Monday, March 24, 2008

الــــــي الـــــهــــــــــــــدي ائــــتـــنــــــــــــــــــــــــــــا


السلام عليكم ورحمه الله وبركاته



اخوتي واخواتي



اريد ان اعلمكم بافتتاح مدونه الي الهدي ائتنـــــــــا

والتي يقوم عليها مجموعه من الاخوه والاخوات التي احسبهم علي خير ولا ازكيهم علي الله


وهم


محب الدين


الفاتحان اليعقوبي والجعفري

خطاب المصري


والاستاذ خالد ..عابر سبيل


ابو معاذ


وابو عمير


وابو عمر


ومحمد مصطفي



واختي وحبيبتي عاشقه النقاب اشترك معها في قسم القوارير الذي يهتم بالمراه ومايخصها



وهي مدونة متخصصة في التحاور والتناقش حول كل ما يدور حولنا من مفاهيم حديثة مثل العلمانية والالحاد واللادينية
والسيرة النبوية الشريفة والدفاع عن الصحابة




اسال الله العظيم ان يستخدمنا ولايستبدلنا وان يرزقنا الاخلاص في الاقوال والافعال

Saturday, March 15, 2008

اتـمـنـي لو اراك


السلام عليكم ورحمه الله وبركاته



هذا التاج وصلني من اختي وحبيبتي في الله امه الله صاحبه مدونه نسيم الجنه والذي اقر بانه اجمل التاجات التي رايتها فقد قامت امه الله

بكتابته بارك الله فيها ورزقها القبول


الــــــتـــــــــــــــــــــــاج الـــــنـــــبــــــــــــــــــــــوي



س 1 : لو سألك غير مسلم عن نبي الإسلام بماذا ستجيبه في سطور ؟

انه حبيبي وشفيعي محمد بن عبد الله خاتم الانبياء والمرسلين ارسله الله رحمه للعالمين(وماارسلناك الارحمه للعالمين)اثني عليه ربه وقال له ( وانك لعلي خلق عظيم
اقام دوله الاسلام بلا اعتماد علي اب او سلطه او نفوذ
احبببته ولم اره واحبه الملايين ولم يروه
فداك ابي وامي وروحي ياسيدي يارسول الله



س 2 : لو اتيحت لك الفرصة لرؤية النبي صلي الله عليه وسلم في أي مكان تريد أن تقابله ؟
في المسجد


مالذي ستخبره به ؟

والله يارسول الله لانت احب الي من نفسي وروحي


وماذا ستطلب منه ؟

ان يدعو لامي بان تحشر معه وان يمن الله عليها برؤيته قبل موتها



س 3 : اذكر مقولة قالها النبي صلي الله عليه وسلم لصحابي تمنيت لو كان قالها لك ؟

اللهم هذا عبدك، خرج مهاجرا في سبيلك، فقتل شهيدا، وأنا شهيد على ذلك

جاء إلى النبي صلى الله عليه وسلم رجلا من الأعراب فآمن به واتبعه، ثم قال: أهاجر معك، فأوصى به النبي صلى الله عليه وسلم بعض أصحابه.
فلما كانت غزاته غنم النبي - صلى الله عليه وسلم - فقسم وقسم له، فأعطى أصحابه ما قسم له، وكان يرعى ظهرهم، فلما جاء دفعوه إليه؛ فقال: ما هذا ؟ قالوا : قسم قسمه لك - النبي صلى الله عليه وسلم-، فأخذه ، فجاء به إلى النبي -صلى الله عليه وسلم - فقال: ما هذا ؟ قال: "قسمته لك".
قال: ما على هذا اتبعتك، ولكن اتبعتك على أن أرمى إلى هاهنا – وأشار إلى حلقه – بسهم، فأموت، فأدخل الجنة؛ فقال: "إن تصدق الله يصدقك".
فلبثوا قليلا: ثم نهضوا إلى قتال العدو، فأتى به إلى النبي - صلى الله عليه وسلم - يحمل، قد أصابه سهم، حيث أشار، فقال النبي - صلى الله عليه وسلم : "أهو هو"؟ قالوا : نعم، قال: "صدق الله فصدقه".
ثم كفنه النبي صلى الله عليه وسلم في جبته التي عليه، ثم قدمه فصلى عليه، وقال: "اللهم هذا عبدك، خرج مهاجرا في سبيلك، فقتل شهيدا،و أنا شهيد على ذلك




س 4 : اذكر أحب حديث لرسول الله صلي الله عليه وسلم على قلبك ؟

كل احاديث رسول الله احبها واعشقها

واذكر منهم هذا الحديث

قال صلى الله عليه وسلم : « لا تحقرنّ من المعروف شيئاً ولو أن تلقى أخاك بوجه طليق » [رواه مسلم].



