Tuesday, March 4, 2008

حـــامــــيــــهــــا حـــرامــــيـــــهــــــا

السلام عليكم ورحمه الله وبركاته
اريد ان اتحدث عن خبر سمعته وكأنه الصاعقه اهتز لها كل كياني
هل احلم ام انا في عالم غير عالمنا
سأدخل في الموضوع مباشره
الخبر ببساطه ياساده
كل المقاهي(القهاوي )تتعاطي فيها الحشيش والبانجو وماالي ذلك لا وايه اللي بيوردلهم الحشيش والبانجو هما المخبرين والعساكر
يافرحتي
شوفتو الخبر ده بقي
ها ايه رايكم
؟ّ!!!!!!
الموضوع ده عندنا في بلدنا والخبر ده جاي من مصدر موثوق منه
جاي من الشباب شباب البلد نفسهم
وقالو
البانجو اول مانزل البلد كان قرص الحشيش (اسفه ياجماعه للالفاظ هما بيتكلمو كده ) بميه جنيه
بعد سنه بقي القرص بخمسه جنيه
انا مفهمتش ايه الكرم ده وايه اللي يخلي القرص سعره يقل بالمنظر الرهيب ده
سمعت واحد منهم بيقول طبعا يابني ماهي البلد كلها بقت محششه وهيستريا ضحك
لا والاكثر غرابه بقي
ان البانجو بيتعاطوه في المقاهي(القهاوي)اللي مترخصه وزي مابيقولو (علي عينك ياتاجر)كل القهاوي بيتوردلها بانجو وحشيش
طيب ماشي الخبر خلص؟
لا لا لا الخبر لسه ماخلصشي
الادهي بقي ان اللي بيورد للقهاوي الحشيش والمكيفات بانواعها هما مين !!!!!؟ّّّّّ.
هما المخبرين والعساكر
عارفين يعني ايه المخبرين والعساكر
يعني حاميها حراميها
يعني حتي لو فكرت اني اروح او نبعت بلاغ للشرطه عندنا ونقولهم علي ان فيه شباب احيانا بيجو ناحيه بيتنا
او نعمل بلاغ علشان القهاوي واللي بيحصل فيها ممكن احنا اللي نتاخد في الرجلين
اه مااحنا كده اللي بنعمل بلبله
واحنا اللي بنطالب بحاجات مش من حقنا
طيب بالله عليكم دلوقتي نعمل ايه
قولولي علي حل
عايزين حل عملي
بصوا ماحدش يقولي نبلغ
ماهو لو اضمن ان لو دخلنا القسم اصلا هيدخلونا او يعني اللي هيروح هيدخلوه
وميمنعهوش يدخل للظابط المسئول او يدخلوه لظابط يتقي الله كنت هبقي مبسوطه
انا عارفه ان فيه ناس هتقول يابنتي انتي فكرك ان الظباط ملايكه الناس غلط كلها وهما عايزين كده
ماشي انا معاكم بس اكيد فيه شخص حتي بين كل 100 يتقي الله
طيب ايه الحل
هنعمل ايه يانااااااااااااااااااااااااس
عايزين شبابنا مغيب لامتي
حد يفهمني
حاجه كمان واحده صاحبتي اتقدم لها ظابط
ظابط اهو يابشر
بغض النظر عن سلوكيات والفاظ الظباط وكل الكلام ده
الظابط ده اترفض
ليييييييييييييييييييييه؟!!!!! لسبب بسيط
في مره بعد خطوبتهم اتصل بيها وكان قلقان جدا
قالتله مالك فيك ايه
وهو من قلقه قالها
قالها اصل بكره الكشف الدوري للظباط (او حاجه زي كده انا مركزتش اوي من الكلمه)بس هوكشف دوري للظباط ليتاكدوا من عدم تعاطيهم المخدرات
وقالها هنكشف انا شربت النهارده بانجو كتييييييييييييير
صاحبتتي مبقتش مصدقه نفسها
بيتصل بيه الساعه 3 الفجر لا وبيقولي مخدرات
ايه ده ازاي
اللي يضحك في الموضوع ان تاني يوم اتصل بيها الساعه 1 الظهر يقولها انا مبسوط اوي ومش مصدق ازاي التحليلات طلعت اني معنديش حاجه واني لااتعاطي المخدرات
انصدمت صاحبتي اكتر
بس طبعا كانت قالت لاهلها وانتهي الموضوع
حد يقولي ده ايييييييييييييييييييييه
اه فيه موضوع كمان كان معايا من فتره ومتعلق بالموضوع ده
ليه دايما (عندنا الله اعلم بقي في بقيه المحافظات) بنلاقي قدام كل مسجد قهوه او سايبر كبير
لا والمصيبه بقي لازم المسجد صوت ميكرفوناته منخفضه
والله كنا في رمضان ونصلي في المسجد وسامعه صوت الاغاني اعلي من صوت الشيخ
وخرجنا من المسجد كلنا نبكي
انا مش بقول موضوع ويتركن زي اخواته
لا ياجماعه
انا عايزة حد يقولي دورنا ايه
بالله عليكم احنا هنعمل ايه وايه الحلول اللي ممكن نقوم بيها
اكيد الشباب اللي ع القهاوي دي احنا هنتسئل عنهم
طيب نبري ذمتنا منهم قدام ربنا ازاي
يابشررررررررررررررررررررررر ايه الحلللللللللللللل؟؟؟؟؟؟؟؟؟؟؟؟؟؟؟؟

