Saturday, March 8, 2008

ايـه ده خـالـتـو وخـالـو ربـنـا يـسـتـر


السلام عليكم ورحمه الله وبركاته


دي التاجات تخيلو

اه سامعه حد بيقولي يااااااااااااه انتي لسه فاكره

طيب اقول ايه

معلش بقي المسامح كريم

كنت جاوبت علي تاخ خالتو ولقيت تاج الصباغ جاوبته لقيت تاج ابن حجر والباحث وتاج اختي امه الله طيب اعمل ايه قولت انزلهم علي مرتين

ماتخافوش الاجابات مش هتبقي طويله






دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟

الدبابه



كنت تفضل الدخول مستقل او تتبع حزب معين ؟؟؟؟

مستقل



اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟

لا طبعا ايش جاب لجاب

الدبابه ياجماعه الدبابه ماتنسوش



ايه اول حاجه هتعملها لنفسك ولاسرتك ؟؟؟؟؟

هنشتري عصير قصب (علشان المقاطعه)و



ايه المشروع اللى ناوى تعمله لاهل دايرتك ؟؟؟؟دون ذكر اسم الدائره ان اردت

دار ايتام ودار مسنين في وقت واحد

يعني دار الايتام الاطفال اللي فيها بيبقي نفسهم يلاقو ناس تعتبرهم ولادهم بجدودار المسنيين بيحسو انهم بلا هدف فنديهم هدف يربو ويعتبرو الايتام دول ولادهم هتتحل المشكله وفي نفس الوقت الاخطاء اللي الاهالي اللي في دار المسنني عملوها مع ولادهم يتجنبوها مع دول وهتبقي عمليه انتفاعيه متبادله


وهشيل كل القهاوي من البلد نهائي والنت كافيه برده

الولاد اللي في الكي جي والابتدائي بيروحو النت كافيه ياعالم وبيهربو من المدرسه علشان يروحو يلعبو حاجه اسمها كونكر وتيبيا

ومش بيجيبو بمصروفهم اكل ولا اي حاجه من اللي كانت بتجذبنا واحنا صغيرين



قعدت فى المجلس جنب نائب مميز . من هو النائب ؟؟؟

ولا اي حد هقعد لوحدي:p



قدمت سؤال للحكومه ايه هو السؤال ؟؟؟؟؟

انتو هتقابلو ربنا ازاي




طلب احاطه موضوعه ايه ؟؟؟ وبتقدمه لمين ؟؟؟؟

هقدم طلب احاطه لايه ولا ايه حسبنا الله ونعم الوكيل




استجواب لاتنين من الوزراء موضوعه ايه ؟؟؟؟وبتستجوب مين ؟؟؟؟

وزير الصحه والتعليم

الاستجواب كله عباره عن كلمه ليــــــــــــــــــــــه



هل انت مع الخصخصه ؟؟؟؟؟؟

خصخصه هي فيه حاجه اسمها خصخصه اللي موجود مش خصخصه ومعروف هو ايه



هل انت مع قطع العلاقه مع اسرائيل ؟؟؟؟؟

طبعااا ونهائيا



هل تؤيد الحرب الحرب على العراق ؟؟؟؟؟؟؟؟

لا بالطبع



هل تؤيد مرور الامريكان فى القناه ؟؟؟؟؟؟

لا لا لا



هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟

لا طبعا

بس مين اصلا ام دبوه دي



بتمرر التاج ده لمين ؟؟؟؟؟؟؟؟

هو فيه حد لسه ماجاوبوش اصلا

عموما اللي مجاوبوش يتفضل يجاوبه

واولهم مستجده وانا انسان وميويه


::::::::::::::::::::::::::::::::::::::::::::::









هل توافق على حزف خانة الديانة من البطاقة الشخصية ؟


لا طبعا بتستخدم في حاجات كتيره جدا ..اما اللي بيقولو انها تتلغي علشان الاضطهاد الموجود فانا مش شايفه ان فيه اصلا مشكله من موضوع خانه الدينات دي