س 5 : كيف تعرفت على سيرة الرسول صلي الله عليه سلم ؟ "ما هو المصدر"

من كتب السيره المختلفه وكتاب صحابيات حول الرسول وايضارجال ونساء حول النبي وحقا حتي الان لم استطع ان اقرا الا القدر اليسير من هذه السيره العطره وادعو الله ان يمن علي بان اعلم واتعلم المزيد والمزيد من هذه السيره المباركه



س 6 : اذكر صفة تدل على عظيم خلقه صلي الله عليه وسلم والاستدال عليها بموقف ما ؟

العدل

أنه لما سرقت المخزومية وهي من عائلة شريفة، وشق على بعض المسلمين إقامة الحد عليها فتقطع يدها، قال لأسامة بن زيد حينما جاء بطلب الشفاعة فيه:(أفي حد من حدود الله تشفع يا أسامة؟! والله لو سرقت فاطمة بنت محمد لقطعت يدها).


صفه الحلم
والموقف:أنه لما شجت وجنتاه، وكسرت رباعيته، ودخل المغفر في رأسه يوم أحد، لم يدْعُ على قريش، بل قال:( اللهم اغفر لقومي فإنهم لايعملون).


ماهذا بالله عليكم ارايتم مثل هذا

اللهم ارزقنا حبك وحب نبيك وحب صحابته واهله والسابقون الاولون ومن تبعهم باحسان الي يوم الدين



س 7 : هل هناك تأثير لرسول الله صلي الله عليه وسلم على "شخصيتك أو حياتك أو بيتك "إذا كانت الإجابة نعم فاذكر مثالاً واحداً لكل منهم ؟

نعم


شخصيتي:احاول بقدر المستطاع ان اطبق سنته في شخصيتي دائما اريد ان اقومها بماقاله لنا نبينا محمد بن عبد الله عليه افضل الصلاه والسلام

احاول جاهده ان اكظم غيظي وان اعفو عند المقدره وادعو الله ان يجعلني اطيق هذا


حياتي:احاول ان اكون كما اراد النبي بان ارضي وان ازهد ولا اكون طامعه في دنيا زائله

فقد قال عمر حين دخل عليه فوجده على فراش من أدم حشوه ليف: إن كسرى وقيصر ينامان على كذا وكذا، وأنت رسول الله تنام على كذا وكذا! فقال النبي مالي وللدنيا ياعمر، وإنما أنا فيها كراكب استظل بظل شجرة، ثم راح وتركها


وقد كان من دعائه المتكرر اللهم اجعل قوت آل محمد كفافاً


بالنسبه لبيتي :نفس الاجابه السابقه



اللهم آت نفسي تقواها وزكها انت خير من زكاها انت وليها ومولاها يارحمن يارحيم


محمد ياابن عبد الله

عشت تدعو في ارض الله

تتحدث باللين للعصاه

تحدثهم عن نعم الله

فجعلتهم بفضل الله

يسيرون في طريق الله

ياحبيبي يارسول الله وياشفيعي ياحبيب الله

فداك ابي وامي وروحي يارسول الله



اللهم صلي وسلم وبارك علي سيدنا محمد وعلي آله وصحبه وسلم تسليما كثيرا



امرر التاج لكل المدونين في المفضله وكل المعلقين والزوار واحدا واحدا


رزقنا الله واياكم الاخلاص في الاقوال والافعال

Saturday, March 8, 2008

ايـه ده خـالـتـو وخـالـو ربـنـا يـسـتـر


السلام عليكم ورحمه الله وبركاته


دي التاجات تخيلو

اه سامعه حد بيقولي يااااااااااااه انتي لسه فاكره

طيب اقول ايه

معلش بقي المسامح كريم

كنت جاوبت علي تاخ خالتو ولقيت تاج الصباغ جاوبته لقيت تاج ابن حجر والباحث وتاج اختي امه الله طيب اعمل ايه قولت انزلهم علي مرتين

ماتخافوش الاجابات مش هتبقي طويله






دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟

الدبابه



كنت تفضل الدخول مستقل او تتبع حزب معين ؟؟؟؟

مستقل



اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟

لا طبعا ايش جاب لجاب

الدبابه ياجماعه الدبابه ماتنسوش



ايه اول حاجه هتعملها لنفسك ولاسرتك ؟؟؟؟؟

هنشتري عصير قصب (علشان المقاطعه)و



ايه المشروع اللى ناوى تعمله لاهل دايرتك ؟؟؟؟دون ذكر اسم الدائره ان اردت

دار ايتام ودار مسنين في وقت واحد

يعني دار الايتام الاطفال اللي فيها بيبقي نفسهم يلاقو ناس تعتبرهم ولادهم بجدودار المسنيين بيحسو انهم بلا هدف فنديهم هدف يربو ويعتبرو الايتام دول ولادهم هتتحل المشكله وفي نفس الوقت الاخطاء اللي الاهالي اللي في دار المسنني عملوها مع ولادهم يتجنبوها مع دول وهتبقي عمليه انتفاعيه متبادله