14 comments:

مهندس مصري بيحب مصر said...

لا من ناحية الحل انا ما أعرفش
لكن بالنسبة لبيع المخبرين للمخدرات
لا مش كلهم بيبعوها بعضهم اللي بيبعها و في السر مش في العلن كده
عندنا معروف ان مخبرين مكافحة المخدرات هما اللي بيبيعوها من احراز القضايا
و مش كل القهاوي بيحصل فيها كده لأ بعضها فقط
لكن بتبقى تحت شنبهم بالضبط زي غرزة مشهورة عندنا في وش مباحث التموين
:)

عصفور المدينة said...

لا حول ولا قوة إلا بالله مررت الليلة على مقهى عادي ملحق به محل خمور مرخص


وأحب أطمئنك أن انخفاض الأسعار هو راجع إلى الغش الذي انتشر وتنوعت أساليبه حتى المخدرات بيغشوها
:)

أما دورنا نحن فحقيقة الموضوع ده كبير جدا وفيه أنواع كثيرة من الإدمان حتى إن هناك أنواع تتعاطى أدوية ومسكنات فلابد من دور الأسرة والعلاج يكون طبي برغبة المتعاطي أولا فما ينفعش الوعظ لمن اندرج في هذا السلم

أما المفروض هو حماية من لم يقع في ذلك والانتباه للتربية والمتابعة والنصح والتحذير ووو

منوفيـــايــة said...

ايه بس يا عاشقه الفردوس ...انتى مفكرانا عايشين ف عالم مثالى
لاااااا
يابنتى ده الموضوع مش مقتصر على المخبرين والعساكر...دول الظباط الكبار هما اللى بيظموا الموضوع ده
والله اعلم مش بعيد يكونوا بيتقاسموا معاهم ف الأرباح....الله لا يربحهم
وبعدين زى ما انتى عارفه الناس كلها عندنا وف كل المحافظات بتبقى عارفه مين اللى بيضرب حشيش ومين اللى مقضيها سوايل وكله وبنزين وصراصير وخنافس... يختييييييي متعديش
وكمان الناس بتبقى عارفه انهى قهوة اللى شغال فيها الكلام ده وانهى بتاعة الناس الكبارة
المهم انا مع السادة الأفاضل اللى علقوا قبلى وزى ما البشمهندس عصفور قال " البداية جوا البيت "...فعلا
الرك على الأب والأم اللى مش حاسين بأى تغير ف ولادهم وسايبنهم من غير رقابة وخلاص تقريبا الصحبة كلها بقت سووووووووء
ماعلينا " من وجهة نظرى "...إلا الدعاء لهم بالتوبة والهداية
وان شاء الله نربى اولادنا التربية الإسلامية... وربنا ميجيبش حاجة وحشه
اللهم اهدى شباب المسلمين وتب عليهم وردهم اليك مردا" جميلا" يارب العالمين ويا أرحم الراحمين
سلامى ليكى
وهبقى اكلمك عشان اباركلك ع القهوة الجديدة اللى هتفتح نواحيكو....ضربوا الأعور على عينه

AHMED SAMIR said...

طب انا هاقول لك حاجة لها علاقة باللي انتي كاتباه
انا بتاع الجرايد اللي بشتري منه الجرايد يوميا بيقابلني يوميا بسيجارة بانجو في ايده
بتاع الجرايد دة بقى فاتح جنب القسم لزق
عادي....ماتشغليش بالك
تحياتي

فرنسا هانم said...