يعني لو حد ضربك في الشارع هتقوله استني لو سمحت طلعلي البطاقه اشوفك انت مسلم ولا مسيحي ..لا طبعا مش بيحصل كده ولو حد ضربك هتعجنه من غير ماتعرف هو ايه:)))و




ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟

المثليين عندهم مشاكل نفسيه .بلا وازع ديني . لم ينشؤا نشاه سويه - هذا مااراه -

لا لا اعترف بوجودهم وبشكل نهائي ومازلت اكرر المفروض انهم يتعرضوا علي دكاتره امراض نفسيه ويحدث معهم لقاءات مع رجال الدين

لا ولله الحمد ليس لي اصدقاء مثليين



هل تعتقد بوجود إضطهاد للمسيحين فى مصر ؟

لا طبعا مافيش بالعكس يمكن هما لو اتعرضوا لمشكله بيلاقو حد جنبهم(المسلمين والكنيسه والحكومه) علي عكس المسلمين



من هو الشخص الذى تختارة لرئاسة مصر

لو فيه شخص يتقي الله ويتصف بالاخلاق والامانه والذكاء والشجاعه هختاره فورا



أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم

حزب سياسي مره واحده لا ياعم انا ماليش دعوه بالحاجات دي دي مسئوليه انا مش قدها

اه اوافق علي مشاركه الاخوان


الاجابه بتاعتي في سؤال واحد



هل امريكا (اللي هي رمز الحريه في العالم -كما يزعمون-)و


تقبل ان تعطي حكم او رئاسه حزب لمسلم ؟!!!! وعليه فانا اقول


اوافق علي مشاركه الاقباط بشروط




فى رأيك الشخصى .. ما هى أفضل مدونة على بلوجر قمت بزيارتها ؟

كتير جدا

كل الموجودين ع الشمال



للإناث فقط : هل توافقين على الزواج من رجل مطلق ؟

ياالله ليه السؤال ده بقي

اولا اسال علي دينه وبعد كده علي اسباب الطلاق وبعد كده اروح لطليقته علشان اكون سمعت من الطرفين وبعد كده احكم واقرر



اذا تزوجت وأنجبت ولدين وبنتين .. أى الأسماء تحب أن تسمى

خديجه وعائشه

عمر ومحمود




هل تعتقد أن توريث الحكم فى مصر . . سيتم فعلا أم لا ؟

ياخبر النهارده بفلوس بكره يبقي ببلاش

ربنا يستر




فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟

انجازات

المترو علشان السلالم المتحركه :)))و


والله مااعرف انجازات يمكن لاني اصلا ماشوفتش حاجه قبل كده اقارن بينها وبين دلوقتي


اسوأ

غلاء الاسعار والخصخصه



ثم لمن تمرر هذا التاج ؟

برده اعتقد ان مافاضلش حد ماجاوبوش غيري



همرره لمستجده ولعاشقه النقاب ولانا انسان وميويه وعبد الفتاح ودكتور بيطري وكل الموجودن عندي في المدونات المفضله عندي وماجاوبهوش


28 comments:

منوفيـــايــة said...

تعيشى وتتوجى يا عاشقة
بس أيه ده؟ انتى مقسمة التاجات ...دول بتوع القرايب الأول
خالو وخالتو والبقية تاتى
هههههه
بس تصدقى عجبنى موضوع عصير القصب ده
وكمان انجاز المترو ...بس عربية الستات هي اللى انجاز مش المترو كله..صح؟؟؟
هههههه
سلاااااااامى ليكى
وكل تاج وانت طيبة
بس متستنيش اجاباتى...اصلى لسه..مستجدة
ربنا يسّهل

ميّويه said...