وهشيل كل القهاوي من البلد نهائي والنت كافيه برده

الولاد اللي في الكي جي والابتدائي بيروحو النت كافيه ياعالم وبيهربو من المدرسه علشان يروحو يلعبو حاجه اسمها كونكر وتيبيا

ومش بيجيبو بمصروفهم اكل ولا اي حاجه من اللي كانت بتجذبنا واحنا صغيرين



قعدت فى المجلس جنب نائب مميز . من هو النائب ؟؟؟

ولا اي حد هقعد لوحدي:p



قدمت سؤال للحكومه ايه هو السؤال ؟؟؟؟؟

انتو هتقابلو ربنا ازاي




طلب احاطه موضوعه ايه ؟؟؟ وبتقدمه لمين ؟؟؟؟

هقدم طلب احاطه لايه ولا ايه حسبنا الله ونعم الوكيل




استجواب لاتنين من الوزراء موضوعه ايه ؟؟؟؟وبتستجوب مين ؟؟؟؟

وزير الصحه والتعليم

الاستجواب كله عباره عن كلمه ليــــــــــــــــــــــه



هل انت مع الخصخصه ؟؟؟؟؟؟

خصخصه هي فيه حاجه اسمها خصخصه اللي موجود مش خصخصه ومعروف هو ايه



هل انت مع قطع العلاقه مع اسرائيل ؟؟؟؟؟

طبعااا ونهائيا



هل تؤيد الحرب الحرب على العراق ؟؟؟؟؟؟؟؟

لا بالطبع



هل تؤيد مرور الامريكان فى القناه ؟؟؟؟؟؟

لا لا لا



هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟

لا طبعا

بس مين اصلا ام دبوه دي



بتمرر التاج ده لمين ؟؟؟؟؟؟؟؟

هو فيه حد لسه ماجاوبوش اصلا

عموما اللي مجاوبوش يتفضل يجاوبه

واولهم مستجده وانا انسان وميويه


::::::::::::::::::::::::::::::::::::::::::::::









هل توافق على حزف خانة الديانة من البطاقة الشخصية ؟


لا طبعا بتستخدم في حاجات كتيره جدا ..اما اللي بيقولو انها تتلغي علشان الاضطهاد الموجود فانا مش شايفه ان فيه اصلا مشكله من موضوع خانه الدينات دي

يعني لو حد ضربك في الشارع هتقوله استني لو سمحت طلعلي البطاقه اشوفك انت مسلم ولا مسيحي ..لا طبعا مش بيحصل كده ولو حد ضربك هتعجنه من غير ماتعرف هو ايه:)))و




ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟

المثليين عندهم مشاكل نفسيه .بلا وازع ديني . لم ينشؤا نشاه سويه - هذا مااراه -

لا لا اعترف بوجودهم وبشكل نهائي ومازلت اكرر المفروض انهم يتعرضوا علي دكاتره امراض نفسيه ويحدث معهم لقاءات مع رجال الدين

لا ولله الحمد ليس لي اصدقاء مثليين



هل تعتقد بوجود إضطهاد للمسيحين فى مصر ؟

لا طبعا مافيش بالعكس يمكن هما لو اتعرضوا لمشكله بيلاقو حد جنبهم(المسلمين والكنيسه والحكومه) علي عكس المسلمين



من هو الشخص الذى تختارة لرئاسة مصر

لو فيه شخص يتقي الله ويتصف بالاخلاق والامانه والذكاء والشجاعه هختاره فورا



أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم

حزب سياسي مره واحده لا ياعم انا ماليش دعوه بالحاجات دي دي مسئوليه انا مش قدها

اه اوافق علي مشاركه الاخوان


الاجابه بتاعتي في سؤال واحد



هل امريكا (اللي هي رمز الحريه في العالم -كما يزعمون-)و


تقبل ان تعطي حكم او رئاسه حزب لمسلم ؟!!!! وعليه فانا اقول


اوافق علي مشاركه الاقباط بشروط




فى رأيك الشخصى .. ما هى أفضل مدونة على بلوجر قمت بزيارتها ؟

كتير جدا

كل الموجودين ع الشمال



للإناث فقط : هل توافقين على الزواج من رجل مطلق ؟

ياالله ليه السؤال ده بقي

اولا اسال علي دينه وبعد كده علي اسباب الطلاق وبعد كده اروح لطليقته علشان اكون سمعت من الطرفين وبعد كده احكم واقرر



