساعتها هقول حسبى الله ونعم الوكيل .... لنا الله جميعا



أو لوكنت أوروبي أو غير مسلم بردو إيه نظرتك للعرب والمسلمين ؟


هو الاصل فى غير المسلمين هو حسد المسلمين لانهم ببساطه بيبقوا متاكدين ان هو ده الدين الصح ....بس بالنسبه للناس اللى اصلا ماقرأوش عن الاسلام وفكرتهم بياخدوها من معامله المسلمين وتصرفاتهم الان هتبقى نظره سوده جدا

لان دلوقتى المسلمين تفسخوا من دينهم وهويتهم (الا من رحم ربى )وبقوا بيقلدوا الغرب وغير المسلمين فى كل حاجه يبقى هنظرلهم نظره المترممين والمتطفلين والمتخلفين .. وحسبنا الله ونعم الوكيل وعندى امل كبيير اننا نستعيد كرامتنا وعزنا وباذن الله هترجع العزه للاسلام


لوقالولك إنت بقيت رئيس جمهورية هتعمل إيه؟



ياسلالالالالالالالالالالام ياريت

هقعد كل الستات فى البيت (اه متخلفه بقى ) علشان الشباب يلاقوا فرصه عمل وساعتها الشباب والبنات مشكله العنوسه بتاعتهم هتتحل

لان الشباب هيقدر ساعتها يفتح بيت

ممممممممممممممممممم


وهرد المظالم لاصحابها (على قد مااقدر) وهعطى كل المسؤليات والمناصب للخبراء حتى ولو كانوا فقراء-مش شرط يكونوا رجال اعمال ا-المهم يكونوا اصحاب خبره ومن المشهود لهم بالصلاح


المرتبات والاجور تكون بنسب متقاربه , علشان مانلاقيش واحد بيقبض 400 جنيه وواحد تانى بيقبض 2000 جنيه

هنعمل اجتماع عربى نشوف فيه احوال البلاد بتاعتنا واحوالنا ايه ونتحد باذن الله على كلمه التوحيد والجهاد فى سبيل الله مهما كان العدو


المناطق الساحليه زى مثلا الغردقه والحتت دى ممنوع فيها العرى (اه اللى ييجى بلادنا يجى بادب واحترام ويبقى يبلبس زى مااهل البلد لابسين لاما الباب يفوت جمل.....علشان اهل البلد يعرفوا يروحوا هناك ويقعدوا ويستمتعوا براحتهم


طبعا فى كتير بس هو ده اللى فى دماغى دلوقتى

ايه يابنتى الخيال ده


اه والله بس نفسى فى يوم الاقى شاب مسلم صالح رئيس البلد دى ياسلالالالالالالالالالالالالالالالالالالالالالالام




لو كان ينفع ترجع طفل تاني وتخليك طفل علطول هترجع؟ وليه؟


الطفوله دى مرحله رائعه كلها براءه وحب وعدم غش ومفيش فيها نفاق

بس مش عايزة ارجع تانى لانى عايزة بقى اقدم حاجه لدينى ومش معقوله هفضل طول عمرى عيله :)



لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟



اولا الحمد لله انى مش دكتوره :p

بس بجد لانهم فعلا بيتعرضوا لمواقف صعبه ربنا يؤجرهم عليها


بس انا هقوله ان مافيش حاجه مستحيله على ربنا وكل شئ بامر الله

وكفايه بقى كده على السؤال ده لانى مش بحبه



لو سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟

فداك ابى وامى وروحى يارسول الله


لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟


بما انى وافقت عليه يبقى ارتضيه لى زوجا وارتضيت دينه واخلاقه وهذا يكفينى ولا يهمنى غير ذلك لان الاولاد رزق ان كتب الله لى هذا الرزق ففضل من الله وساحمد ربى ماحييت وان كتب لى الله ان لا ارزق فله الحمد وهو مالك الملك وكل مايفعله لنا الله خيرا وساحمد ربى ماحييت ايضا


لو طلعت القمر هتكتب إيه عليه؟

اشهد ان لا اله الا الله وان محمدا رسول الله... يامن ستاتى هنا اعلم انى امه لله رزقنى واكرمنى بالاسلام .. فاسلم تسلم


لوكنا في عصر إزدهار الأندلس كنت تتخيل نفسك إزاي؟


كما انا فقيره الى الله


لو مررت التاج ده لحد وما جاوبش عليه أعمل فيه إيه؟


ولا اى حاجه ... هو حر مش فرض عليه


لو هتسافر في أي مكان في الدنيا تعيش فيه هتروح فين ؟

السعوديه بلد الحبيب


لو مررت التاج تمرره لمين ؟؟


لاختى نونيوم عاشقه النقاب

طآآن بس جنان عاشقه الوطن

جوبا (مدونه نضال )ز

تمر حنا

اختى صاحبه مدونه الدنيا