ههههههههه إجاباتك كلها جميلة ولذيييييييييذة
خصوصاً عصير القصب ابقي افتكرينا بشوب قصب ولا اقولك خليها خروب عشان بحبه أكتر
وتصدقي أول مرة حد يمرر لي تاج
ححاول أجاوبه في الوقت المناسب إن شاء الله عشان ادي للموضوع الجديد وقته
بس هو ممكن في التاجات دي مجاوبش سؤال ولا لازم كله إجباري
زي ورقة الإمتحان
أول سؤال إجباري والباقي إختياري
ههههههههههههه

Anonymous said...

اجابات حضرتك جميله

ربنا يكرمك يارب

دكتور حر said...

أجابات طيبه
لواحده طيبه
(:

عبدالرحمن الشافعي said...

السلام عليكم...
أنا بقالي كتيييير قوي ما علقتش هنا...
أنا آسف وآخر مرة..وماعنتش هخرج إلا لما أقولك...
هههه
الإجابات جميلة قوي...وعاقلة...
إنتي بقى عاوزة تعرفي مين "أم دبوه"دي..؟؟
دي يا ستي إلي كسرت خالتو فرنسا وبهدلتها .....إنتي ما قرأتيش الموضوع ده في مدونتها...؟؟..
بس الإجابات جميلة جدا...
تحياتي لكي ..
ودمتي ...لالالا مش الجبنة..
ودمتم بخير
هههه
أخوكم عبدالرحمن ياسين

موجة said...

ايه ده يا شيخة
ايه ده يا شيخة
اجاباتك جميلة قوي قوي قوي
حقيقي جريئة و فيها عمق ووعي بمشكلات البلد .. حلوة الدبابة دي
بس ملاحظتي الوحيدة :
دي كانت رمز نائبة المنيل شاهيناز النجار و لما دخلت المجلس انضمت للحزب الوطني برضه
فالدبابة يا عزيزتي مش مانع و لا حاجة و ش لازم يكون هلال من البداية
هههههههههههههه

خالص تحياتي
احمد

Unknown said...

والنت كافيه برده
الولاد اللي في الكي جي والابتدائي بيروحو النت كافيه ياعالم وبيهربو من المدرسه علشان يروحو يلعبو حاجه اسمها كونكر وتيبيا
ومش بيجيبو بمصروفهم اكل ولا اي حاجه من اللي كانت بتجذبنا واحنا صغيرين


........................
طب وحضرتك متضايقه ليه؟؟؟
أنا من رائيي ان دي ظاهره صحيه جدا جدا
وللا يعني علشان حضرتك ما كنتيش بتعرفي الماوس من الفار وانتي قدهم
:)
وبعدين اغلب المدونين ومنهم انا بيدونوا من السيبرات
أصل الحكومه اللي في البيت ترفض الجلوس على الكمبيوتر اكثر من 5 ساعات في اليوم
!!!!!!!
بقيت اجابات التاج ده جميله
بس مادام حضرتك بنت
كانت العصفوره احسن من الدبابه
ولا هيه يعني بدل السيف اللي على شعار الاخوان
:)

شكرا لتمرريرك هذا التاج لي
ده تعليقي على التاج الاول

Unknown said...

الاجابه بتاعتي في سؤال واحد






هل امريكا (اللي هي رمز الحريه في العالم -كما يزعمون-)و



تقبل ان تعطي حكم او رئاسه حزب لمسلم ؟!!!! وعليه فانا اقول



اوافق علي مشاركه الاقباط بشروط

......................
انا اعارض حضرتك في النقطه دي

أولا لما حضرتك هاتحكمي ان شاء الله يعني
هاتطبقى الديموقراطيه زي ما أمريكا بطبقها
؟؟؟؟؟؟؟؟؟
أولا لو كان الحكم اسلامي مش هايبقى فيه حاجه اسمها احزاب ولا ديموقراطيه