اذا تزوجت وأنجبت ولدين وبنتين .. أى الأسماء تحب أن تسمى

خديجه وعائشه

عمر ومحمود




هل تعتقد أن توريث الحكم فى مصر . . سيتم فعلا أم لا ؟

ياخبر النهارده بفلوس بكره يبقي ببلاش

ربنا يستر




فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟

انجازات

المترو علشان السلالم المتحركه :)))و


والله مااعرف انجازات يمكن لاني اصلا ماشوفتش حاجه قبل كده اقارن بينها وبين دلوقتي


اسوأ

غلاء الاسعار والخصخصه



ثم لمن تمرر هذا التاج ؟

برده اعتقد ان مافاضلش حد ماجاوبوش غيري



همرره لمستجده ولعاشقه النقاب ولانا انسان وميويه وعبد الفتاح ودكتور بيطري وكل الموجودن عندي في المدونات المفضله عندي وماجاوبهوش


Wednesday, March 5, 2008

كنت غضبانه وضحكتوني

السلام عليكم ورحمه الله وبركاته
التدوينه اللي فاتت(اللي لسه كاتباها انبارح )رغم انها لسه جديده الي اني اكتفيت بالردود دي لانها بصراحه حلوة اوي
كتبت التدوينه انبارح وانا جوايا نار ومحروق دمي
ونفسيتي تعبانه
بس لقيت الردود غير ماتوقعت
ولقيت ردود زي العسل ودمها خفيف اوي
التدوينه اللي فاتت كانت بتتكلم عن الحشيش والمخدرات واللي اكتشفته
وكنت فاكره انه سبق صحفي:))
لكن اكتشفت اني ولا اعرف حاجه والمعلومات بايته وقديمه
عايزة اوريكم ردود عسوله اوي
بيقول فيه
لا من ناحية الحل انا ما أعرفشلكن بالنسبة لبيع المخبرين للمخدراتلا مش كلهم بيبعوها بعضهم اللي بيبعها و في السر مش في العلن كدهعندنا معروف ان مخبرين مكافحة المخدرات هما اللي بيبيعوها من احراز القضاياو مش كل القهاوي بيحصل فيها كده لأ بعضها فقطلكن بتبقى تحت شنبهم بالضبط زي غرزة مشهورة عندنا في وش مباحث التموين:)
عارفين فكرني بايه
فكرني بالواحد اللي سال صاحبه اوصفلي صاحبنا قاله لاطويل ولاقصير لاتخين ولارفيع
:)))
اما رد استاذنا استاذ عصفور فكان كالاتي
لا حول ولا قوة إلا بالله مررت الليلة على مقهى عادي ملحق به محل خمور مرخص
وأحب أطمئنك أن انخفاض الأسعار هو راجع إلى الغش الذي انتشر وتنوعت أساليبه حتى المخدرات بيغشوها
:)
والله فرحت اوي اما عرفت انها كده نتيجه للغش
وضحكت اوي يعني كده الشباب دول فاكرين نفسهم ناصحين وهما بينضحك عليهم
:)))
أما دورنا نحن فحقيقة الموضوع ده كبير جدا وفيه أنواع كثيرة من الإدمان حتى إن هناك أنواع تتعاطى أدوية ومسكنات فلابد من دور
الأسرة والعلاج يكون طبي برغبة المتعاطي أولا فما ينفعش الوعظ لمن اندرج في هذا السلمأما المفروض هو حماية من لم يقع في ذلك
والانتباه للتربية والمتابعة والنصح والتحذير ووو
لكن برده يااستاذ عصفور دايما تحطلنا حلول وحاجه كان نفسي اقولها من زمان
استاذ عصفور تعليقاته بقراها عند كل تدوينه اروحها
طيب ده احيانا مايعقلش غير بكلمه واحده بس وافضل افكر فيها
كلمه واحده بس مليانه الف معني
ربنا يكرمك يااستاذنا
اما تعليق مستجده بقي فانا هجيب لكم قطوف منه
وبعدين زى ما انتى عارفه الناس كلها عندنا وف كل المحافظات بتبقى عارفه مين اللى بيضرب حشيش ومين اللى مقضيها سوايل وكله وبنزين وصراصير وخنافس... يختييييييي متعديش
:))))))
كله كله يامستجده
ياجماعه اللي ميعرفش الكله دي تقريبا حاجه بيتلزق بيها وريحتها وحشه
:))
وهبقى اكلمك عشان اباركلك ع القهوة الجديدة اللى هتفتح نواحيكو....ضربوا الأعور على عينه
شوفو بقولها ايه تقولي ايه
:))))
هقول جزء منه برده
الرد كان كالاتي