عاشقه الفردوس حبيبتى الغاليه
ازيك ..عامله ايه ؟
شوفى يا قمر
مسا التماسى
مفيش حاجه اسمها قرص حشيش
اسمه قرش حشيش
وبيتقسم الى 8 قطع
كل حته اسمها تمنايه
وال 8 قروش ب وقيه ( اوقيه) .ه
وال8 وقيات
ب فرش كامل
بعد التعريفات دى
احب اطمنك
ان مفيش حاجه علنى كده
والكلام اللى وصلك ده غير صحيح
او من الممكن ان تكون مقاهى فى مناطق نائيه او منعزله
وده ميمنعشى ان بعض رجال الشرطه او المخبرين او امناء الشرطه من اكتر اصحاب الكيف

بنت الصالحين said...

مهندس مصري


طمنتنا والله


بس برده الحل فين


:::::::::::::::::::::::::::::::::::


استاذنا عصفور

ربنا يبارك في حضرتك


كل ده كويس وفعلا دور الاهالي والعنايه والرعايه والمراقبه والكلام ده


بس الحل دلوقتي ايه
يعني احنا علينا ذنب او ناثم لعدم فعل اي شي لهم


لا ادري حقا

جزاكم الله خيرا
::::::::::::::::::::::::::::::
مستجدتي

اهلا بالبلديات


هنروح في داهيه يابنتي


بصي بقولك ايه

هنعمل ايه في القهوه صحيح اللي هتتفتح ناحيتنا دي


ياربي

انتي هتهنيني
يادي النيله
ههههههههههههههههه سلا ياحنون

بنت الصالحين said...

استاذ احمد سمير

عادي ومااشغلش بالي

طيب لو قولنا انها عادي وماشغلناش بالنا مين اللي هيشغل باله


الله المستعان



نورت المدونه


::::::::::::::::::::::::::::::



خالتو فرنسا

ايه النور ده



ههههههههههههههههههه والله شكرا ع المعلومات بس عرفتيها ازاي



الكلام اللي وصلني ده ياخالتو من شباب كانو قاعدين تحت بلكونتنا

يارب عافينا واعف عنا يارب



تحياتي ليكي ياخالتو

Unknown said...

اختنا عاشقة الفردوس
طيب الحمد لله ان في حاجه في البلد بترخص
بس ربنا يستر وميحصلش طوابير علي المخدرات والبانجوا
وممكن كمان تدخل تبع بطاقة التموين اه علشا يبقي الشعب مناقصهوش حاجه الا ان المخدرات تتوصل دليفري علي البيت ودي مطروحه في الخطه الخمسيه اللي جايه
والله الواحد مش عارف يقول ايه اصل موضوع زي ده يانكتب لاتعليق يانهزر ونتريق علشان ميحصلناش حاجه
والحل
الاسلام هو الحل
وجزاكم الله كل خير

عاشــــــ النقاب ـقــــة"نونو" said...

حبيبتي عاشقة الفردوس
دي حاجة تبع نظرية المؤامرة عاوزين الشباب يفضلوا مغيبين
ربنا يرحمنا برحمته لكن الحل فين بقى
انا اقولك كلمة السر
الدين دة هوة الحل الرجوع للدين واقامة حدود الله هي الحل
متالقة دائا حبيبتيرؤ
ربنا يبارك فيكي
دمتي بخير

دكتور حر said...

الموضوع وتعليقاته غير مثير للدهشه
لكن
ما اثار دهشتي عدم ادراكك للأمر الا الآن


والله انتي طيبه
واللي عرفتيه ده
جزء بسيط من الضياع اللي الشباب فيه

ربنا يتولانا برحمته
ودمتي طاهره نقية

الجنوبى said...

ياست الكل احب اقولك ضربوا الاعمى على عينه قال ايه ؟ ردى انتى
تحياتى عمرو

الطائر الحزين said...

اخويا محامى بحكى لنا على مهازل داخل الاقسام


تحيات

"النجم القادم" said...

السلام عليكم
يانهار محمحى على بحلقى
انا قلتلك اوعى تخاف
بس مقلتلكيش تبوظى اللغة عند الناس
هههههههههههههههههه
بس انتى كده مش هتروحى امن الولة انتى هتروحى مباحث المخدرات
هههههههههههه ربنا يكرمك ياااارب بس مش عارف ايه الحل ممكن نقول زى اللمبى
يانوفر للشباب بيوت ينوفرلهم البنجوو والحشيش هههههههههههههه

قبلة الحياة said...

لا حول ولا قوة الا بالله

فعلا بجد مصيبه ناس غابت ضمايرها

بس حمله حمايه اللي عملها الاستاذ عمرو خالد جميله جدا للعلاج بس بالنسبه بئه للفساد المتفشي دا فمحتاج حملااااات وحملاااااات وربنا يستر علينا ويحمي ولادنا يارب

تحياتي اختي الغاليه وخالص تمنياتي لك بدوام الصحة والتوفيق باذن الله