هايبقى فيه أحل الحل والعقد
وأهل الشورى
اللي هوه مجلس الشورى حاليا
وأهل الحل والعقد دول وأهل الشورى دول همه لازم يبقوا صفوه المجتمع
وممثلين لكل طبقاته وانواعه
وطبعا لان فيه مسحيين كتير
فلازم يبقى فيه في اهل الحل والعقد دول مسيحيين
ولو كان فيه مثلا احسن دكتور في مصر مثلا مسيحي
يبقى اللي بيمثل الدكاتره هوه
دون ان تؤثر ديانته على اختيارك له
ودون اي شروط
واكرر دون اي شروط

وعلى فكره
كان كتيير جدا لما كان بيبقى الوزير الاول في الدوله الاسلاميه مسيحي
ودايما
أو غالبا على مر التاريخ
الراجل اللي كان بيبقى ماسك اموال الدوله بيكون مسيحي
ليه مش عارف
بس هيه جات كده
وعندي الدليل

حاجه تانيه
الدوله الاسلاميه كانت اسلاميه الحكومه والاتجاه
مش شرط انها تبقى اسلاميه الافراد
اعتقد ان حضرتك فاهماني
وانا على فكره اؤيد حاليا حصول المسيحين على نسبه من مجلس الشعب تساوي نسبتهم للشعب
واي خطأ ها ينتج عن هذا الاقتراح ليس سببه هوه وجود هؤلاء المسيحيين في مجلس الشعب
لا
وجود مجلس الشعب نفسه
؟!!!!!!!!!!!


وبرده شكرا على ثقتك بتمريير هذا التاج لي
وان شاء الله اجاوبهم كلهم بعد مااكمل الخلق الثاني






وبعدين فين البحث
؟؟؟؟؟؟؟؟؟؟؟؟؟؟؟

Unknown said...
This comment has been removed by a blog administrator.
مهندس مصري بيحب مصر said...

اجابات معقولة بس متأخرة قوي
بس مش مهم
متأخر احسن من مفيش :)

آخر العنقود said...

اجابات صريحة وواضحة جدا

ربنا يكرمك ياعاشقة
بجد عاجبنى ردودك

ربنا يكرمك يارب
تحياتى ليكى

Unknown said...

اختنا عاشقه الفردوس
جابات دبلوماسيه جدا
واجابات بسيطه ورائعه
ربنا يبارك في حضرتك
وعجبني جدا الاجابه بتاعت المشروع اللي هتعمليه لاهل دائرتك
وجزاكم الله خير

فرنسا هانم said...

السؤال بتاع وزير الصحه ووزير الاعلام
ليه ؟؟؟؟؟؟؟؟؟؟؟؟؟؟؟؟؟؟
ياه
السؤال ده وراه مليون سؤال
تحياتى لكى
ولردودك البسيطه على التاجين

عصفور المدينة said...

بارك الله فيك إجابات خاطفة جدا بس صح حتنجحي
:)

د/اجدع بنوته said...

اجابات رائعه

يمكن مش معاكى

ف انكم اغلبكم اخد فكره سيئه تماما عن الحزب الوطنى

وزى ماقولنا ان مفروض التعميم منطبقوش ع اى حاجه

بس ماعلينا

تعالى عندى بقى

مستنيكى تالج تالته ياحبيبتى

هههههههههههههههه

وزارة دولة عسقالينا

تحياتى

محمد said...

ما شاء الله .. اجتماع عائلي
الخال والخالة .. وأنت

إجابات طيبة :)

صوت من مصر said...

كل دى تاجات بجد انا لو مكانك هكون مخنوق صح بس عشان خاطر عيون خالو وخالتو
بامانه اجابات هايله جدا ؟

http://kasperb4.blogspot.com/ said...