شوفى يا قمرمسا التماسى مفيش حاجه اسمها قرص حشيش اسمه قرش حشيش وبيتقسم الى 8 قطع كل حته اسمها تمنايه وال 8 قروش ب وقيه ( اوقيه) .هوال8 وقيات ب فرش كامل
:)))
السؤال بقي خالتي عرفت الكلام ده منين
اما اخونا الجعفري فتعليقه اهوبرده مش كل التعليق هحطه
طيب الحمد لله ان في حاجه في البلد بترخص
بس ربنا يستر وميحصلش طوابير علي المخدرات والبانجو
اوممكن كمان تدخل تبع بطاقة التموين اه علشا يبقي الشعب مناقصهوش حاجه الا ان المخدرات تتوصل دليفري علي البيت ودي مطروحه في الخطه الخمسيه اللي جايه
:)))))
فكان رد عملي علي التدوينه وهي كمان كانت مخنوقه من الموضوع ده فعلقت طبيعي وحسيت ان انا وهي في الهوا سوا
:((
بعد تعليق دكتور حر
قلت لا لازم ولابد اني اعترف بخطئي ازاي انا مش فاهمه حاجه
التعليق اهو
الموضوع وتعليقاته غير مثير للدهشه
لكن ما اثار دهشتي عدم ادراكك للأمر الا الآن
والله انتي طيبه
واللي عرفتيه ده جزء بسيط من الضياع اللي الشباب فيه
ربنا يتولانا برحمته
ودمتي طاهره نقية
بعد كل التعليقات دي
فعلا والله ربنا يتولانا برحمته
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
نصره الحبيب
اعلم تمام العلم ان المدونين تكلموا في موضوع الاساءه الي رسولنا الكريم
ولكن انا سعيده جدا
اتعلمون لماذا
ساحكي لكم شيئا
قامت الدنيا تقريبا يوم السبت(يوم الاساءه للرسول في الصحف الدنماركيه)12/2
احتجاجا لما حدث وكلنا اصابنا الحزن والوجوم
ولكن اساليب تعبيرنا عن حزننا والمنا اختلفت
ماجعلني ابكي فرحا
صديقه لي
بل هي اخت لي في الله
هي اختي والاولي علي دفعتنا ايضا
كان يوم زفافها هو يوم الجمعه بعد سته ايام من نشر الصور المسيئه لرسولنا الكريم
اتصلت بي يوم الخميس لتدعوني لحفل زفافهافوافقت ولكن استرعي انتباهي انها تقول لي
(ابقي تعالي علي مسجد.......... قبل صلاه العصر
سالتها لم
قالت لي لاننا سنصلي العصر سويا ونجلس في المسجد قليلا ثم ساذهب بيتي
مااثار دهشتي ان اختي في الله هذه لم تكن هذه هي احلامها كانت دائما تحدثنا بزواجها الذي سيكون في يختا او سيكون مثل كذا او كذا
فقلت الله المستعان وساتي باذن الله
وحينما ذهبت وصلينا العصر جميعا وجدتها امامي ولن تتخيلو مارايته
رايتها لاترتدي فستانا ابيضا ولكنه عباره عن تايير ابيض بلا زينه ولاتكلف ولكنها كانت رائعه
الملفت اكثر ومااثار دهشتنا اكثر واكثر
هو علي الرغم من انها كانت قبل ذلك تضع الميك اب ومالي ذلك
ولكنها في هذا اليوم في يوم زفافها بلا اي زينه
بلا اي زينه يوم عرسها
حينما سالتها ماهذا
قالت لي
لا اريد ان اقوم بعمل مايغضب الله في بدايه زواجي
اريد ان اكون سعيده واقتنعت بما كنتي تقولين من قبل
دمعت عياني من الفرحه
وقلت لها اذن عددي النوايا في هذا اليوم حتي تؤجري في حياتك
نظرت الي وابتسمت
كثير ماتحدثوا وقالو لما فعلت هذا لم ارادت ان تخرب فرحتها
قلت لهم لا بالله عليكم
لاتقولو هذا
بل بالعكس انها فرحه برضي الله
ومنهم من قال لي انتي منتقبه وهذا يعجبك اكيد
قلت لهم بالطبع يعجبني وحتي لو لم اكن منتقبه يكفي انها تحب ان لا تفعل مايغضب الله منها في هذا اليوم من حياتها
كفي بالله
كفي
والله انها لنصرت ديننا ونصرت رسولنا
هكذا تكون النصره
ان تطبق سنته
ان تمشي علي هديه
ان تراقب الله في جميع تصرفاتك
جعلتني ارددها
لقد نصرتيه
حقا لقد نصرتيه
ياحبيبي يارسول الله هذه ابنتك من امتك ارادت ان تنصرك بطريقتها
يارب اكرمها واجعل بيتها سعيدا
اجعل بيتها بيتا مسلما حقا
ارزقها الزريه الصالحه يارب العالمين

Tuesday, March 4, 2008

حـــامــــيــــهــــا حـــرامــــيـــــهــــــا

السلام عليكم ورحمه الله وبركاته
اريد ان اتحدث عن خبر سمعته وكأنه الصاعقه اهتز لها كل كياني
هل احلم ام انا في عالم غير عالمنا
سأدخل في الموضوع مباشره
الخبر ببساطه ياساده
كل المقاهي(القهاوي )تتعاطي فيها الحشيش والبانجو وماالي ذلك لا وايه اللي بيوردلهم الحشيش والبانجو هما المخبرين والعساكر
يافرحتي
شوفتو الخبر ده بقي
ها ايه رايكم
؟ّ!!!!!!
الموضوع ده عندنا في بلدنا والخبر ده جاي من مصدر موثوق منه
جاي من الشباب شباب البلد نفسهم
وقالو
البانجو اول مانزل البلد كان قرص الحشيش (اسفه ياجماعه للالفاظ هما بيتكلمو كده ) بميه جنيه
بعد سنه بقي القرص بخمسه جنيه
انا مفهمتش ايه الكرم ده وايه اللي يخلي القرص سعره يقل بالمنظر الرهيب ده
سمعت واحد منهم بيقول طبعا يابني ماهي البلد كلها بقت محششه وهيستريا ضحك
لا والاكثر غرابه بقي
ان البانجو بيتعاطوه في المقاهي(القهاوي)اللي مترخصه وزي مابيقولو (علي عينك ياتاجر)كل القهاوي بيتوردلها بانجو وحشيش
طيب ماشي الخبر خلص؟
لا لا لا الخبر لسه ماخلصشي
الادهي بقي ان اللي بيورد للقهاوي الحشيش والمكيفات بانواعها هما مين !!!!!؟ّّّّّ.
هما المخبرين والعساكر
عارفين يعني ايه المخبرين والعساكر
يعني حاميها حراميها
يعني حتي لو فكرت اني اروح او نبعت بلاغ للشرطه عندنا ونقولهم علي ان فيه شباب احيانا بيجو ناحيه بيتنا
او نعمل بلاغ علشان القهاوي واللي بيحصل فيها ممكن احنا اللي نتاخد في الرجلين
اه مااحنا كده اللي بنعمل بلبله
واحنا اللي بنطالب بحاجات مش من حقنا
طيب بالله عليكم دلوقتي نعمل ايه
قولولي علي حل
عايزين حل عملي
بصوا ماحدش يقولي نبلغ
ماهو لو اضمن ان لو دخلنا القسم اصلا هيدخلونا او يعني اللي هيروح هيدخلوه
وميمنعهوش يدخل للظابط المسئول او يدخلوه لظابط يتقي الله كنت هبقي مبسوطه
انا عارفه ان فيه ناس هتقول يابنتي انتي فكرك ان الظباط ملايكه الناس غلط كلها وهما عايزين كده
ماشي انا معاكم بس اكيد فيه شخص حتي بين كل 100 يتقي الله
طيب ايه الحل
هنعمل ايه يانااااااااااااااااااااااااس
عايزين شبابنا مغيب لامتي
حد يفهمني
حاجه كمان واحده صاحبتي اتقدم لها ظابط
ظابط اهو يابشر
بغض النظر عن سلوكيات والفاظ الظباط وكل الكلام ده
الظابط ده اترفض
ليييييييييييييييييييييه؟!!!!! لسبب بسيط
في مره بعد خطوبتهم اتصل بيها وكان قلقان جدا
قالتله مالك فيك ايه
وهو من قلقه قالها
قالها اصل بكره الكشف الدوري للظباط (او حاجه زي كده انا مركزتش اوي من الكلمه)بس هوكشف دوري للظباط ليتاكدوا من عدم تعاطيهم المخدرات
وقالها هنكشف انا شربت النهارده بانجو كتييييييييييييير
صاحبتتي مبقتش مصدقه نفسها
بيتصل بيه الساعه 3 الفجر لا وبيقولي مخدرات
ايه ده ازاي
اللي يضحك في الموضوع ان تاني يوم اتصل بيها الساعه 1 الظهر يقولها انا مبسوط اوي ومش مصدق ازاي التحليلات طلعت اني معنديش حاجه واني لااتعاطي المخدرات
انصدمت صاحبتي اكتر
بس طبعا كانت قالت لاهلها وانتهي الموضوع
حد يقولي ده ايييييييييييييييييييييه
اه فيه موضوع كمان كان معايا من فتره ومتعلق بالموضوع ده
ليه دايما (عندنا الله اعلم بقي في بقيه المحافظات) بنلاقي قدام كل مسجد قهوه او سايبر كبير
لا والمصيبه بقي لازم المسجد صوت ميكرفوناته منخفضه
والله كنا في رمضان ونصلي في المسجد وسامعه صوت الاغاني اعلي من صوت الشيخ
وخرجنا من المسجد كلنا نبكي
انا مش بقول موضوع ويتركن زي اخواته
لا ياجماعه
انا عايزة حد يقولي دورنا ايه
بالله عليكم احنا هنعمل ايه وايه الحلول اللي ممكن نقوم بيها
اكيد الشباب اللي ع القهاوي دي احنا هنتسئل عنهم
طيب نبري ذمتنا منهم قدام ربنا ازاي
يابشررررررررررررررررررررررر ايه الحلللللللللللللل؟؟؟؟؟؟؟؟؟؟؟؟؟؟؟؟