هل تعتقد بوجود إضطهاد للمسيحين فى مصر ؟
لا طبعا مافيش بالعكس يمكن هما لو اتعرضوا لمشكله بيلاقو حد جنبهم(المسلمين والكنيسه والحكومه) علي عكس المسلمين
-------

:D لاهي العملية مش غامقة اوي كده
بردو
يعني الحمد لله لسة فيه شوية خير عند الناس ولما حد يحصله مكروه بيلاقي اللي يقف جمبه

هو يمكن قصد حضرتك ان فعلا الكنيسة بتهتم بأمور النصارى بشكل ملحوظ وده شيء يحسب لهم
---------

وبقية الاجابات تدل على شخصية طيوبة جداا
:)
بارك الله فيكِ

الطائر الحزين said...

اجابات
مثل الوجبات السريعة

تحياتى

صاحب المضيفة said...

ايه الاجابات الرايقة دي


وكمان كل التاجات مرة واحده

اجابات رايقة بجد


ربنا يكرمك

الـسـيـدة نـون said...

قصب
هتشترى قصب يا عاشقة
هههههههههههههههههههههههه
والله انتى طلعتى حكاية

وعجبتينى اوى لما قلتى ان من الانجازات المترو
اصل انا لاحظت ان اغلب الناس قالت مافيش انجازات
رغم ان انا كان رايى من رايك بس زودت عليكى حاجة وقلت ان الانجازات هى المترو والكبارى

تحياتى ليكى يا عاشقة
اختك خيخة

ابو صهيب ( الجمعاوي الاصيل)سابقاً said...

هههههههههههههههه

ايه الدبلوماسية دي كلها

تاجين جامدين بصراحة واجابات اجمد

ربنا يوفقك ويعطيكي على قد نيتك

NIDAAL .R said...

عاشقة الفردوس
اجابات بسيطة و مباشرة و كافية
و بالنسبة للعبة كونكر دى دى بتجيب لهم فلوس من خلال عمليات بيع و شراء اشياء بداخل اللعبة و التعامل المالى خارج العبة ..ولا انتى شكلك بتحقدى علي الاطفال الغلابة دول ..هههههه
اعتقد ان احنا الغلابة يا عاشقة الفردوس.. هههههههههه

Unknown said...

تعرفي أن رمز الدباباة ده مان بتاع المرشح بتاعنا في دائرتنا دمنهور د/ حشمت
الرجل المحترم اللي سحقهم ولكن واحد فقي جه وأخدها بالتزوير

حلو التاجات السياسية دي

الراقـــص مع الذئـــــاب said...

السلام عليكم

ازيك يا اختي الفاضلة
الواحد بقي ياخد باله وهو جاي عندك...بقي فيه دبابات...يا لطيف اللطف يارب
الاجابات جميلة يا عاشقة الجنة
بس انا مش معاكي في غن الاقباط يشتركوا في الحكم
دوله ملهمش عندنا في الاسلام غير عدم ظلمهم وعدم التعرض ليهم بأذي
إنما يمسكوا مناصب...لا...مينفعش
والدليل علي كدا الاجرب اللي اسمه سويرس....محدش بيشتغل في شركاته غير النصاري بس
ولو مسلم يبقي عشان يستفيد من خبرته ....
تخيلي بقي لو اشتركوا في الحكم ممكن يعملوا ايه

جزاكي الله خيرا علي التاج

ღϠ₡ღأمير الهدوءღϠ₡ღ said...

اجمل حاجه
خالو وخالتو
ههههههههههههه

توقيت مناسب جدا

عاشــــــ النقاب ـقــــة"نونو" said...

تاج اجاباته روعة وعسللللللللل زيك يا حبيبتي
انا جاوبته خلاص س بتاع خالتشي لسة
هجاوب حاجة دلوقتي اهو
بورك قلمك حبيبتي

أختكم فى الله said...

اختى فى الله / عاشقة الفردوس

ما شاء الله عليكى مدونتك جميلة وكلامك جميل
انا اتشرفت بزياره المدونة حقيقيبارك الله فيكى وجزاكى كل خير