Friday, February 22, 2008

اعـظـم شـئ فـي الـدنـيـا


السلام عليكم ورحمه الله وبركاته


اولا

اعتذر للجميع عن غيابي الفتره الماضيه والله المستعان


ثانيا

من فتره - اعتقد شهرا او يزيد قليلا-حدث موقفا غريبا اريد ان أقصه عليكم

كنت مع امي في المسجد- في درس علم- وجدت امي تنظر لامراه بعينها ,وفي نفس الوقت هذه الاخت تنظر لامي كثيرا

قلت في نفسي اعتقد ان امي تعرفها

ولم اهتم كثيرا

وفي اثناء الدرس ارتفع الاذان ,التزم الحضور الصمت وكل انشغل بترديد الاذان وهممنا للصلاه

بعد الصلاه ذهبت لاسلم علي اخواتي في المسجد ونظرت حولي لاري اين امي

وذهلت مما رأيت


رايت امي تجلس مع المرأه التي كانت تحدق فيها ووجدتهم يتصافحان ويبكون بكاءا حارا



ماهذا اهي قريبتنا

ام هي اخت بينها وبين امي مشاحنه وقاموا بحلها

ولكن امي لا تختلف او تتشاجر مع احد

تركت اخواتي وذهبت لامي وقلت السلام عليكم


ردوا علي السلام وجلست

قلت لامي مابك

ردت علي لاشئ

قالت للمراه التي بجوارها هذه ابنتي

تبسمت لي وتبسمت لها وصافحنا بعضنا بعضا

قالت لامي بارك لكي فيها وهممنا بالانصراف

وفي طريقنا سالت امي

من هذه ياامي

قالت لي :اخـتـي فـي الـلـه

قلت لها اليست قريبتنا

قالت لا

قلت اتعرفينها من قبل

قالت لا

قلت لها لا بالله عليكي ياامي احكي لي قصتك معها احس بشئ غريب

قالت لي امي

هذه اول مره اقابلها فيها

نظرت اليها احسست اني اعرفها من قبل وتعلق قلبي بها بعد دقائق وجدتها تنظر الي فاحرجت حرجا شديدا وغضضت بصري

بعد الصلاه وجدتني ووجدتها ننظر الي بعضنا البعض فوقفنا وتصافحنا وقلنا في وقت واحد اني احبك في الله

ذهلنا من توقيت الكلمه ومن اثرها علينا

وجلسنا نبكي لهذا الموقف الغريب

احببتها ياابنتي واحبتني حبا خالصا , حبا في الله ولله

في هذه الاثناء كانت تعلو وجهي نظره دهشه واستغراب لما حدث

كثيرا وبالذات في المسجد نحب بعضنا البعض في الله ولكن ليست بهذه الصورة والكيفيه

وصمتت قليلا

ثم قلت لامي مااسمها ياامي

قالت لي

اسمها!!!!! لاادري

ولكني احبها في الله ويشهد الله علي اني احبها في الله وادعو الله ربي ان يحشرني معها

كنا في الطريق حتي الان ولكني لم اكن لابالي بأن ابكي وابكي


عن أبي هريرة رضي الله عنه قال :سمعت رسول الله صلى الله عليه وسلم يقول : (سبعة يظلهم الله في ظلّه يوم لا ظل إلا ظله: إمام عادل، وشاب نشأ في عبادة الله، ورجلان تحابا في الله اجتمعا عليه وتفرقا عليه، ورجل ذكر الله خالياً ففاضت عيناه، ورجل قلبه معلق بالمساجد، ورجل تصدق بصدقة فأخفاها حتى لا تعلم شماله ما تنفق يمينه، ورجل دعته

امرأة ذات منصب وجمال فقال: إني أخاف الله رب العالمين ) أخرجه البخاري ومسلم



الصنف الثالث : (رجلان تحابا في الله اجتمعا عليه وتفرقا عليه

أي كان اجتماعهما بسبب المحبة في الله تعالى لا لمصلحة دنيوية لا لتجارة ولا لمكسب ولا لواسطة أو منفعة ثم تفرقا عليه أي فارق أحدهما صاحبه لأي سبب كسفر أو موت وهما لا يزالان متحابان في الله ...ولذلك جاء عنه صلى الله عليه وسلم أنه قال: (قال الله تبارك وتعالى: وجبت محبتي للمتحابين فيّ ، والمتزاورين فيّ ، والمتجالسين فيّ ) حديث صحيح



اللهم ارزقهما الاخلاص في القول والعمل وان يجعلهما في زمره المتحابين في الله .. .

Saturday, February 2, 2008

فـــــــلا تـــــظــــــالـــمــــوا




اولا ادرك اني من المفترض ان اجاوب علي تاجين (مجلس الشعب وتاج خالو الصباغ)اسفه لعدم اجابتي عليهم حتي الان

ولكني اليوم اريد ان اقف عند حديث قدسي اعشقه بل اني اذرف من الدمع ماان رددته
عن أبي ذر الغفاري رضي الله عنه ، عن النبي صلى الله عليه وسلم فيما يرويه عن ربِه عز وجل أنه قال : ( يا عبادي إني حرمت الظلم على نفسي ، وجعلته بينكم محرما فلا تظالموا ، يا عبادي كلكم ضال إلا من هديته ، فاستهدوني أهدكم ، يا عبادي كلكم جائع إلا من أطعمته ، فاستطعموني أُطعمكم ، يا عبادي كلكم عار إلا من كسوته ، فاستكسوني أكسكم ، يا عبادي إنكم تخطئون بالليلِ والنهار ، وأنا أغفر الذنوب جميعا ، فاستغفروني أغفر لكم ، يا عبادي إِنكم لن تبلغوا ضري فتضروني ، ولن تبلغوا نفعي فتنفعوني ، يا عبادي لو أن أولكم وآخركم وإنسكم وجنكم كانوا على أتقى قلب رجل واحد منكم ما زاد ذلك في ملكي شيئا ، يا عبادي لو أن أولكم وآخركم وإنسكم وجنكم كانوا على أفجرِ قلب واحد منكم ما نقص من ملكي شيئا ، يا عبادي لو أن أولكم وآخركم وإنسكم وجنكم قاموا في صعيد واحد ، فسألوني ، فأعطيت كل واحد مسألته ما نقص ذلك مما عندي إلا كما ينقص المخيط إذا أدخل البحر ، يا عِبادي إنما هي أعمالكم أحصيها لكم ، ثم أوفيكم إياها ، فمن وجد خيرا فليحمد الله، ومن وجد غير ذلك فلا يلومن إلا نفسه ) رواه مسلم





يا عبادي إني حرمت الظلم على نفسي ، وجعلته بينكم محرما فلا تظالموا



لم الظلم هذه الايام....لقد تفشي الظلم بشكل مخيف بل اعتقد ان الحياه اصبحت الان مبنيه علي الظلم
صاحب الحق اصبح ارهابيا وضالا
اما الظالم فقد اصبح الضحيه والمجني عليه
ماهذا ا!!!!!لا ادري حقا
كل ماا اعلمه اننا قد اصبحنا في زمن كثرت فيه الكلاب التي تعوي
للاسف ونحن نظلم انفسنا بلامبالاتنا وسلبيتنا
اصبحت الافكار الغريبه تاتي لنا من كل حدب وصوب ولا تجد لها من ابناء او من ديار الاسلام رادع
اهان علينا ديننا
اهان علينا ماواجهه رسولنا وحبيبنا حتي ياتي لنا الاسلام ويصل الينا ولا نقدم شيئا بل نكون سببا في تخاذلنا والنظره السيئه لنا



، يا عِبادي إنما هي أعمالكم أحصيها لكم ، ثم أوفيكم إياها ، فمن وجد خيرا فليحمد الله، ومن وجد غير ذلك فلا يلومن إلا نفسه
نعم انما هي اعمالنا
مانحن فيه الان بسبب تخاذلنا
نعم اين هي اعمالنا.
اين العمل اين العمل اين العمل
لا يوجد من يعمل
سؤال اساله لنفسي دائما ,


مشاريع التخرج لطلبه كليه الهندسه
اين هي بعد تقديمها وبعد وضع التقدير
اجد والله مشاريع وادوات في منتهي البساطه ولكنها قادره علي اقلاب موازين الحياه في بلادنا
لكن اين هي
لا اعلم
هل بسبب نقص التمويل ام بسبب ان من يقوم بعمل هذه الماكينات والمعدات والادوات يريد الشهرة ولا يريد المنفعه؟!!!!!!لا ادري




::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::




اياكم والظلم


محاسبه النفس


ماذا تتوقع رده فعل رسول الله عند رؤيتك في هذه الايام.؟؟اواثق انت من سعادته بك ويقول انت معول بناء للامه الاسلاميه


ام سيقول سحقا سحقا بعدا بعدا فقد هدمت الدين؟؟؟؟؟


ءانت من خيار الناس(من تعلم العلم وعلمه)ز